ປະທານາທິບໍດີ ມາເຊໂດເນຍ ທ່ານ Gjorge Ivanov ກ່າວວ່າ
ຕຳຫລວດ ໄດ້ສະກັດກັ້ນ ອັນທີ່ທ່ານເອີ້ນວ່າ ເປັນ “ການໂຈມ
ຕີກໍ່ການຮ້າຍ ທີ່ມີການປະສານງານກັນ” ຫຼັງຈາກກຸ່ມຕິດ
ອາວຸດກຸ່ມໜຶ່ງ ຍິງປືນຕໍ່ສູ້ກັບຕຳຫລວດ ຢູ່ທາງພາກເໜືອ ຂອງ
ມາເຊໂດເນຍ ໃນວັນເສົາມື້ກ່ອນນີ້.
ການຕໍ່ສູ້ກັນໃນເມືອງ Kumanovo ເຮັດໃຫ້ມີ 22 ຄົນເສຍຊີວິດ
ລວມທັງ ຕຳຫລວດ 8 ຄົນ ແລະ ມືປືນ 14 ຄົນ. ແລະ ຕຳຫລວດ
37 ຄົນ ໄດ້ຮັບບາດເຈັບ.
ປະທານາທິບໍດີ Ivanov ກ່າວຖະແຫລງ ຕໍ່ກອງປະຊຸມ ສະພາ
ຄວາມໝັ້ນຄົງແຫ່ງຊາດຂອງມາເຊໂດເນຍ ໃນວັນອາທິດວານນີ້ ວ່າ ພວກມືປືນ ໄດ້
ພະຍາຍາມ ທີ່ຈະກໍ່ຄວາມວຸ້ນວາຍ ແລະສ້າງຄວາມຢ້ານກົວ ແລະ ວ່າ ຊີວິດຂອງບັນດາ
ພົນລະເຮືອນແມ່ນຕົກຢູ່ໃນຄວາມສ່ຽງ.
ທ່ານ Ivanov ກ່າວອີກວ່າ “ພວກທີ່ກະທຳການກໍ່ການຮ້າຍດັ່ງກ່າວນີ້ ແລະ
ພວກທີ່ກ່ຽວຂ້ອງທັງໝົດ ຈະຕ້ອງໄດ້ຮັບໂທດຢ່າງສາສົມ ສຳຫລັບອັນທີ່
ພວກເຂົາ ພະຍາຍາມເຮັດຕໍ່ ສາທາລະນະລັດມາເຊໂດເນຍ ແລະ ປະຊາ
ຊົນຂອງປະເທດ. ຂ້າພະເຈົ້າ ຢາກຊີ້ໃຫ້ເຫັນຢ່າງຈະແຈ້ງວ່າ ພວກເຮົາຈະ
ບໍ່ຍອມປ່ອຍໃຫ້ມີຄວາມເຄັ່ງຕຶງທະວີຂຶ້ນ.”
ເມືອງ Kumanovo ແມ່ນເຂດຢູ່ອາໄສຂອງຊົນເຜົ່າອານເບເນຍ ທາງກ້ຳເໜືອຂອງ
ນະຄອນ ຫລວງສະກົບເຢ.
ບໍ່ຈະແຈ້ງເທື່ອວ່າ ພວກມືປືນດັ່ງກ່າວນັ້ນ ແມ່ນໃຜ. ທ່ານ Ivanov ອະທິບາຍວ່າ ພວກເຂົາ
ແມ່ນພວກທີ່ຮຸນແຮງທີ່ສຸດ ແລະ ເປັນອາຊະຍາກອນທີ່ຊຳນານ ທີ່ໄດ້ຮັບການເຝິກແອບ
ທາງດ້ານທະຫານ. ໂຄສົກ ກົມຕຳຫລວດ ທ່ານນຶ່ງກ່າວ ຕໍ່ອົງການຂ່າວຝຣັ່ງວ່າ ພວກເຂົາ
ສ່ວນໃຫຍ່ແມ່ນເປັນປະຊາຊົນມາເຊໂດເນຍ ທີ່ນຳພາໂດຍ ຊົນເຜົ່າອານເບເນຍ 5 ຄົນ
ຈາກ Kosovo.
ປະທານາທິບໍດີ Ivanov ກ່າວວ່າ ມາເຊໂດເນຍ ໄດ້ເຕືອນ ສະມາຊິກ ສະຫະພາບຢູໂຣບ
ແລະ ສະມາຊິກ ອົງການເນໂຕ 17 ປະເທດ ກ່ຽວກັບກຸ່ມດັ່ງກ່າວ ແລະ ຄວາມສ່ຽງທີ່ມີ ເມື່ອ
ຕົ້ນປີນີ້ ແຕ່ບໍ່ໄດ້ຮັບຄຳຕອບເລີຍ.
ບັນດາເຈົ້າໜ້າທີ່ສະຫະພາບຢູໂຣບ ແລະ ອົງການເນໂຕ ບໍ່ໄດ້ໃຫ້ຄຳເຫັນ ຕໍ່ຄຳຖະແຫລງ
ໃນວັນອາທິດຂອງທ່ານ Ivanov ແຕ່ໄດ້ຮຽກຮ້ອງໃຫ້ ຢູ່ໃນຄວາມສະຫງົບ.
Your browser doesn’t support HTML5
Macedonia Terrorist