ສານສູງສຸດໃນຢູໂຣບ ໄດ້ຕັດສິນເຫັນພ້ອມ ກັບນັກຮຽນອອສ
ເຕຣຍຄົນນຶ່ງຜູ້ທີ່ຟ້ອງຮ້ອງວ່າ ຂໍ້ຕົກລົງປ້ອງກັນຂໍ້ມູນ ຂ້າມມະ
ຫາສະມຸດ Atlantic ບໍ່ດຳເນີນການຢ່າງພຽງພໍໃນການປົກປ້ອງ
ຄວາມລັບສ່ວນໂຕຂອງບັນດາຜູ້ໃຊ້ ຕາໜ່າງສື່ສັງຄົມ Face-
book ທີ່ມີສຳນັກງານຢູ່ໃນສະຫະລັດ.
ສານຢູໂຣບ ໄດ້ປະກາດໃນວັນອັງຄານມື້ນີ້ວ່າ ອັນທີ່ຮ້ອງວ່າ ຂໍ້
ຕົກລົງ “ບ່ອນເກັບກຳທີ່ປອດໄພ” ບໍ່ໄດ້ລົບລ້າງ ໃນຄວາມຕ້ອງ
ການສຳລັບອົງການຄຸ້ມຄອງທ້ອງຖິ່ນ ເພື່ອໃຫ້ເປັນທີ່ແນ່ໃຈວ່າ
ບໍລິສັດ ສະຫະລັດ ໃຫ້ການປົກປ້ອງຄຸ້ມຄອງຂໍ້ມູນ ຂອງບັນດາ
ຜູ້ໃຊ້ໃນຢູໂຣບຢ່າງພຽງພໍ.
ສານກ່າວວ່າ ບັນດາຜູ້ອອກກົດລະບຽບຄຸ້ມຄອງຄວາມລັບສ່ວນໂຕໃນປະເທດ Ireland
ທີ່ຕັ້ງຫ້ອງການປະຕິບັດງານ Facebook ໃນຢູໂຣບ ບັດນີ້ຕ້ອງໄດ້ຕັດສິນໃຈວ່າ ລະບົບ
ການສົ່ງຂໍ້ມູນຈາກຢູໂຣບ ໄປຫາສະຫະລັດ ຄວນທີ່ຈະຖືກໂຈະຫຼືບໍ່.
ຂໍ້ຕົກລົງບ່ອນເກັບກຳທີ່ປອດໄພ ຊຶ່ງມີຜົນບັງຄັບໃຊ້ມາໄດ້ 15 ປີແລ້ວ ໄດ້ຖືກພັດທະນາ
ໃຫ້ເປັນຊ່ອງທາງເພື່ອອະນຸຍາດໃຫ້ບັນດາບໍລິສັດສະຫະລັດ ແລກປ່ຽນຂໍ້ມູນກັບຢູໂຣບ
ໂດຍບໍ່ຕ້ອງລະເມີດກົດໝາຍຄຸ້ມຄອງຄວາມລັບສ່ວນໂຕຂອງຢູໂຣບ. ຫລາຍກວ່າ
4,000 ບໍລິສັດ ສະຫະລັດ ໃຊ້ຂໍ້ກຳນົດນີ້ໃນການເຮັດທຸລະ ກິດຂ້າມມະຫາສະມຸດ
Atlantic.
ເທັກໂນໂລຈີກ່ຽວກັບຄວາມລັບສ່ວນໂຕ ໄດ້ກາຍເປັນຂ່າວສຳຄັນທັງໃນຢູໂຣບ ແລະ
ສະຫະລັດ ນັບແຕ່ຂໍ້ມູນໄດ້ປາກົດໂຕຂື້ນມາເມື່ອສອງປີກ່ອນ ໂດຍພະນັກງານສັນຍາ
ຈ້າງ ທ້າວ Edward Snowden ທີ່ໄດ້ເປີດເຜີຍວ່າ ສະຫະລັດໄດ້ ລັກສອດແນມແບບ
ຜິດກົດໝາຍ ຕໍ່ປະຊາຊົນຊາວຢູໂຣບ ແລະບັນດາພວກທີ່ບໍ່ ຖືສັນຊາດອາເມຣິກັນ.
ນັກຮຽນອອສເຕຣຍ ທ້າວ Max Schrems ໄດ້ຍື່ນຟ້ອງຄະດີນີ້ຕໍ່ສານຢູໂຣບ ຫລື
ECJ ໂດຍໂຕ້ຖຽງວ່າ ອົງການຄຸ້ມຄອງຂໍ້ມູນຂອງໄອແລນ ບໍ່ສາມາດປົກປ້ອງຄວາມ
ລັບສ່ວນໂຕຂອງລາວ ຈາກອົງການສືບລັບຂອງສະຫະລັດ.
ວໍຊິງຕັນ ແລະບຣັສເຊີລສ໌ ກຳລັງເຮັດວຽກກ່ຽວກັບລະບຽບການຄຸ້ມຄອງຄວາມລັບ
ຂອງສ່ວນບຸກຄົນສະບັບໃໝ່ ຊຶ່ງຈະໃຫ້ເປັນທີ່ພໍໃຈຫລາຍຂຶ້ນແກ່ຄວາມຕ້ອງການ
ຂອງ ຢູໂຣບ.