ໜ່ວຍຍາມຝັ່ງອີຕາລີກ່າວວ່າ ໃນວັນອັງຄານວານນີ້ ຕົນໄດ້ຊ່ອຍກູ້ໄພຄົນເຂົ້າເມືອງ 2,000 ຄົນຈາກທະເລທີ່ເປັນອັນຕະລາຍ ນອກຝັ່ງ Libya ໃນສອງມື້ທີ່ຜ່ານມາ.
ຈຳເປັນຕ້ອງໄດ້ມີການປະຕິບັດງານຫຼາຍເຖິງ 25 ຄັ້ງເພື່ອຊ່ວຍເຫລືອ ພວກຜູ້ຊາບ ແມ່ຍິງ ແລະເດັກນ້ອຍທີ່ຄັບຄັ່ງຢູ່ໃນເຮືອອັນແອອັດເຫຼົ່ານັ້ນ.
ບັນດາເຈົ້າໜ້າທີ່ Italy ກ່າວວ່າ ບໍ່ມີການເສຍຊີວິດ ແລະພວກຄົນເຂົ້າເມືອງດັ່ງກ່າວ ໄດ້ຖືກນຳໄປເມືອງ Sicily.
Austria ກ່າວວ່າ ຕົນກຳລັງວາງແຜນວ່າຈະນຳເອົາການຮັດແໜ້ນວິທີຄວບຄຸມຊາຍ ແດນຄືນມາໃຊ້ກັບອີຕາລີ ເພາະຢ້ານວ່າຈະມີການຫລັ່ງໄຫລເຂົ້າມາຕື່ມຂອງຄົນເຂົ້າ ເມືອງຈຳນວນໃໝ່.
ພ້ອມໆກັບການຮັກສາຊາຍແດນທີ່ເຄັ່ງຄັດຂຶ້ນນີ້ ພວກພະນັກງານກໍໄດ້ເລີ້ມສ້າງບ່ອນ ຄວບຄຸມກວດກາຊາຍແດນທີ່ເມືອງ Brenner ບ່ອນຜ່ານເຊື່ອມຕໍ່ກັບ Austria ແລະ Italy ຜ່ານທາງພູເຂົາ Alps ແຫ່ງໃໝ່ຂຶ້ນ.
ສະຫະພາບຢູໂຣບກ່າວວ່າ ຕົນມີຄວາມ “ເປັນຫ່ວງທີ່ສຸດ.”
ໂຄສົກຍິງ ທ່ານນາງ Natasha Bertaud ກ່າວວ່າ “ຖ້າຫາກແຜນເຫລົ່ານີ້ຈະນຳໃຊ້ແທ້ ພວກເຮົາກໍຈະຕ້ອງໄດ້ເບິ່ງຢ່າງຈັງຈັງ” ບ່ອນຜ່ານທີເມືອງ Brenner ເປັນບ່ອນສຳຄັນ ສຳລັບເສລີພາບ ໃນການເຄື່ອນໄຫວໄປມາພາຍໃນສະຫະພາບຢູໂຣບ.
ຄົນເຂົ້າເມຶອງທີ່ສ່ວນໃຫຍ່ມາຈາກ ປາກິສຖານ ປະທ້ວງຕໍ່ ສະຫະພາບຢູໂຣບ.
ໃນຂະນະດຽວກັນ ບັນດາຄົນເຂົ້າເມືອງຫລາຍຮ້ອຍຄົນກໍໄດ້ພາກັນອາສາສະໝັກ ທີຈະ ຍົກຍ້າຍບ່ອນພັກເຊົາໄປຢູ່່ຕາມຊາຍແດນ Greek-Macedonian ອັນທີ່ເຄີຍເປັນບ່ອນ ແຫ່ງຄວາມຮຸນແຮງ ສົກກະປົກ ແລະມີຂີ້ຕົມເປື້ອນເປິ.
ລົດບັສໄດ້ຂົນສົ່ງພວກຄົນເຂົ້າເມືອງອອກຈາກສູນອົບພະຍົບ Idomeni ໄປຫາສູນ ຕ້ອນຮັບຕ່າງໆຢູ່່ແຫ່ງອຶ່ນໃນ Greece ແລະມີທ່າທາງວ່າອີກຫລາຍໆຮ້ອຍຄົນຈະຕິດ ຕາມໄປ.
Your browser doesn’t support HTML5
Migrants Fear Deportations to Turkey