ຊາວນະຄອນຫລວງປາຣີ ຫລາຍພັນຄົນພາກັນທ້າທາຍ ຂີດ
ໝາຍຄົບຮອບໜຶ່ງອາທິດຂອງການກໍ່ການຮ້າຍ ໂດຍໃຊ້ເວລາ
ໃນຕອນກາງຄືນຢູ່ໃນເມືອງຫລວງຂອງປະເທດຝຣັ່ງ ຢ່າງເລາະ
ຫລີ້ນ ດື່ມຢູ່ຕາມບາຕ່າງໆ ແລະຟັງດົນຕີ.
ຫລາຍຄົນພາກັນວາງພວງມະລາ ແລະໄຕ້ທຽນໄຂ ຫລືຢືນສະ
ຫງົບຢູ່ ຈະຕຸລັດ Republic ທີ່ໄດ້ກາຍມາເປັນສູນກາງໄວ້ອາ
ໄລແກ່ບັນດາຜູ້ເຄາະຮ້າຍ ຈາກການກໍ່ການຮ້າຍ.
ໃນຕອນເຊົ້າ ຊາວມຸສລິມຫລາຍພັນຄົນພາກັນລ່ຽນແຖວຢືນຕາກຝົນ ສູດມົນ ຢູ່ທີ່ວັດໃຫຍ່ມຸສລິມໃນນະຄອນປາຣີ ໃນວັນສຸກວານນີ້. ການຮັກສາຄວາມສະຫງົບເປັນທີ່ເຄັ່ງຄັດ ແຕ່ລະຄົນຖືກຕົບກວດຢູ່່ຮ່າງກາຍ ກ່ອນອະນຸຍາດໃຫ້ເຂົ້າໄປທາງໃນ.
ຫລາຍຄົນອອກມາກ່າວວ່າ ເຂົາເຈົ້າຕ້ອງການສະແດງໃຫ້ຮູ້ວ່າ ອິສລາມ ບໍ່ມີສ່ວນພົວພັນ
ກັບການກໍ່ການຮ້າຍ ແລະກ່າວວ່າ ຊາວມຸສລິມ ກໍເປັນຜູ້ເຄາະຮ້າຍເຊັ່ນດຽວກັນຈາກການ
ໂຈມຕີ ນະຄອນຫລວງປາຣີ.
ຂໍ້ແກ້ໄຂ ສະຫະປະຊາຊາດ
ຢູ່ທີ່ນະຄອນ New York ຄະນະກຳມະການ ຄວາມໝັ້ນຄົງ ສະຫະປະຊາຊາດ ໄດ້ລົງຄະ
ແນນສຽງຢ່າງຖ້ວມລົ້ນໃນການແກ້ໄຂຂອງຝຣັ່ງ ຮຽກຮ້ອງໃຫ້ບັນດາສະມາຊິກທັງໝົດ
ເອົາ “ມາດຕະການທີ່ຈຳເປັນທັງໝົດ” ໃນການຕໍ່ສູ້ກັບ ລັດອິສລາມ ແລະເພີ້ມຂື້ນສອງ
ເທົ່າໃນຄວາມພະຍາຍາມຂອງເຂົາເຈົ້າ ເພື່ອປ້ອງກັນການກໍ່ການຮ້າຍອີກ.
ຂໍ້ແກ້ໄຂອ່ານວ່າ "ລັດອິສລາມ ຢູ່ໃນອີຣັກ ແລະກົດເກນ Levant ຢູ່ທົ່ວໂລກ ແລະການຂົ່ມຂູ່ທີ່ບໍ່ມີມາກ່ອນແກ່ ສັນຕິພາບນາໆຊາດ ແລະຄວາມໝັ້ນຄົງ.”
ລັດອິສລາມ ໄດ້ອ້າງເອົາຄວາມຮັບຜິດຊອບຈາກການໂຈມຕີໃນວັນສຸກແລ້ວນີ້ ທີ່ມີການປະສານງານໂຈມຕີກໍ່ການຮ້າຍ ໃນນະຄອນຫລວງປາຣີ ທີ່ໄດ້ສັງຫານ 130 ຄົນ ແລະໄດ້ຮັບບາດເຈັບກວ່າ 350 ຄົນ.
ກະຊວງ ຍຸຕິທຳ ສະຫະພາບຢູໂຣບ ແລະບັນດາລັດຖະມົນຕີພາຍໃນ ໄດ້ພົບປະກັນຢ່າງສຸກເສີນທີ່ ນະຄອນ Brussels ແລະໄດ້ປະກາດ ການຄວບຄຸມບ່ອນຂ້າມຊາຍແດນຢ່າງເຄັ່ງຂື້ນກວ່າເກົ່າ ບ່ອນທີ່ບໍ່ມີການກວດກາໜັງສືຜ່ານແດນແກ່ຊາວຢູໂຣບ. ບັນນີ້ບັນດາຄົນເດີນທາງຈະຕ້ອງຖືກກວດໜັງສືຜ່ານແດນ ແລະກວດລາຍລະອຽດປຽບທຽບໃສ່ກັບບັນທຶກຂໍ້ມູນ ແລະຊື່ຂອງບັນດາຜູ້ລົງຖະບຽນສາຍການບິນ.