ຫົວໜ້າດ້ານນະໂຍບາຍການຕ່າງປະເທດຂອງສະຫະພາບຢູໂຣບ ທ່ານໂຈເຊັບ ໂບແຣວ ໄດ້ກ່າວໃນວັນອັງຄານມື້ນີ້ວ່າ ສະຫະພາບຢູໂຣບ ຢາກຮັບປະກັນ ສັນຕິພາບຢູ່ໃນທະເລຈີນໃຕ້ ແລະ ໄດ້ບອກວ່າ ກຸ່ມກ້ອນຂອງຫວຽດນາມ ອາດຊ່ອຍຊຸກຍູ້ໃນດ້ານຄວາມໝັ້ນຄົງທາງທະເລ ແລະຄວາມອາສາມາດດ້ານ ຄວາມໝັ້ນຄົງທາງໄຊເບີ ອີງຕາມລາຍງານຂອງອົງການຂ່າວຣອຍເຕີສ.
ປະເທດໃນເຂດເອເຊຍຕາເວັນອອກສຽງໃຕ້ນີ້ ແມ່ນບໍ່ລົງລອຍກັນກັບຈີນ ກ່ຽວກັບເຂດແດນຢູ່ໃນທະເລຈີນໃຕ້, ອັນເປັນເສັ້ນທາງການຂົນສົ່ງທາງທະເລທີ່ ສຳຄັນ ເຊິ່ງປັກກິ່ງ ອ້າງກຳມະສິດໃນເກືອບທົ່ວທັງໝົດຂອງທະເລຈີນໃຕ້ - ທີ່ເປັນທ່າທີທີ່ໄດ້ສ້າງຄວາມເຄັ່ງຕຶງກັບບັນດາປະເທດອື່ນໆ ຢູ່ໃນພາກພື້ນເຊັ່ນ ກັນ.
ໃນການພົບປະກັບລັດຖະມົນຕີການຕ່າງປະເທດຂອງຫວຽດນາມ ທ່ານບຸຍ ທັນ ເຊິນ (Bui Thanh Son) ໃນນະຄອນຫຼວງຮາໂນ່ຍ, ເຊິ່ງທ່ານໂບຣແຣວ ຜູ້ທີ່ໃກ້ຈະສິ້ນສຸດວາລະ 5 ປີ ໃນການດຳລົງຕຳແໜ່ງຜູ້ແທນລະດັບສູງ ຮັບຜິດຊອບດ້ານການຕ່າງປະເທດຂອງສະຫະພາບຢູໂຣບ ກໍໄດ້ກ່າວວ່າ ກຸ່ມ 27 ປະເທດດັ່ງກ່າວ ມີ “ຜົນປະໂຫຍດໂດຍກົງໃນການຮັກສາສັນຕິພາບ ແລະ ສະຖຽນລະພາບ” ຢູ່ໃນທະເລຈີນໃຕ້ ບ່ອນທີ່ຫຼາຍກວ່ານຶ່ງສ່ວນສາມຂອງສິນຄ້າ ນຳເຂົ້າຂອງສະຫະພາຢູໂຣບ ແລະຫຼາຍກວ່າ 20 ເປີເຊັນຂອງການສົ່ງອອກ ຂອງຕົນນັ້ນ ຜ່ານໄປ.
“ສະຫະພາບຢູໂຣບ ສາມາດເປັນຜູ້ສົ່ງເສີມທີ່ສະຫຼາດ ເພື່ອສັນຕິພາບ ແລະ ຄວາມໝັ້ນຄົງ” ທ່ານໂບແຣວ ໄດ້ກ່າວຕໍ່ບັນດານັກຂ່າວ ໃນລະຫວ່າງກອງ ປະຊຸມຖະແຫລງຂ່າວ ຮ່ວມກັບທ່ານເຊິນ ໂດຍໃຫ້ຂໍ້ສັງເກດວ່າ ສະຫະພາບ ຢູໂຣບ ອາດ “ເສີມຂະຫຍາຍຄວາມສາມາດຂອງ ຫວຽດນາມ ໃນດ້ານຄວາມ ໝັ້ນຄົງທາງໄຊເບີ, ທາງທະເລ ແລະການຄຸ້ມຄອງວິກິດການ.”
ຫວຽດນາມ ໄດ້ເພິ່ງພາອາໄສອຸປະກອນທາງດ້ານການທະຫານຈາກ ຣັດເຊຍ ມາເປັນເວລາຫຼາຍທົດສະວັດ ຫາກແຕ່ປີ 2022 ເປັນຕົ້ນມາ ໄດ້ກ່າວຢ່າງ ເປີດເຜີຍວ່າ ຕົນຕ້ອງການຄວາມຫຼາກຫຼາຍໃນຍຸດໂທປະກອນດ້ານຄວາມໝັ້ນ ຄົງ ແລະກຳລັງເຈລະຈາກັບຫຼາຍໆປະເທດ ລວມທັງໃນຢູໂຣບ ກ່ຽວກັບ ຄວາມເປັນໄປໄດ້ ໃນການສະໜອງດ້ານການປ້ອງກັນປະເທດ.
ທ່ານໂບແຣວ ໄດ້ເນັ້ນໜັກວ່າ ການປະຕິບັດຕາມກົດໝາຍສາກົນ ເຊິ່ງ ຫວຽດນາມ ໄດ້ຮຽກຮ້ອງຢູ່ໃນທະເລຈີນໃຕ້ນັ້ນ ຄວນຖືກນຳໃຊ້ຢູ່ທົ່ວທຸກແຫ່ງ ລວມທັງໃນຢູເຄຣນ.
ຫຼາຍໆປະເທດໃນສະຫະພາບຢູໂຣບ ເຫັນວ່າ ທ່າທີທີ່ບໍ່ເດັດດ່ຽວຂອງຮາໂນ່ຍ ກ່ຽວກັບປະຕິບັດການດ້ານການທະຫານຂອງຣັດເຊຍ ໃນຢູເຄຣນ ນັ້ນ ຖືວ່າ ໃກ້ຊິດກັບມົສກູ ເກີນໄປ.
The European Union's foreign policy chief Josep Borrell said on Tuesday the EU wanted to guarantee peace in the South China Sea and told Vietnam the bloc could help boost its maritime security and cybersecurity capabilities.
The Southeast Asian country is at odds with China over its boundaries in the South China Sea, a crucial shipping waterway which Beijing claims almost in its entirety - a stance that has caused tensions with other countries in the region as well.
In a meeting with Vietnam's Foreign Minister Bui Thanh Son in Hanoi, Borrell, who is approaching the end of his five-year term as High Representative for EU Foreign Affairs, said the 27-country bloc had a "direct interest in maintaining peace and stability" in the South China Sea, where over a third of EU imports and more than 20% of its exports transit.
"The EU can be a smart enabler for peace and security," he told reporters during a joint press conference with Son, noting the EU could "enhance Vietnam's capabilities in cybersecurity, maritime security and crisis management".
Vietnam has relied for decades on military gear from Russia, but since 2022 has been publicly saying it wants to diversify its security equipment, and is in talks with multiple countries, including in Europe, over possible defence supplies.
Borrell stressed that the fulfilment of international law, which Vietnam invokes in the South China Sea, should be applied everywhere, including in Ukraine.
Many EU countries see Hanoi's non-committal stance on Russia's military operation in Ukraine as too close to Moscow.