ປະທານາທິບໍດີ Abdel Fattah el-Sissi ແຫ່ງອີຈິບ ກ່າວວ່າ
ທ່ານຢາກໃຫ້ພວກນັກຂ່າວ Al-Jazeera 3 ຄົນ ທີ່ຖືກຕັດສິນວ່າ
ມີຄວາມຜິດ ໃນເດືອນແລ້ວນີ້ ໃນຖານໃຫ້ການສະໜັບສະໜຸນ
ກຸ່ມພະລາດອນພາບມຸສລິມທີ່ຖືກຫ້າມນັ້ນ ຖືກເນລະເທດ ແທນ
ທີ່ຈະຖືກດຳເນີນຄະດີ.
ໜັງສືພິມ Al-Masry Al-Youm ອ້າງຄເວົ້າຂອງທ່ານ Sissi
ໃນວັນຈັນມື້ນີ້ ທີ່ກ່າວຕໍ່ບັນດາບັນນາທິການອີຈິບກຸ່ມນຶ່ງວ່າ ຄຳ
ຕັດສິນຄວາມຜິດໃນວັນທີ 23 ມິຖຸນາຜ່ານມານັ້ນ “ມີຜົນກະທົບ
ໃນທາງລົບຫຼາຍ”.
ສານໃນນະຄອນຫຼວງໄຄໂຣ ໄດ້ຕັດສິນລົງໂທດນາຍ Peter Greste ຄົນອອສເຕຣເລຍ
ນາຍ Mohamed Fahmy ຄົນການາດາເຊື້ອສາຍອີຈິບ ແລະນາຍ Baher Mohamed ຄົນອີຈິບ ໃຫ້ຈຳຄຸກ 7 ປີ ຊຶ່ງພາໃຫ້ມີການຕຳໜິຕິຕຽນຢ່າງໜັກ ຈາກລັດຖະບານປະເທດຕ່າງໆ ແລະບັນດາກຸ່ມປົກປ້ອງເສລີພາບວົງການຂ່າວໃນທົ່ວໂລກ.
ນາຍ Andrew ອ້າຍຂອງນາຍ Greste ກ່າວໃນວັນຈັນມື້ນີ້ວ່າ ຄວາມເຫັນຂອງປະທານາ
ທິບໍດີ el-Sissi ນັ້ນ ໄດ້ໃຫ້ “ກຳລັງໃຈ” ແຕ່ວ່າລາວກໍບໍ່ມີຄວາມໝັ້ນໃຈວ່າມັນຈະນຳພາ
ໄປສູ່ການແກ້ໄຂບັນຫາຫຼືບໍ? ລາວກ່າວຕໍ່ໄປວ່າ ພາບພົດທີ່ອີຈິບໄດ້ຮັບຈາກຂ່າວກ່ຽວກັບ
ເລື້ອງນີ້ ແລະພາບຕ່າງໆຂອງພວກນັກຂ່າວຢູ່ໃນກົງຂັງໃນສານນັ້ນ ບໍ່ແມ່ນສິ່ງທີ່ອີຈິບ
ຢາກສະແດງໃຫ້ໂລກເຫັນ.
Your browser doesn’t support HTML5
egyptjournalists7july14