ບັນດານັກເຄື່ອນໄຫວໃນອີຈິບ ກໍາລັງວາງແຜນການນັດຢຸດງານມື້ນຶ່ງ ເພື່ອລະລຶກເຖິງ
ວັນຄົບຮອບປີທຳອິດໃນການໂຄ່ນລົ້ມປະທານາທິບໍດີ Hosni Mubarak.
ແຜນການໃໝ່ນີ້ໄດ້ມີຂຶ້ນຫຼັງຈາກການປະທ້ວງຫລາຍໆຄັ້ງ ເພື່ອຮຽກຮ້ອງໃຫ້ບັນດາຜູ້
ນໍາທະຫານຂອງປະເທດ ມອບອໍານາດໃຫ້ແກ່ພົນລະເຮືອນ.
ສະພາສູງສຸດຂອງກອງທັບ ທີ່ໄດ້ເຂົ້າກໍາອໍານາດ ໃນເວລາທ່ານ Mubarak ລາອອກ
ຈາກຕໍາແໜ່ງໃນເດືອນກຸມພາປີກາຍນີ້ ໄດ້ກ່າວວ່າ “ຈະບໍ່ກົ້ມຫົວໃຫ້ແກ່ຄໍາຂູ່ຂວັນໃດໆ
ຫລືຍອມປະຕິບັດຕາມຕໍ່ການກົດດັນຕ່າງໆ “ເພື່ອຈະເລັ່ງລັດການໂອນອໍານາດໃຫ້ແກ່
ພົນລະເຮືອນ.
ໃນມື້ວັນສຸກວານີ້ ຫລາຍໆພັນຄົນໄດ້ພາກັນເດີນຂະບວນໄປກະຊວງປ້ອງກັນປະເທດ
ຢູ່ທີ່ນະຄອນຫລວງໄຄໂຣ.
ພວກຜູ້ນຳທະຫານອີຈິບ ໄດ້ໃຫ້ຄໍາໝັ້ນສັນຍາວ່າ ຈະມີການເລືອກຕັ້ງເອົາປະທານາທິບໍດີ
ໃນເດືອນມິຖຸນາທີ່ຈະມາເຖິງນີ້ ເພື່ອໃຫ້ເປັນທີ່ເສັດສິ້ນການໂອນອຳນາດແບບປະຊາທິປະໄຕ
ໃຫ້ແກ່ການປົກຄອງຂອງພົນລະເຮືອນ. ນອກນັ້ນພວກທະຫານທີ່ປົກຄອງປະເທດ ຍັງໄດ້
ຈັດການເລືອກໃນຕັ້ງສະພາຫຼາຍໆຂັ້ນທີ່ນໍາພາໄປສູ່ການມີສະພາແຫ່ງຊາດ ຊຸດໃໝ່ ທີ່ຄອບ
ງຳໂດຍບັນດາພັກສາສະໜາອິສລາມນັ້ນ.