ຊາວອີຈິບຫລາຍພັນຄົນ ພາກັນປະທ້ວງຢູ່ຈະຕຸລັດທາເຣຍ (Tahrir) ຂອງນະຄອນຫລວງ
ໄຄໂຣ ຍ້ອນໂກດແຄ້ນຕໍ່ສິ່ງພວກເຂົາເຈົ້າເອີ້ນວ່າ ເປັນການດໍາເນີນຄວາມພະຍາຍາມຂອງ
ຝ່າຍທະຫານຂອງປະເທດ ເພື່ອເສີມສ້າງກໍາລັງຂອງຕົນເອງ ໃຫ້ແໜ້ນແກ່ນຂຶ້ນ.
ການໂຮມຊຸມນຸມປະທ້ວງໃນວັນສຸກມື້ນີ້ ແມ່ນມີຂຶ້ນຍ້ອນການຮຽກຮ້ອງຂອງກຸ່ມພະລາ
ດອນພາບມຸສລິມ ຫລື Muslim Brotherhood ຊຶ່ງເປັນກຸ່ມການເມືອງທີ່ມີການຈັດຕັ້ງ
ແໜ້ນໜາກວ່າໝູ່ ຢູ່ໃນອີຈິບ ເພື່ອສະແດງການຕອບໂຕ້ຕໍ່ການສະເໜີຂອງລັດຖະບານ
ທີ່ຈະໃຫ້ສິດໃນການຕັດສິນຊີ້ຂາດກ່ຽວກັບນະໂຍບາຍໃຫຍ່ໆຂອງລັດຖະບານ ແກ່ຝ່າຍ
ທະຫານນັ້ນ.
ພວກປະທ້ວງ ແລະພັກຝ່າຍການເມືອງອື່ນໆ ຍັງໄດ້ຮຽກຮ້ອງໃຫ້ມີກໍານົດເວລາອັນຊັດ
ເຈນສໍາລັບການມອບອໍານາດໃຫ້ແກ່ລັດຖະບານພົນລະເຮືອນ.
ຊາວອີຈິບ ໄດ້ມີໝາຍກໍານົດທີ່ຈະໄປປ່ອນບັດໃນທ້າຍເດືອນນີ້ ເພື່ອເລີ້ມຕົ້ນການເລືອກຕັ້ງ
ເອົາສະພາຊຸດໃໝ່ ຊຶ່ງຈະເປັນການເລືອກຕັ້ງຄັ້ງທໍາອິດ ນັບແຕ່ມີການລຸກຮື້ຂຶ້ນຂອງມະຫາ
ຊົນ ເພື່ອໂຄ່ນລົ້ມ ທ່ານ ໂຮສນີ ມູບາຣັກ (Hosni Mubarak) ປະທານາທິບໍດີທີ່ຄອງອໍາ
ນາດມາເປັນເວລາດົນນານນັ້ນ.
ເບິ່ງລາຍງານພາສາອັງກິດ: