ລາງວັນໂນແບລຂະແໜງສັນຕິພາບ ໄດ້ຖືກມອບໃຫ້ນັກເຄື່ອນ
ໄຫວດ້ານການສຶກສາປາກິສຖານ ນາງ Malala Youzafsai
ແລະຜູ້ລົນນະລົງວ່າດ້ວຍສິດທິເດັກນ້ອຍອິນເດຍ ທ່ານ Kai
lash Satyarthi.
ໃນການປະກາດຊື່ຜູ້ຊະນະລາງວັນດັ່ງກ່າວໃຫ້ຊາບໃນວັນສຸກ
ມື້ນີ້ ຄະນະກຳມະການໃຫ້ລາງວັນໂນແບລ Norway ກ່າວວ່າ
ລາງວັນດັ່ງກ່າວໄດ້ຖືກມອບໃຫ້ ສຳລັບ”ການຕໍ່ສູ້ຂອງພວກ
ເຂົາເຈົ້າ ຕໍ່ຕ້ານການກົດຂີ່ປາບປາມພວກເດັກນ້ອຍ ແລະ
ພວກຍຸວະຊົນ ແລະເພື່ອສິດທິຂອງພວກເດັກນ້ອຍໝົດສູ່
ຄົນ ເພື່ອໃຫ້ໄດ້ຮັບການສຶກສາ.”
ນາງມາລາລາ ເວລານີ້ມີອາຍຸ 17 ປີ ໄດ້ທຳການສົ່ງເສີມການສຶກສາໃຫ້ແກ່ພວກເດັກນ້ອຍ
ໃນປາກິສຖານ ມາເປັນເວລາຫຼາຍປີ ເວລາລາວຖືກຍິງທີ່ຫົວໃນປີ 2012.
ນາງໄດ້ຖືກສົ່ງໄປຮັບການປິ່ນປົວ ເປັນພິເສດທີ່ອັງກິດ ບ່ອນທີ່ນາງໄດ້ຟື້ນໂຕຄືນ ແລະໄດ້
ສືບຕໍ່ ຕໍ່ສູ້ເພື່ອສິດທິຂອງພວກແມ່ຍິງ.
ນັກເຄື່ອນໄຫວເພື່ອສິດທິເດັກນ້ອຍອິນເດຍ ທ່ານ Kailash Satyarthi ສະແດງຄວາມດີໃຈ ກັບນັກຂ່າວ ຢູ່ຫ້ອງການຂອງທ່ານ ທີ່ນິວ ແດລລີ, ວັນທີ 10 ຕຸລາ 2014.
ທ່ານ Kailash Satyarthi ໄດ້ເປັນຫົວໜ້າໃນການປະທ້ວງ ແລະການເດີນຂະບວນໃນຮູບ
ແບບ ຕ່າງໆ ຊຶ່ງທັງໝົດໄດ້ດຳເນີນໄປຢ່າງສັນຕິ ແນໃສ່ເພື່ອຕໍ່ຕ້ານການສວຍໃຊ້ປະໂຫຍດ ພວກເດັກນ້ອຍ ເພື່ອຜົນກຳໄລດ້ານການເງິນ. ນອກນັ້ນ ຜູ້ກ່ຽວຍັງໄດ້ໃຫ້ການຊ່ອຍເຫຼືອ
ໃນການພັດທະນາຂໍ້ຕົກລົງລະຫວ່າງຊາດທີ່ສຳຄັນຕ່າງໆ ວ່າດ້ວຍສິດຂອງພວກເດັກນ້ອຍເຊັ່ນກັນ.
Your browser doesn’t support HTML5
Pakistan’s Malala, India’s Satyarthi Win Nobel Peace Prize
ພວກທີ່ໄດ້ຮັບລາງວັນໂນແບລ ປະເພດຕ່າງໆໃນປີນີ້:"
ຜູ້ໄດ້ຮັບລາງວັນ ໂນແບລ ປີ 2014