ບັນດາຜູ້ນໍາແລະປະມຸກຂອງອາຟຣິກາຕາເວັນຕົກ ກໍາລັງປະຊຸມກັນທີ່ Ivory Coast
ໃນວັນອັງຄານມື້ນີ້ ເພື່ອສົນທະນາຫາລືກັນກ່ຽວກັບວິກິດດ້ານການເມືອງໃນປະເທດ
Mali ລຸນຫຼັງທີ່ໄດ້ມີການກໍ່ລັດຖະປະ ຫານຂອງພວກທະຫານ ໃນອາທິດແລ້ວນີ້.
ເປັນທີ່ຄາດກັນວ່າ ການປະຊຸມສຸກເສີນຂອງປະຊາຄົມເສດຖະກິດຂອງບັນດາລັດອາຟຣິກາ
ຕາເວັນຕົກ (ECOWAS) ຈະພິຈາລະນາກ່ຽວກັບຊ່ອງທາງທີ່ຈະໂຈະການເປັນສະມາຊິກ
ຂອງມາລີຢູ່ໃນອົງການພູມີພາກດັ່ງກ່າວຊຶ່ງມີສະມາຊິກ 15 ປະເທດ.
ຮອງປະທານາທິບໍດີ Toga Gayewea McIntosh ກ່າວຕໍ່ VOA ວ່າ ກຸ່ມຂອງທ່ານມີ
ຄວາມເປັນຫ່ວງໃນການຮັກສາສັນຕິພາບ ສະຖຽນລະພາບ ແລະປະຊາທິປະໄຕ ຢູ່ໃນ
ປະເທດ ຫລັງຈາກມີການລັດຖະປະຫານ.
ປະຊາຄົມເສດຖະກິດຂອງບັນດາລັດອາຟຣິກາຕາເວັນຕົກ ໄດ້ຮ່ວມກັບອົງການຕ່າງໆຢູ່ໃນ
ຂົງເຂດ ແລະອົງການນາໆຊາດ ໃນການປະນາມລັດຖະປະຫານ ແລະເຕືອນວ່າ ຈະບໍ່ຜ່ອນ
ຜັນໃດໆກັບ “ການຜະຈົນໄພຂອງພວກທະຫານ” ນັບແຕ່ການກໍ່ຈະລາຈົນຂອງພວກທະຫານ
ທີ່ໄດ້ເຂົ້າຢຶດອໍານາດໃນວັນພະຫັດແລ້ວຈາກປະທານາທິບໍດີ Amadou Toumani Toure.
ໃນວັນຈັນຜ່ານມານີ້ ສະຫະລັດອາເມຣິກາ ກ່າວວ່າຈະໂຈະການຊ່ວຍເຫລືອແກ່ລັດຖະບານ
Mali ເພື່ອເປັນການປະທ້ວງ. ກະຊວງການຕ່າງປະເທດສະຫະລັດ ກ່າວວ່າ ການຊ່ວຍ
ເຫຼືອທີ່ບໍ່ແມ່ນດ້ານມະນຸດ ສະທໍາຫຼາຍເຖິງ 70 ລ້ານໂດລາ ອາດຈະໄດ້ຮັບຜົນສະທ້ອນ.
http://www.voanews.com/templates/widgetDisplay.html?id=144362985&player=article