ບໍ່ເທົ່າໃດມື້ຫລັງຈາກໄດ້ມີການປະກາດກ່ຽວກັບການເອົາມາດ
ຕະການ ຂອງຝ່າຍບໍລິຫານ ທີ່ແນໃສ່ ເພື່ອຫລຸດຜ່ອນ ການກໍ່
ຄວາມຮຸນແຮງດ້ວຍອາວຸດປືນແລ້ວປະທານາທິບໍດີສະຫະລັດ
ທ່ານບາຣັກ ໂອບາມາກໍໄດ້ພົບປະໂອ້ລົມກັບປະຊາຊົນໃນວັນ
ພະຫັດວານນີ້ ບ່ອນທີ່ທ່ານ ໄດ້ກ່າວໂຈມຕີ ກຸ່ມປົກປ້ອງ ສິດທິ
ຂອງພວກມີສິດຖືປືນ ທີ່ໃຫຍ່ທີ່ສຸດຢູ່ໃນສະຫະລັດ.
ໃນລະຫວ່າງການພົບປະໂອ້ລົມ ເປັນເວລານຶ່ງຊົ່ວໂມງ ຂອງ
ລາຍການໂທລະພາບ CNN ນັ້ນທ່ານໂອບາມາ ໄດ້ກ່າວຫາ
ສະມາຄົມປືນຍາວແຫ່ງຊາດ ຫຼື NRA ວ່າ ໄດ້ທຳການກົດດັນ
ຕໍ່ລັດຖະສະພາ ແລະກ່າວວ່າ ອົງການດັ່ງກ່າ ວໄດ້ຖືໂອກາດ
ທຳການສົມຮູ້ຮ່ວມຄິດທີ່ກ່າວວ່າ ລັດຖະບານກາງພະຍາຍາມ ທີ່ຈະຍຶດເອົາອາວຸດ ຂອງ
ພວກເຂົາເຈົ້ານັ້ນ.
ປະທານາທິບໍດີໂອບາມາ ກ່າວວ່າ ອົງການ NRA ໄດ້ເຮັດໃຫ້ສະມາຊິກຂອງຕົນຫລາຍໆ
ຄົນເຊື່ືອໝັ້ນວ່າ ບາງຄົນ ພວມຈະມາຍຶດເອົາປືນຂອງທ່ານ ຊຶ່ງທີ່ຈິງແລ້ວ ມັນເປັນຜົນປະ
ໂຫຍດສຳລັບບໍລິສັດຜູ້ຜະລິດປືນ. ມັນເປັນກົນໄກໃນການໂຄສະນາທີ່ຍິ່ງໃຫຍ່.
ການພົບປະ ໂອ້ລົມດັ່ງກ່າວນີ້ ຈັດຂຶ້ນທີ່ມະຫາວິທະຍາໄລ George Mason ບໍ່ຮອດຫ້າ
ຫຼັກກິໂລແມັດ ຫ່າງຈາກສຳນັກງານໃຫຍ່ແຫ່ງຊາດຂອງອົງການ NRA ທີ່ຕັ້ງຢູ່ໃນລັດເວີ
ຈີເນຍ ຊຶ່ງເປັນເຂດຊານເມືອງຂອງນະຄອນຫຼວງວໍຊິງຕັນ. ກຸ່ມດັ່ງກ່າວນີ້ ໄດ້ປະຕິເສດຕໍ່
ຄຳເຊື້ອເຊີນ ໃຫ້ໄປຮ່ວມການພົບປະໂອ້ລົມດັ່ງກ່າວ.
ປະທານາທິບໍດີໂອບາມາ ກ່າວວ່າ ມັນມີເຫດຜົນທີ່ວ່າ ເປັນຫຍັງ ອົງການ NRA ຈຶ່ງບໍ່ມາ
ຮ່ວມ. ພວກເຂົາເຈົ້າຢູ່ບໍ່ໄກ ພຽງແຕ່ໄປຕາມທາງເສັ້ນນີ້. ແລະໃນເມື່ອນີ້ແມ່ນເຫດຜົນສຳ
ຄັນທີ່ພວກເຂົາເຈົ້າຄົງໂຕຢູ່ ທ່ານຄິດບໍ່ວ່າເຂົາເຈົ້າຈະກະກຽມເຂົ້າຮ່ວມການໂຕ້ວາທີກັບ
ປະທານາທິບໍດີ.
Your browser doesn’t support HTML5
Obama Aims to Stir Gun Debate, Put Pressure on Congress