ມຽນມາ ເປັນປະເທດຜະລິດຢາຝິ່ນອັນດັບສອງຂອງໂລກ. ໃນຂະ ນະທີ່ສະພາຊຸດໃໝ່ ຂອງມຽນມາ ປະເຊີນໜ້າກັບການທ້າທາຍທີ່ສຳຄັນໃນການປະຕິຮູບ ການລະບາດຂອງ ຢາເສບຕິດ ຍັງສືບຕໍ່ເປັນບັນຫາທີ່ຝັງເລິກຢູ່ໃນບາງລັດຂອງຊົນເຜົ່າຕ່າງໆ ທີ່ອະນຸຍາດ ໃຫ້ມີການປູກຝິ່ນ ໂດຍທີ່ບໍ່ໄດ້ຮັບການລົງໂທດ. Steve Sandford ລາຍງານຈາກ ລັດ Kachin ຂອງປະເທດມຽນມາ ຊຶ່ງ ກິ່ງສະຫວັນ ຈະນຳມາສະເໜີທ່ານ.
Your browser doesn’t support HTML5
ເຊີນຟັງລາຍງານກ່ຽວກັບ ການລະບາດຢາເສບຕິດ ຢູ່ໃນບັນດາລັດຊາວເຜົ່າໃນມຽນມາ
ທີ່ເມືອງ Myitkyina ຮາກຖານອັນແຂງແກ່ນທາງດ້ານສາສະໜາ ໄດ້ສະໜອງການປິ່ນ ປົວຂັ້ນພື້ນຖານ ໃຫ້ແກ່ບັນດາຜູ້ຕິດຢາເສບຕິດ ຢູ່ໃນຂົງເຂດ ບ່ອນທີ່ຢາຝິ່ນປູກກັນຢ່າງແຜ່ກວ້າງ.
ບັນດາເພງສາສະໜາແມ່ນເປັນແຮງດົນໃຈ. ແຕ່ວ່າ ເໜືອໄປກວ່າໃບໜ້າອັນແຈ່ມໃສນັ້ນ ຜູ້ເຄາະຮ້າຍແມ່ນກຳລັງເພີ້ມຂຶ້ນ.
ຢູ່ໃນເງົາທີ່ຖືກບົດບັງນັ້ນ ບັນດາຜູ້ຕິດຢາເສບຕິດ ຄືດັ່ງທ້າວ Yeing Bawm ປະເຊີນໜ້າ ຢ່າງໜັກໜ່ວງກັບການປິ່ນປົວ. ແຕ່ວ່າມີທາງເລືອກນ້ອຍຢູ່ໃນມຽນມາ ທີ່ຈະປ່ຽນແປງພື້ນ ທີ່ທາງເສດຖະກິດໄດ້.
ທ້າວ Yeing Bawm ອະດີດຜູ້ຕິດຢາເສບຕິດ ກ່າວວ່າ “ເວລາທະຫານບ້ານປົກຄອງນັ້ນ ພວກເຮົາສາມາດຊອກຫາເຮັດວຽກໄດ້ດ້ວຍການລັກລອບສົ່ງໄມ້ສັກ. ແຕ່ວ່າບັດນີ້ ພວກ ເຮົາບໍ່ມີໂອກາດດັ່ງກ່າວ ເພາະສະນັ້ນພວກເຮົາຈຳນວນນຶ່ງຈຶ່ງພາກັນປູກຢາຝິ່ນ ໃນຂະນະທີ່ຄົນອື່ນໆພາ ກັນບໍ່ມີວຽກເຮັດ.”
ອົງການອາສາສະມັກພົນລະເຮືອນແຫ່ງໜຶ່ງທີ່ຮ້ອງວ່າ Pat Ja San ໄດ້ປະກອບຂຶ້ນໃນ ປີ 2014 ເພື່ອລົບລ້າງການປູກຝິ່ນທີ່ກວມເອົາຂົງເຂດທີ່ ເປັນພູຜາດັ່ງກ່າວ.
ອີງຕາມຜູ້ນຳອົງການ Pat Ja San ທ່ານ Tang Gun ແລ້ວ ສະມາຊິກຄົນນຶ່ງໄດ້ຕັດທຳ ລາຍຕົ້ນຝິ່ນຖິ້ມ ໄດ້ຖືກຍິງຕາຍເມື່ອຕົ້ນປີນີ້ ໂດຍພວກແກ່ງຢາເສບຕິດເຖິງແມ່ນວ່າກຳລັງ ຂອງລັດຖະບານໄດ້ຢູ່ທີ່ນັ້ນຍາມເຂົາ ເຈົ້າ.
ທ່ານ Tang Gun ຜູ້ນຳອົງການ Pat Ja San ໃນລັດ Kachin ກ່າວວ່າ “ພວກເຮົາໄດ້ ຮ້ອງຂໍໃຫ້ລັດຖະບານ ເພື່ອໃຫ້ການຊ່ວຍເຫລືອປ້ອງກັນພວກເຮົາ ແຕ່ວ່າອັນທີ່ບັນດາ ເຈົ້າໜ້າທີ່ເອົາໃຫ້ພວກເຮົາ ບໍ່ແມ່ນການຮັກສາຄວາມປອດໄພອີ່ຫລີ. ເຂົາເຈົ້າບໍ່ໄດ້ປ້ອງ ກັນພວກເຮົາແທ້ ມີແຕ່ພຽງເດີນທາງຜ່ານໄປນຳເທົ່ານັ້ນ.”
ໃນຂະນະທີ່ວິກິດການເພີ້ມຄວາມຮ້າຍແຮງຂຶ້ນ ຄລິນິກປິ່ນປົວປະເຊີນໜ້າກັບວຽກງານ ອັນລຳບາກ ເພື່ອໃຫ້ການປິ່ນປົວເປັນທີ່ໄດ້ຜົນກັບງົບ ປະມານອັນຈຳກັດຈາກພາກສ່ວນ ເອກກະຊົນ.
ແຕ່ວ່າ ຜູ້ອຳນວຍການສູນກາງປິ່ນປົວແຫ່ງນຶ່ງ ມີຄວາມເຫັນໄປໃນແງ່ດີວ່າ ບັນດາຜູ້ນຳ ປະເທດຊຸດໃໝ່ ຈະເພີ້ມການໃຫ້ຄວາມສະໜັບສະໜູຸນໃນການຕໍ່ສູ້ກັບບັນຫາ.
ທ່ານ Peter Hkun Aung ຫົວໜ້າສູນກາງເກີດໃໝ່ ກ່າວວ່າ “ພວກເຮົາຫວັງວ່າ ລັດຖະ ບານຊຸດໃໝ່ຈະຖືເອົາບັນຫານີ້ຢ່າງແທ້ຈິງ ເພາະວ່າເຂົາເຈົ້າຮູ້ແລ້ວວ່າມັນເປັນອັນຕະ ລາຍ ແລະປະຊາຊົນໄດ້ຮັບຄວາມທຸກທໍ ລະມານຫລາຍປານໃດ ຈາກການແຜ່ລະ ບາດ ຂອງຢາເສບຕິດ ເພາະສະນັ້ນ ລັດຖະບານຈະໃຫ້ການເບິ່ງແຍງ ແລະເຂົາເຈົ້າ ຈະຊ່ວຍພວກເຮົາ.”
ໃນຂະນະທີ່ມີຮ່ອງຮອຍທຸລະກິດໃໝ່ ກຳລັງເກີດຂຶ້ນຢູ່ໃນມຽນມາ ຫລາຍຄົນຫວັງວ່າ ທຸລະກິດເກົ່າຈຳນວນນຶ່ງ ຈະຖືກປິດລົງ ຢ່າງເປັນການຖາ ວອນ.