ເຈົ້າໜ້າທີ່ ໃນສາທາລະນະລັດ ປະຊາທິປະໄຕ ຄອງໂກ ກ່າວໃນວັນເສົາ ມື້ນີ້ວ່າ ເຫດລະເບີດ ຂອງລົດແກ່ເຊື້ອໄຟ ເຮັດໃຫ້ມີຜູ້ເສຍຊີວິດ ຢ່າງນ້ອຍ 200 ຄົນ ທີ່ແຂວງ ກີວູໃຕ້.
ສະພາກາແດງ ແລະເຈົ້າໜ້າທີ່ທ້ອງຖິ່ນ ກ່າວວ່າ ລົດແກ່ ນໍ້າມັນ ທີ່ແລ່ນໄວໂພດ ໄດ້ປີ້ນຂວໍ້າ ໃນຕອນແລງ ຂອງມື້ວັນສຸກວານນີ້ ທີ່ບ້ານ SANGE ໃນບໍລິເວນ ຊາຍແດນ ຂອງສາທາລະນະລັດ ປະຊາທິປະໄຕ ຄອງໂກ ຕິດກັບບູຣຸນດີ. ເຈົ້າໜ້າທີ່ເວົ້າວ່າ ຊາວບ້ານ ພວມພາກັນ ໄປຕັກເອົານໍ້າມັນ ທີ່ຮົ່ວອອກມາ ຈາກລົດແກ່ນໍ້າມັນ ທີ່ປີ້ນຂວໍ້າ ເວລາລົດຄັນດັ່ງກ່າວ ລະເບີດ ທີ່ເຮັດໃຫ້ແປວໄຟ ລຸກໃໝ້ ໄປທົ່ວບ້ານ.
ຫຼັງຈາກ ມີລາຍງານ ໃນຂັ້ນຕົ້ນວ່າ ກຳລັງຮັກສາ ສັນຕິພາບ ຂອງອົງການ ສະຫະປະຊາຊາດ 5 ຄົນ ແມ່ນຮວມຢູ່ໃນ ຈຳນວນພວກ ທີ່ເສຍຊີວິດນັ້ນ ທາງອົງການຂ່າວຣອຍເຕີ້ ໄດ້ອ້າງຄຳເວົ້າ ຂອງອົງການ ສະຫະປະຊາຊາດ ທີ່ໄດ້ຖອນຖະແຫຼງຂ່າວ ຊຶ່ງໃນເວລານີ້ ກ່າວວ່າ ບໍ່ມີກຳລັງ ຮັກສາສັນຕິພາບ ສະຫະປະຊາຊາດ ເສຍຊີວິດ ໃນເຫດຮ້າຍ ຄັ້ງນີ້.
ສ່ວນລາຍລະອຽດອື່ນໆ ກ່ຽວກັບ ເຫດຮ້າຍດັ່ງກ່າວ ຍັງບໍ່ທັນໄດ້ຮັບເທື່ອ ໃນເວລານີ້.