ພາຍຸຫິມະລະດູໜາວຂະໜາດແຮງ ໄດ້ພາໃຫ້ມີຫິມະຕົກລົງຫຼາຍເຖິງ 60 ຊັງຕີແມັດ ໃນບາງເຂດຂອງພາກຕາເວັນອອກສຽງເໜືອຂອງສະຫະລັດ ປ່ອຍໃຫ້ຜູ້ຄົນຈຳນວນຫຼາຍລ້ານຄົນ ຕ້ອງໄດ້ຢູ່ກັບບ້ານກັບເຮືອນ ເພື່ອລໍຖ້າໃຫ້ພາຍຸເຊົາເສຍກ່ອນ.
ທີ່ນະຄອນ Boston ແລະອ້ອມແອ້ມເຂດ New England ໄດ້ຖືກຖະຫຼົ່ມຢ່າງໜັກ ໂດຍມີຫິມະຕົກເກືອບເປັນປະວັດການແລະລົມແຮງ ທີ່ຍັງຜົນໃຫ້ເກີດສະພາວະພາຍຸຫິມະຢ່າງຮ້າຍແຮງ. ນ້ຳຖ້ວມທີ່ມາຈາກພາຍຸນີ້ ແມ່ນໄດ້ສ້າງຜົນກະທົບຕໍ່ພວກທີ່ອາໄສຢູ່ແຄມຝັ່ງທະເລ.
Your browser doesn’t support HTML5
NYC Officials Defend Shutting Down City for Blizzard That Wasn't
ທີ່ເມືອງ Marshafield ຊຶ່ງເປັນເມືອງແຄມຝັ່ງທະເລເມືອງນຶ່ງ ປະມານ 50 ກິໂລແມັດ ທາງພາກໃຕ້ຂອງນະຄອນ Boston ຄື້ນຟ້ອງໄດ້ພັດຝາກັ້ນທະເລ ທຳລາຍບ້ານເຮືອນຫຼາຍໆຫຼັງ ແລະຍັງຜົນໃຫ້ເຈົ້າໜ້າທີ່ຮຽກຮ້ອງໃຫ້ມີຍົກຍ້າຍພວກທີ່ຢູ່ອາໄສຢູ່ໃນເຂດດັ່ງກ່າວອອກໜີ.
ເກາະ Nantucket ທີ່ມີປະມານ 10 ພັນຄົນ ອາໄສຢູ່ຢ່າງຖາວອນນັ້ນ ບໍ່ມີໄຟຟ້າໃຊ້ ເປັນເວລາຫຼາຍໆຊົ່ວໂມງ ໃນຂະນະທີ່ພາຍຸພັດເຂົ້າຖະຫຼົ່ມ. ຈົນມາຮອດແລງວັນອັງຄານວານນີ້ ຫົວໜ້າຕຳຫຼວດ ໄດ້ກ່າວວ່າ ໄຟຟ້າໄດ້ເລີ້ມມີໃຊ້ແລ້ວໃນຫຼາຍເຮືອນ ແຕ່ບໍ່ແມ່ນທັງໝົດຂອງເກາະດັ່ງກ່າວ. ມີຊ່ວງນຶ່ງ ທີ່ໄດ້ຮັບລາຍງານວ່າ ມີລົມແຮງເຖິງ 126 ກິໂລແມັດ ຕໍ່ຊົ່ວໂມງ.
ລັດທາງພາກຕາເວັນອອກສຽງເໜືອຂອງປະເທດເຊັ່ນ: Massachesetts, Rhode Island ແລະ Connecticut ແມ່ນໄດ້ມີຫິມມະຕົກຢ່າງໜັກ ແຕ່ວ່າພາຍຸຫິມະນັ້ນ ແມ່ນໜ້ອຍກ່ວາ ທີ່ທາງເຈົ້າໜ້າ ທີ່ພະຍາກອນອາກາດ ໄດ້ຄາດຄະເນໄວ້ ແລະລົມພາຍຸໄດ້ພາດເປົ້າໝາຍຂອງການທຳນາຍເອົາໄວ້ ຢ່າງຮ້າຍແຮງ ໃນບັນດາລັດທີ່ຢູ່ທາງໃຕ້ລົງມາ ເຊັ່ນ: New York ແລະ New Jersey.
ບັນດາເຈົ້າ ໜ້າທີ່ແລະພວກພາຍາກອນອາກາດ ແມ່ນຖືກບັງຄັບໃຫ້ປ້ອງກັນການເຕືອນຂອງພວກເຂົາເຈົ້າ ຫຼັງຈາກທີ່ພາຍຸຫິມະ ໄດ້ຕົກລົງໜ້ອຍກວ່າ ທີ່ຄາດຫວັງໄວ້ນັ້ນ.
ເຈົ້າ ຄອງນະຄອນນິວຢ໊ອກ ທ່ານ Bill de Blasio ໄດ້ກ່າວວ່າ “ນີ້ບໍ່ແມ່ນສິ່ງທີ່ພວກເຮົາຢ້ານວ່າມັນຈະເປັນ” ນັ້ນ. ກ່ອນໜ້ານີ້ ທ່ານ de Blasio ໄດ້ເຕືອນວ່າ ພາຍຸທີ່ວ່ານີ້ ອາດເປັນນຶ່ງໃນພາຍຸທີ່ຮ້າຍແຮງສຸດ ທີ່ທາງນະຄອນນິວຢ໊ອກໄດ້ປະເຊີນມາ.
ຈົນເທົາເຖິງປະຈຸບັນນີ້ ຖ້ຽວບິນຫຼາຍພັນຖ້ຽວໄດ້ຖືກຍົກເລີກຢູ່ ອິງຕາມ FlightAware
.com ພາຍຸຫິມະຮ້າຍແຮງທີ່ວ່ານີ້ ໄດ້ມີກະທົບຕໍ່ນັກເດີນທາງທັງຫຼາຍແລະບັນດາສະໜາມບິນທົ່ວສະຫະລັດ. ລົງໄປເຖິງພາກໃຕ້ ເຊັ່ນສະໜາມບິນ Hartsfield-Jackson ໃນນະຄອນ Atlanta ມີຫຼາຍກວ່າ 50 ຖ້ຽວບິນໄດ້ຖືກຍົກເລີກ.
ມີລາຍງານເຖິງການ ບາດເຈັບລົ້ມຕາຍພຽງແຕ່ນຶ່ງລາຍເທົ່ານັ້ນຈາກພາຍຸຫິມະຄັ້ງນີ້ ໃນເຂດ Long Island ຂອງລັດ New York ທີ່ໄດ້ຮັບຜົນກະທົບໜັກກ່ວາ Manhattan. ຜູ້ເຄາະຮ້າຍແມ່ນເປັນໄວຮຸ້ນ ທີ່ໄດ້ຕຳເສົາ ໃນຂະນະທີ່ຫຼິ້ນຫິມມະຢູ່ນັ້ນ.
ພາຍຸຫິມະທີ່ຄວາມຮ້າຍແຮງທີ່ວ່າ ນີ້ ແມ່ນໄດ້ພັດກາຍຂົງເຂດນະຄອນຫຼວງວໍຊິງຕັນ ທີ່ເຫັນມີພຽງຫິມະກະຈັດກະຈາຍບາງໆ ປະສົມກັບຝົນ ແຕ່ຫ້ອງການຂອງລັດຖະບານກາງແລະ
ໂຮງຮຽນຕ່າງໆ ໃນເຂດ ນະຄອນຫຼວງສະຫະລັດ ໄດ້ເປີດ 2 ຊົ່ວໂມງຊ້າກວ່າປົກກະຕິເພື່ອ
ໃຫ້ເວລາແກ່ຜູ້ຄົນເດີນທາງໄປເຮັດ ວຽກເຮັດການ.
ພາຍຸຫິມະ ຖະຫຼົ່ມ ພາກຕາເວັນອອກ ສຽງເໜືອ ສຫລ