ບໍ່ເທົ່າໃດຊົ່ວໂມງກ່ອນກຳນົດເສັ້ນຕາຍທາງກົດໝາຍເພື່ອເປີດເຜີຍເອກກະສານທັງ
ໝົດ ທີ່ພົວພັນກັບການລອບສັງຫານ ມື້ລາງປະທານາທິບໍດີ John F. Kennedy ຫຼື
JFK ນັ້ນ ປະທານາທິບໍດີ ດໍໂນລ ທຣໍາ ໄດ້ສັ່ງໃຫ້ເກັບເອກກະສານຫລາຍໆຮ້ອຍສະ
ບັບ ໄວ້ເປັນຄວາມລັບຕໍ່ໄປ ຢ່າງໜ້ອຍກໍເປັນການຊົ່ວ ຄາວ.
ນຶ່ງມື້ ຫຼັງຈາກໄດ້ຂຽນຂໍ້ຄວາມລົງໃນ Twitter ວ່າ “ການລໍຖ້າມາເປັນເວລາດົນນານ ກ່ຽວກັບການເປີດເຜີຍເອກກະສານ JFK” ຈະເປັນຜົນສຳເລັດແລ້ວ ປະທານາທິບໍດີ
ທຣໍາ ໄດ້ສົ່ງບັນທຶກໄປຍັງຫົວໜ້າພະແນກການຕ່າງໆຂອງລັດຖະບານກາງວ່າ “ຂ້າ
ພະເຈົ້າອອກຄຳສັ່ງມື້ນີ້ວ່າ ຜ້າກັ້ງໃນທີ່ສຸດ ກໍໄດ້ຖືກເປີດອອກ.”
ໃນຂະນະດຽວກັນ ທ່ານຍັງໄດ້ຂຽນວ່າ ທ່ານ “ທ່ານບໍ່ມີທາງເລືອກມື້ນີ້ ແຕ່ຕ້ອງຮັບ
ເອົາການກວດແກ້” ທີ່ໄດ້ສະເໜີໂດຍບາງກະຊວງເພື່ອເຫັນແກ່ຜົນປະໂຫຍດດ້ານ
ຄວາມປອດໄພແຫ່ງຊາດ.
ເຈົ້າໜ້າທີ່ທຳນຽບຂາວຄົນນຶ່ງກ່າວວ່າ ສ່ວນໃຫຍ່ຂອງຂໍ້ສະເໜີແນະແມ່ນມາຈາກ
ສອງອົງການຄື ອົງການສັນຕິບານກາງ ຫລື FBI ແລະອົງການສືບລັບ CIA.
ເອກກະສານໄດ້ຖືກເປີດເຜີຍໃນໃນພະຫັດວານນີ້ ຫລັງຈາກ 8 ໂມງແລງໜ້ອຍນຶ່ງ ຕາມເວລາທ້ອງຖິ່ນ ຫລື 0 ໂມງ ຕາມເວລາມາດຕະຖານສາກົນ ຂອງວັນສຸກມື້ນີ້.
ທ່ານ Michelle, ຂວາ, ແລະຍານາງ Matilda Chipperfield ຈາກອັງກິດ ຖ່າຍຮູບ ປະທານາທິບໍດີສະຫະລັດ ໃນຂະນະຢ້ຽມຢາມ Dealey Plaza ໃນນະຄອນ Dallas ວັນທີ 25 ຕຸລາ 2017.
ການຖະແຫຼງຂອງພວກເຈົ້າໜ້າທີ່ ຕໍ່ບັນດານັກຂ່າວໃນວັນພຸດທີ່ຜ່ານມານີ້ກ່າວວ່າ ບັນ
ທຶກ 2,800 ສະບັບ ຈະຖືກເປີດເຜີຍໂດຍຫ້ອງການເກັບຮັກສາເອກກະ ສານແຫ່ງຊາດ
ເລີ້ມໂດຍທັນທີ. ເຂົາເຈົ້າກ່າວວ່າ ປະທານາທິບໍດີທຣໍາໄດ້ອະນຸ ຍາດໃຫ້ບັນດາອົງການ
ຕ່າງໆ ທີ່ຮຽກຮ້ອງໃຫ້ເກັບກຳເອກກະສານໄວ້ 180 ມື້ເພື່ອຢັ້ງຢືນວ່າເປັນຫຍັງ ສ່ວນທີ່
ເຫລືອຂອງເອກກະສານນັ້ນ ບໍ່ສົມຄວນທີ່ຈະຖືກເປີດເຜີຍເທື່ອ.
ທ້າວ Lee Harvey Oswald ຜູ້ທີ່ຖືກກ່າວຫາລອບສັງຫານ ປະທານາທິບໍດີສະຫະລັດ ທ່ານ John F. Kennedy ຢືນຢູກັບພວກເຈົ້າໜ້າທີ່ຕຳຫລວດ ວັນທີ 22 ພະຈິກ 1963.
ປະທານາທິບໍດີກ່າວວ່າ “ໃນຕອນທ້າຍຂອງໄລຍະນັ້ນ ຂ້າພະເຈົ້າຈະສັ່ງໃຫ້ເປີດເຜີຍຕໍ່ສາທາລະນະ ຂໍ້ມູນໃດໆທີ່ບັນດາອົງການຕ່າງໆບໍ່ສາມາດສະແດງໃຫ້ເຫັນວ່າ ຖືກ
ຕ້ອງ
ກັບມາດຕະຖານຕາມກົດໝາຍ ເພື່ອເລື່ອນເວລາໃນການເປິດເຜີຍ” ພາຍໃຕ້ບັນທຶກກົດໝາຍຂອງປີ 1992 ທີ່ເກັບກຳການລອບສັງຫານ ປະທານາ ທິບໍດີ John F.
Kennedy.
ຄົນຂາຍເຄື່ອງຜູ້ນຶ່ງ ກຳລັງສະແດງໃຫ້ ຍານາງ Marie Ross ຈາກລັດ Pennsylvania ເຫັນນິຕິຍະສານ ຢູ່ທີ່ Dealey Plaza ໃນນະຄອນ Dallas ວັນທີ 25 ພະຈິກ 2017.
ປະທານາທິບໍດີທຣໍາກ່າວວ່າ “ການເກັບຮັກສາບໍ່ເປີດເຜີຍຕໍ່ສາທາລະນະ” ເປັນການ
ຊົ່ວຄາວ ກ່ຽວກັບສ່ວນທີ່ເຫລືອຂອງເອກກະສານນັ້ນ ແມ່ນ “ມີຄວາມຈຳເປັນເພື່ອ
ປ້ອງກັນບໍ່ໃຫ້ເກີດອັນຕະລາຍແກ່ກອງທັບ ການປະຕິບັດງານສືບລັບ ເຈົ້າໜ້າທີ່ປະ
ຕິບັດກົດໝາຍ ຫລືການປະຕິບັດຄວາມສຳພັນກັບຕ່າງປະເທດຊຶ່ງ ມີຄວາມສຳຄັນ
ກວ່າຜົນປະໂຫຍດຈາກສາທາລະນະຊົນໃນການເປີດເຜີຍໂດຍທັນທີ.”
ອ່ານຂ່າວນີ້ເພີ້ມເປັນພາສາອັງກິດ
Your browser doesn’t support HTML5
JFK Files Relese