ບາງຄົນຜູ້ທີ່ໄດ້ສູນເສຍຄວາມສາມາດທີ່ຈະເວົ້າແມ່ນຍັງສາມາດເຄື່ອນເໜັງຫຼອດສຽງຂອງເຂົາເຈົ້າຢູ່. ບັນດານັກຄົ້ນຄວ້າໃນລັດຄາລິຟໍເນຍ ແມ່ນກຳລັງເຮັດວຽກ ເພື່ອປ່ຽນແປງການເຄື່ອນໄຫວຂອງກ້າມເນື້ອທີ່ວ່ານັ້ນເປັນຄຳເວົ້າທີ່ສາມາດໄດ້ ຍິນ. ນັກຂ່າວວີໂອເອ ຈີເນຍ ດູລັອດ ມີລາຍງານຈາກນະຄອນ ລອສ ແອນເຈີລິສ ສຳລັບລາຍການລອກອອນຂອງອາທິດນີ້, ເຊິ່ງ ພຸດທະສອນ ຈະນໍາລາຍລະອຽດມາສະເໜີທ່ານໃນອັນດັບຕໍ່ໄປ.
Your browser doesn’t support HTML5
ລາຍການ LogOn: ອຸປະກອນທີ່ອາດຊ່ວຍຜູ້ມີຫຼອດສຽງເສຍຫາຍ ເວົ້າໄດ້ອີກຄັ້ງນຶ່ງ
ບັນດານັກວິສະວະກອນຢູ່ມະຫາວິທະຍາໄລແຫ່ງຄາລິຟໍເນຍ ໃນນະຄອນ ລອສ ແອນເຈີລິສ ແມ່ນກຳລັງພັດທະນາອຸປະກອນນີ້ເພື່ອຈັບສັນຍານໄຟຟ້າທີ່ຖືກ ຜະລິດໂດຍການສັ່ນສະເທືອນຂອງກ້າມເນື້ອຂອງຫຼອດສຽງ.
ນັກຄົ້ນຄວ້າ ທ່ານ ຊີຢວນ ເຊ ແມ່ນກຳລັງໃຊ້ປັນຍາປະດິດ ເພື່ອປ່ຽນແປງ ສັນຍານທີ່ວ່ານັ້ນເປັນຄຳເວົ້າ.
ທ່ານ ຊີຢວນ ເຊ ຈາກມະຫາວິທະຍາໄລແຫ່ງຄາລິຟໍເນຍ ໃນນະຄອນ ລອສ ແອນເຈີລິສ ກ່າວວ່າ “ສັນຍານໄຟຟ້ານັ້ນຈະຖືກປ້ອນເຂົ້າໃສ່ການເຄື່ອນເໜັງ, ຫຼື ພາກສ່ວນທີ່ເປັນລໍາໂພງ, ແລະ ພາກສ່ວນລຳໂພງນັ້ນຈະໃຫ້ສຽງອອກມາ. ສະນັ້ນ, ຂັ້ນຕອນທັງໝົດ, ຈາກການຮັບຮູ້ເປັນຂະບວນການ ແລະ ຕໍ່ມາເປັນ ການເຄື່ອນເໜັງ, ຈະຮັບຮູ້ເຖິງເປົ້າໝາຍໃນທີ່ສຸດ, ເພື່ອຊ່ວຍເຈົ້າເວົ້າໂດຍ ປາສະຈາກການໃຊ້ຫຼອດສຽງຂອງເຈົ້າ.”
ເນື້ອເຫຍື່ອແບບກົນໄກໄຟຟ້າທີ່ຈະປ່ຽນກ້າມເນື້ອຫຼອດສຽງເປັນສັນຍານໄຟຟ້າ ແມ່ນອ່ອນ ແລະ ຍືດໄດ້ ສະນັ້ນມັນຈຶ່ງສາມາດນຳມາໃສ່ໄດ້ຢ່າງສະບາຍ. ເຂົາເຈົ້າປະສົມອະນຸພາກແມ່ເຫຼັກຂະໜາດນ້ອຍກັບໂພລີເມີ ອ່ອນ ແລະ ສ້າງຮູບຮ່າງມັນດ້ວຍການໃຊ້ເທັກໂນໂລຈີຕັດເຈ້ຍພື້ນເມືອງ ຍີ່ປຸ່ນ, ກ່າວໂດຍ ນັກຄົ້ນຄວ້າ ທ່ານ ຈິງ ຊູ.
ທ່ານ ຈິງ ຊູ ຈາກມະຫາວິທະຍາໄລແຫ່ງຄາລິຟໍເນຍ ໃນນະຄອນລອສ ແອນເຈີລິສ ກ່າວວ່າ “ພວກເຮົາສ້າງຊັ້ນດັ່ງກ່າວດ້ວຍລາຍ ຄິຣິກາມິ, ເຊິ່ງເຮັດໃຫ້ມັນອ່ອນຍິ່ງຂຶ້ນອີກ.”
ບັນດານັກຄົ້ນຄວ້າແມ່ນກຳລັງຊ້ອມໃຫ້ປັນຍາປະດິດຈື່ການສັ່ນສະເທືອນຂອງ ຫຼອດສຽງຂອງຄົນແຕກຕ່າງກັນ. ທ່ານ ຈູນ ເຊັນ ເປັນຜູ້ນຳພາໂຄງການ ດັ່ງກ່າວຢູ່ໂຮງຮຽນວິສະວະກຳ ຊາມູແອລລີ ຂອງມະຫາວິທະຍາໄລແຫ່ງ ຄາລິຟໍເນຍ ໃນນະຄອນ ລອສ ແອນເຈີລິສ.
ທ່ານ ຈຸນ ເຊັນ ກ່າວວ່າ “ການສັ່ນສະເທືອນຂອງກ້າມເນື້ອຂອງເຈົ້າອາດຈະແຕກຕ່າງກັນ. ພວກເຮົາ ຕ້ອງໄດ້ຝຶກຊ້ອມໃຫ້ເຄື່ອງມືນັ້ນກ່ອນທີ່ມັນຈະກຽມພ້ອມເພື່ອໃຊ້. ແລະຫຼັງ ຈາກນັ້ນພວກເຮົາກໍຈະວິເຄາະສັນຍານໄຟຟ້າທີ່ວ່ານັ້ນກ່ອນ, ເພື່ອສ້າງຖານ ຂໍ້ມູນຄຳສັບສະເພາະບຸກຄົນ.”
ມັນຖືກອອກແບບມາເພື່ອຊ່ວຍຄົນທີ່ມີຄວາມຜິດປົກກະຕິດ້ານການເວົ້າ ແລະ ຄວາມຜິດປົກກະຕິທາງຈິດຫຼາຍຢ່າງ, ທ່ານ ເຊັນ ກ່າວວ່າລາວມີແຜນທີ່ຈະ ທົດລອງເຄື່ອງມືນັ້ນຢູ່ໃນຫ້ອງບັນຍາຍຂອງລາວເອງ, ເຊິ່ງສາມາດດຳເນີນດົນ ເຖິງສາມຊົ່ວໂມງ ແລະ ບາງຄັ້ງຈະເຮັດໃຫ້ສຽງຂອງລາວປ່ຽນ.
ອ່ານລາຍງານນີ້ເປັນພາສາອັງກິດ
Engineers at the University of California, Los Angeles are developing this device to capture electric signals produced by the muscle vibration of the vocal cords.
Researcher Ziyuan Che is using artificial intelligence to transform those signals into speech.
“That electric signal will be fed into the actuation, or the loudspeaker part, and the loudspeaker part will give out the sound. So, the whole process, from sensing to processing and then to actuation, realizes the ultimate goal, to help you speak without using your vocal cords.”
The magneto-mechanical membrane converting vocal cord muscle vibrations into electrical signals is soft and stretchable so it can be worn comfortably. They mixed magnetic nanoparticles with soft polymers and shaped it using traditional Japanese paper cutting technology, says researcher Jing Xu.
“We make the layer with a Kirigami pattern, which makes it even soft(er).”
Researchers are training artificial intelligence to recognize vocal cord muscle vibrations of different people. Jun Chen leads the project at UCLA’s Samueli School of Engineering.
“Your muscle vibration could be different. We have to train the device before it’s ready to use. And then we will analyze those electrical signals first, to build up a personalized vocabulary database.”
Designed to help people with various speech disorders and pathologies, Chen says he plans to test the device in his own lectures, which can run as long as three hours and sometimes strain his voice.