ທ່ານເບີນີ ແຊນເດີຣ໌ສ, ສະມາຊິກສະພາສູງຂອງສະຫະລັດ ຕົກເປັນປົ້າໝາຍໂຈມຕີຂອງບັນດາຄູ່ແຂ່ງຂອງທ່ານ ໃນການໃຫ້ຖືກແຕ່ງຕັ້ງເປັນຜູ້ຕາງໜ້າພັກເດໂມແຄຣັດ ເຂົ້າຮ່ວມການແຂ່ງຂັນເລືອກຕັ້ງປະທານາທິບໍດີຢູ່ໃນການໂຕ້ວາທີ ທີ່ຖ່າຍທອດອອກທາງໂທລະພາບ ໃນເມືອງຊາລສຕັນ (Charleston), ລັດຄາໂຣໄລນາໃຕ້ ໃນວັນອັງຄານວານນີ້. ທ່ານແຊນເດີຣ໌ສ ໄດ້ກາຍເປັນຜູ້ນຳໜ້າໝູ່ ພາຍຫລັງທີ່ໄດ້ຮັບໄຊຊະນະໃນການແຂ່ງຂັນເປັນຜູ້ຕາງໜ້າພັກສາມຄັ້ງ, ແຕ່ວ່າ ພວກຄູ່ແຂ່ງຂອງທ່ານພາກັນຖົກຖຽງວ່າ ນັກສັງຄົມນິຍົມປະຊາທິປະໄຕທີ່ປະກາດຕົນເອງ ຈະເສຍໄຊໃຫ້ແກ່ປະທານາທິບໍດີ ດໍໂນລ ທຣຳ ຈາກພັກຣີພັບບລິກັນຢູ່ໃນການເລືອກຕັ້ງແຫ່ງຊາດໃນເດືອນພະຈິກນີ້. Richard Green, ນັກຂ່າວວີໂອເອ ມີລາຍງານພາກຫລ້າສຸດກ່ຽວກັບການເລືອກຕັ້ງປະທານາທິບໍດີ ປີ 2020 ນີ້ ຊຶ່ງບົວສະຫວັນ ຈະນຳມາສະເໜີທ່ານໃນອັນດັບຕໍ່ໄປ.
Your browser doesn’t support HTML5
ເຊີນຟັງລາຍງານກ່ຽວກັບການໂຕ້ວາທີຂອງຜູ້ສະໝັກຈາກພັກເດໂມແຄຣັດ ໃນການເລືອກຕັ້ງປະທານທທິບໍດີ ສຫລ
ຢູ່ໃນການສູ້ຢັນກັນແບບໜ້າ-ຕໍ່-ໜ້າ ທີ່ຖ່າຍທອດສົດທາງໂທລະພາບ ໂດຍອົງການຂ່າວ CBS News ນັ້ນ ທ່ານເບີນີ ແຊນເດີຣ໌ສ, ຜູ້ສະໝັກທີ່ບໍ່ສັງກັດພັກໃດ ຈາກລັດເວີມັນທ໌ ທີ່ມີຄວາມຄິດສອດຄ່ອງກັບພວກສັງກັດພັກເດໂມແຄຣັດຢູ່ໃນສະພາສູງຂອງສະຫະລັດ, ຖືກຖາມວ່າ ທ່ານຈະໂນ້ມນ້າວຈິດໃຈພວກປ່ອນບັດໃຫ້ເຊື່ອໄດ້ແນວໃດ ວ່າທ່ານຈະເປັນຜູ້ດູແລດ້ານເສດຖະກິດທີ່ດີກວ່າປະທານາທິບໍດີທຣຳ ແມ່ນແຕ່ວ່າ ທ່ານທຣຳໄດ້ຮັບຄະແນນນິຍົມເມື່ອມໍ່ໆມານີ້ ໃນຕະຫລາດຮຸ້ນນັ້ນຢູ່ກໍຕາມ.
ສະມາຊິກສະພາສູງເບີນີ ແຊນເດີຣ໌ສຕອບວ່າ:
"ປີກາຍນີ້, ຄ່າແຮງງານແທ້ຈິງໄດ້ເພີ້ມຂຶ້ນສຳລັບພວກອອກແຮງງານທົ່ວໄປໃນອັດຕາຕ່ຳກວ່າ 1 ເປີເຊັນ. ປະຊາຊົນຂອງພວກເຮົາເຄິ່ງປະເທດແມ່ນດຳລົງຊີວິດຢູ່ ແບບມີເງິນເດືອນພໍແຕ່ກຸ້ມກິນໃນແຕ່ລະເດືອນ...ນັ້ນບໍ່ແມ່ນເສດຖະກິດທີ່ເປັນຜົນດີສຳລັບປະຊາຊົນອາເມຣິກັນ, ມັນມີຜົນດີສຳລັບພວກທີ່ນອນຢູ່ໃນກຸ່ມ 1 ເປີເຊັນຂອງປະເທດ. ພວກເຮົາຈະສ້າງເສດຖະກິດສຳລັບທຸກຄົນ ບໍ່ແມ່ນສຳລັບແຕ່ພວກທີ່ເອົາເງິນອອກໃຫ້ແກ່ການໂຄສະນາຫາສຽງທີ່ຮັ່ງມີເທົ່ານັ້ນ."
ທ່ານ ແຊນເດີຣ໌ສ ໃຫ້ສັນຍາວ່າຈະຂະຫຍາຍການປະກັນໄພສຸຂະພາບແບບເມດີແຄ (Medicare) ຊຶ່ງເປັນໂຄງການປະກັນໄພສຸຂະພາບສຳລັບພົນລະເມືອງ ທີ່ມີອາຍຸແກ່ໃນອາເມຣິການັ້ນ ເພື່ອເຮັດໃຫ້ມັນມີໄວ້ໃຫ້ແກ່ທຸກຄົນ ໂດຍບໍ່ຈຳແນກອາຍຸ. ແຕ່ວ່າ ບັນດາຄູ່ແຂງຂອງທ່ານລວມທັງ ສະມາຊິກສະພາສູງຈາກລັດມິນເນໂຊຕາ, ທ່ານນາງເອມມີ ໂຄລບູຈາ (Amy Klobuchar) ກ່າວອ້າງວ່າ ແຜນການຂອງທ່ານແຊນເດີຣ໌ສ ທີ່ຈະເພີ້ມລາຍຈ່າຍສະຫວັດດີການສັງຄົມ ສຳລັບດ້ານສາທາລະນະສຸກ ແລະການສຶກສາ ຂຶ້ນຢ່າງຫລວງຫລາຍນັ້ນ ຈະເປັນການໃຊ້ຈ່າຍທີ່ມີມູນຄ່າຫລາຍເກີນໄປ.
ຜູ້ສະໝັກແຂ່ງຂັນໃຫ້ເປັນຜູ້ຕາງໜ້າພັກເດໂມແຄຣັດ (ຈາກຊ້າຍກາຂວາ), ທ່ານ Mike Bloomberg, ທ່ານ Pete Buttigieg, ທ່ານນາງ Elizabeth Warren, ທ່ານ Bernie Sanders, ອະດີດປະທານາທິບໍດີ ໂຈ ໄບເດັນ, ທ່ານນາງ Amy Klobuchar ໂຕ້ວາທີ ໃນເມືອງ Charleston, ລັດຄາໂຣໄລນາໃຕ້
ສະມາຊິກສະພາສູງເອມມີ ໂຄລບູຈາ (Amy Klobuchar) ກ່າວດັ່ງນີ້:
"ບໍ່ແມ່ນ, ການໄລ່ເລກມັນບໍ່ພໍດີກັນ. ທີ່ຈິງແທ້, ໃນເວລາພຽງ 60 ນາທີ ຢູ່ໃນທ້າຍສັບປະດານີ້. ເພິ່ນເວົ້າວ່າ ເພິ່ນຈະບໍ່ໄລ່ຈິ ໄລ່ຈີ ແບບນັບຫລຽນຫ້າເຊັນ ແລະສິບເຊັນໃສ່ກັນດອກ. ເອີ່, ຂ້າພະເຈົ້າຂໍເວົ້າສູ່ຟັງເດີ້ ພວກເຮົາເວົ້າເຖິງຫລຽນຫ້າເຊັນ ແລະສິບເຊັນ ທີ່ມີມູນຄ່າຫລາຍປານໃດ ທີ່ເຮົາເວົ້າກັນຢູ່ນີ້ ມັນເກືອບຮອດ 60 ພັນຕື້ໂດລາ. ທ່ານຮູ້ບໍ່ວ່າ ສຳລັບໂຄງການຕ່າງໆທັງໝົດຂອງເພິ່ນ ມັນຕົກເປັນເງິນຫລາຍປານໃດ?"
ທ່ານ ແຊນເດີຣ໌ສຕອບວ່າ:
"ມັນບໍ່ຈິງ."
ທ່ານນາງ ໂຄລບູຈາ (Klobuchar) ກ່າວຕໍ່ໄປວ່າ:
"ນັ້ນມັນເປັນຈຳນວນເງິນຫລາຍກວ່າເສດຖະກິດຂອງອາເມຣິກາ 3 ເທົ່າ, ບໍ່ແມ່ນເງິນສຳລັບໃຊ້ຈ່າຍໃນລັດຖະບານກາງ, ມັນແມ່ນສຳລັບເສດຖະກິດຂອງອາເມຣິກາ ທັງໝົດເລີຍ."
ສ່ວນອະດີດປະທານາທິບໍດີ ໂຈ ໄບເດັນນັ້ນ ແມ່ນໃຊ້ການຍິງສັງຫານໝູ່ ຢູ່ໃນໂບດທີ່ມີຄົນສ່ວນໃຫຍ່ເປັນຄົນຜິວດຳ ຢູ່ໃນເມືອງ ຊາລສຕັນ (Charleston) ໃນປີ 2015 ນັ້ນມາເປັນສິ່ງຕ້ານຢັນກັບທ່ານແຊນເດີຣ໌ສ ກ່ຽວກັບການຄັດຄ້ານຂອງທ່ານຕໍ່ນິຕິກຳທີ່ຈະເຮັດໃຫ້ພວກຜະລິດປືນ ຮັບເອົາຄວາມຮັບຜິດຊອບຕໍ່ ການກໍ່ຄວາມຮຸນແຮງທີ່ໃຊ້ປືນຢູ່ໃນສະຫະລັດ.
ອະດີດປະທານາທິບໍດີ ໂຈ ໄບເດັນເວົ້າວ່າ:
"ທ່ານ ເບີນີ ໄດ້ລົງຄະແນນສຽງຄັດຄ້ານຕໍ່ຮ່າງກົດໝາຍແບຣດດີ (Brady), ແລະທ່ານຢາກໃຫ້ລໍຖ້າເປັນໄລຍະເວລາ, ບໍ່ໃຫ້ຂ້ອຍເວົ້າສຸດກ່ອນ ແລະລໍຖ້າ, ລໍຖ້າເປັນໄລຍະ 12 ຊົ່ວໂມງ. ຂ້າພະເຈົ້າບໍ່ໄດ້ເວົ້າວ່າ ທ່ານຕ້ອງໄດ້ຮັບຜິດຊອບຕໍ່ການເສຍຊີວິດຂອງຄົນ 9 ຄົນດອກ ແຕ່ວ່າ ຜູ້ຊາຍຄົນນັ້ນ ຈະບໍ່ສາມາດມີອາວຸດອັນນັ້ນໄດ້ ໂດຍທີ່ມີໄລຍະເວລາລໍຖ້າທີ່ຂ້າພະເຈົ້າໄດ້ສະເໜີໄປນັ້ນ ຈົນກວ່າວ່າ ລາວຈະຜ່ານຈຶ່ງໄດ້ຊື້."
ພວກຄູ່ແຂ່ງຂອງທ່ານແຊນເດີຣ໌ສ ຍັງເວົ້າອີກວ່າ ການຕີລາຄາທີ່ມີຄວາມພໍໃຈຕໍ່ ພວກຜະເດັດການນິຍົມຊ້າຍທີ່ຫລ້າສະໄໝໄດ້ຫລາຍທົດສະວັດ ເຊັ່ນ ທ່ານ ຟີແດລ ກາສໂຕຣ (Fidel Castro) ຂອງຄິວບານັ້ນ ຈະບໍ່ເປັນທີ່ຍອມຮັບຈາກພວກປ່ອນບັດທີ່ນິຍົມສາຍກາງ ແລະມີຫົວອານຸລັກນິຍົມ ຢູ່ໃນບາງລັດຂອງປະເທດນີ້. ອະດີດເຈົ້າຄອງນະຄອນນິວຢອກ, ທ່ານໄມໂຄ ບລູມເບີກ (Michael Bloomberg) ແມ່ນກະທັ້ງໃຫ້ຂໍ້ຄິດວ່າ ທ່ານແຊນເດີຣ໌ສ ກຳລັງຖືກປະທານາທິບໍດີວລາດິເມຍ ປູຕິນຂອງຣັດເຊຍໝູນໃຊ້.
ທ່ານໄມໂຄ ບລູມເບີກ (Michael Bloomberg) ກ່າວດັ່ງນີ້:
"ຂ້າພະເຈົ້າຄິດວ່າ ທ່ານດໍໂນລ ທຣຳຄິດວ່າ ຖ້າຕົນເອງໄດ້ເປັນປະທານາທິບໍດີ ມັນຈະດີກວ່າ ແຕ່ຂ້າພະເຈົ້າບໍ່ໄດ້ຄິດແນວນັ້ນ. ທ່ານວລາດິເມຍ ປູຕິນ ຄິດວ່າ ທ່ານ ດໍໂນລ ທຣຳ ໄດ້ເປັນ ຄວນເປັນປະທານາທິບໍດີຂອງສະຫະລັດ ແລະ ເພາະສະນັ້ນຫລະ ຣັດເຊຍຈຶ່ງກຳລັງຊ່ວຍທ່ານໃຫ້ຖືກເລືອກເອົາເພື່ອວ່າ ທ່ານຈະໄດ້ເສຍໄຊໃຫ້ແກ່ທ່ານທຣຳ.”
ການໂຕ້ວາມີຂຶ້ນພຽງແຕ່ 4 ມື້ ເທົ່ານັ້ນ ກ່ອນຈະເຖິງມື້ ທີ່ລັດຄາໂຣໄລນາໃຕ້ ທີ່ມີຜູ້ເປັນຕົວແທນການເລືອກຕັ້ງຢູ່ 54 ຄົນໃຫ້ແຂ່ງກັນຊີງເອົານັ້ນ ຈະຈັດການເລືອກຕັ້ງຂັ້ນຕົ້ນຂຶ້ນ. ທ່ານໄບເດັນ ທີ່ຄັ້ງນຶ່ງເຄີຍເປັນໄດ້ຮັບຄະແນນນຳໜ້າໝູ່ໃນພັກເດໂມແຄຣັດ ໄດ້ຮັບຄະແນນລື່ນທ່ານແຊນເດີຣ໌ສ ພຽງໜ້ອຍດຽວຢູ່ໃນລັດຄາໂຣໄລນາໃຕ້ ແຕ່ວ່າ ຜູ້ສັງເກດການທັງຫລາຍເວົ້າວ່າ ທ່ານ ແຊນເດີຣ໌ສ ຍັງ ມີໂອກາດທີ່ຈະສາມາດໄດ້ຮັບໄຊຊະນະໃນລັດດັ່ງກ່າວຢູ່, ຊຶ່ງຈະເຮັດໃຫ້ທ່ານຢູ່ໃນຖານະທີ່ເປັນຜູ້ມີອຳນາດເໜືອໝູ່ກ່ອນຈະຮອດການປ່ອນບັດທີ່ເອີ້ນວ່າ "ວັນອັງຄານພິເສດ” ຫລື “Super Tuesday" ໃນ 3 ມື້ຫລັງຈາກນັ້ນ ເມື່ອມີຜູ້ເປັນຕົວແທນການເລືອກຕັ້ງທີ່ມີຈຳນວນຫລາຍ 1,300 ຄົນ ຊຶ່ງເປັນຈຳນວນຫລາຍໃຫ້ຜູ້ສະໝັກເລືອກຕັ້ງພາກັນແຂ່ງຂັນໃຫ້ໄດ້ຮັບຄະແນນສຽງຈາກເຂົາເຈົ້າຢູ່.
ເບິ່ງວີດິໂອກ່ຽວກັບລາຍງານນີ້ເພີ້ມເປັນພາສາອັງກິດ
ອ່ານຂ່າວນີ້ເພີ້ມເປັນພາສາອັງກິດຢູ່ຂ້າງລຸ່ມນີ້
U.S. Senator Bernie Sanders was the target of his rivals for the Democratic presidential nomination in the latest televised debate held Tuesday in Charleston, South Carolina. Sanders has emerged as the national front-runner after victories in the first three nominating contests, but his rivals contend that the self-declared democratic socialist would lose to Republican President Donald Trump in November's national election. VOA's Richard Green has the latest chapter in 2020 presidential election.
In the face-to-face confrontation carried live by CBS News, Sanders, an independent from Vermont who aligns with the Democrats in the Senate, was asked how he would convince voters he would make a better steward of the economy than President Trump, despite the recent gains in the stock market.
Senator Bernie Sanders:
" Last year, real wage increases for the average worker were less than 1%. Half of our people are living paycheck to paycheck...That is not an economy that's working for the American people that's an economy, working for the 1%. We're going to create an economy for all, not just wealthy campaign contributors."
Sanders has promised to expand Medicare, the health insurance program for America's elderly citizens, to make it available for everyone, regardless of age. But his rivals, including Minnesota Senator Amy Klobuchar, claim that Sanders's plans to sharply increase social welfare spending for health and education would be too costly.
Senator Amy Klobuchar:
"No, the math does not add up. In fact, just on 60 Minutes this weekend. He said he wasn't going to rattle through the nickels and the dimes. Well, let me tell you how many nickels and dimes we're talking about - nearly $60 trillion. Do you know how much that is for all of his programs?"
Senator Bernie Sanders:
"Not true."
Senator Amy Klobuchar:
"That is three times the American economy, not the federal government, the entire American economy."
Former Vice President Joe Biden used the shooting rampage at a predominantly black church in Charleston in 2015 to confront Sanders about his previous opposition to legislation that would have held gun manufacturers liable for gun violence in the United States.
Former Vice President Joe Biden:
"Bernie voted five times against the Brady bill, and wanted a waiting period no let me finish - and waited, waited, a waiting period of 12 hours. I'm not saying he's responsible for the nine deaths, but that man would not been able to get that weapon with a waiting period had been what I suggested until you are clear."
Sanders's opponents have also said his decades-old favorable assessments of such leftist dictators as the late Fidel Castro of Cuba would be rejected by moderate and conservative voters in certain parts of the country. Former New York Mayor Michael Bloomberg even suggested Sanders was being used by Russian President Vladimir Putin.
Former Mayor Michael Bloomberg:
"I think that Donald Trump thinks it would be better if he's President, I do not think so. Vladimir Putin thinks that Donald Trump is - should be President of the United States, and that's why Russia is helping you get elected so you'll lose to him."
The debate comes just four days before South Carolina, with its 54 national delegates in play, holds its primary. Biden, who was once the Democratic front-runner, holds a narrow lead over Sanders in South Carolina, but observers say there is a possibility Sanders could also win the state, putting him in a commanding position ahead of so-called "Super Tuesday" voting three days later, when a massive haul of more than 13 hundred delegates is at stake.