ພວກກະບົດຫົວນິຍົມຣັດເຊຍ ໄດ້ເປີດສາກບຸກໂຈມຕີ ເມືອງທ່າ
Mariupol ທີ່ສຳຄັນຂອງຢູເຄຣນ ໃນການທະວີຄວາມເຄັ່ງຕຶງ
ທີ່ສະຫະພາບຢູໂຣບເຕື່ອນວ່າ ອາດຈະເຮັດໃຫ້ສາຍພົວພັນລະ
ຫວ່າງສະຫະພາບຢູໂຣບ ແລະຣັດເຊຍ ຊຸດໂຊມລົງ ຢ່າງຮ້າຍ
ແຮງນັ້ນ.
ບັນດາເຈົ້າໜ້າທີ່ຢູເຄຣນ ກ່າວວ່າຢ່າງນ້ອຍ 30 ຄົນໄດ້ເສຍຊີວິດ
ໃນວັນເສົາວານນີ້ ໃນເວລາຈະຫລວດຫຼາຍລູກ ໄດ້ຕົກໃສ່ເຂດ
ທີ່ຢູ່ອາໄສຂອງປະຊາຊົນໃນເມືອງທ່າ Mariupol. ການຍິງຈະ
ຫລວດໂຈມຕີໄດ້ ຕົກໃສ່ຕະຫລາດແຫ່ງນຶ່ງ ແລະອາຄານທີ່ຢູ່
ອາໄສຫຼາຍຫລັງ ເຮັດໃຫ້ ຫຼາຍກວ່າ 80 ຄົນໄດ້ຮັບບາດເຈັບ.
ປະທານາທິບໍດີຢູເຄຣນ ທ່ານ Petro Poroshenko ໄດ້ປະຕິຍານວ່າ ຈະປົກປ້ອງດິນ
ແດນຂອງຢູເຄຣນ. ທ່ານໄດ້ຕັດການເດີນທາງໄປຍັງ ຊາອຸດີ ອາຣາເບຍ ເພື່ອເຂົ້າຮ່ວມ
ພິທີຊາປະນາກິດສົບຂອງມື້ລາງ ກະສັດ Abdullah ແຕ່ໄດ້ນັ່ງເປັນປະທານ ກອງປະຊຸມ
ສຸກເສີນຂອງ ສະພາຄວາມໝັ້ນຄົງຢູເຄຣນແທນ.
ຊາວຢູເຄຣນພາກັນໄຕ້ທຽນ ຢູ່ທີ່ຈັດຕຸລັດເອກະລາດ ໃນນະຄອນຫລວງ Kiyiv ເປັນຂີດໝາຍຂອງການເປັນນຶ່ງດຽວ ກັບບັນດາຜູ້ທີ່ເສຍຊີວິດ ໃນການໂຈມຕີໃສ່ເມືອງທ່າ Mariupol ຂອງຢູເຄຣນ, ວັນທີ 24 ມັງກອນ 2015.
ທ່ານ Poroshenko ໄດ້ໂອ້ລົມກ່ຽວກັບສະຖານະການ ທາງ
ໂທລະ ສັບໃນວັນເສົາວານນີ້ ກັບຮອງປະທານາທິບໍດີສະຫະລັດ
ທ່ານ Joe Biden ຜູ້ທີ່ໄດ້ປະນາມການໂຈມຕີຕ່າງໆ ແລະ ຄວາມ
ຮຸນແຮງທີ່ທ່ານກ່າວວ່າ ເປັນການລິເລີ້ມໂດຍ ພວກຫົວແບ່ງແຍກ
ດິນແດນ ທີ່ ມີຣັດເຊຍສະໜັບສະໜຸນ. ບັນດາເຈົ້າໜ້າທີ່ ທຳນຽບ
ຂາວກ່າວວ່າ ທັງສອງທ່ານໄດ້ສະແດງຄວາມເປັນຫ່ວງ ຢ່າງແຮງ
ກ່ຽວກັບການທີ່ຣັດເຊຍ ບໍ່ໃຫ້ການເຄົາລົບ ຕໍ່ຄຳໝັ້ນສັນຍາ ຂອງ
ຕົນພາຍໃຕ້ສັນຍາ ຂໍ້ຕົກລົງຢຸດຍິງ ເມື່ອເດືອນກັນຍາຢູ່ທີ່ນະຄອນ
ຫລວງ Minsk.
ປະເທດລັດເວຍ ຊຶ່ງໝຸນວຽນມາດຳລົງຕຳແໜ່ງ ເປັນປະທານ
ສະຫະພາບຢູໂຣບໃນຂະນະນີ້ ໄດ້ຮຽກຮ້ອງໃຫ້ກຸ່ມດັ່ງກ່າວ ເປີດ
ປະຊຸມສຸກເສີນ ກັບບັນດາລັດຖະມົນຕີຕ່າງປະເທດຂອງກຸ່ມ ເພື່ອປຶກສາຫາລືກັນກ່ຽວກັບ ສະຖານະການ.
ເລຂາທິການໃຫຍ່ອົງການເນໂຕ ທ່ານ Jens Stoltenberg ກ່າວວ່າ ການບຸກໂຈມຕີ
ດັ່ງກ່າວ “ແມ່ນເປັນການບໍ່ເຄົາລົບຕໍ່ຂໍ້ຕົກລົງຢຸດຍິງເລີຍ.” ທ່ານກ່າວອີກວ່າ
ກອງທະຫານຣັດເຊຍ ໄດ້ສະໜັບສະໜຸນ ການປະຕິບັດການຂອງກະບົດ ດ້ວຍອຸບປະກອນ
ທີ່ລວມທັງລູກສອນໄຟຈາກພື້ນດິນສູ່ອາກາດ ແລະ “ລະບົບຍິງຈະຫລວດທີ່ທັນສະໄໝ
ຕ່າງໆອີກດ້ວຍ.”
ທ່ານ Stoltenberg ແລະ ທ່ານນາງ Federica Mogherini ຫົວ ໜ້ານະໂຍບາຍຕ່າງ
ປະເທດຂອງສະຫະພາບຢູໂຣບ ໄດ້ຮຽກຮ້ອງໃຫ້ຣັດເຊຍຍຸດຕິ ການສະໜອງການສະ
ໜັບສະໜຸນພວກກະບົດ ທັງທາງດ້ານທະຫານ ແລະ ດ້ານການເງິນ. ທ່ານນາງ Mogherini ຮຽກຮ້ອງໃຫ້ຣັດເຊຍ ຈົ່ງໃຊ້ອິດທິພົນຂອງຕົນເພື່ອຍຸດຕິການບຸກໂຈມຕີນັ້ນ.
ພວກໄວ້ທຸກຫຼາຍສິບຄົນໄດ້ພາກັນຢືນສະງົບສະຕິອາລົມນາທີນຶ່ງ ແລະ ໄດ້ໄຕ້ທຽນ ຢູ່ທີ່
ຈັດຕຸລັດເອກະລາດຂອງນະຄອນຫລວງ Kyiv ເມືອຕອນຄ່ຳວັນເສົາວານນີ້ ເພື່ອລະນຶກ
ເຖິງບັນດາຜູ້ທີ່ໄດ້ເສຍຊີວິດໃນເມືອງທ່າ Mariupol.