ລັດຖະບານ Fiji ໄດ້ປະກາດຫ້າມບໍ່ໃຫ້ປະຊາຊົນອອກນອກ
ເຮືອນໃນທົ່ວປະເທດ ຂະນະທີ່ ລົມພາຍຸໄຊໂຄລນ ຂະໜາດ
ແຮງ ກຳລັງເຄື່ອນເຂົ້າໄປໃກ້ໆປະເທດເກາະດັ່ງກ່າວ ທີ່ມີປະ
ຊາຊົນ 900,000 ຄົນ.
ໃນຂະນະທີ່ຈຸດສູນກາງຂອງລົມພາຍຸໄຊໂຄລນ Winston ຍັງ
ບໍ່ທັນພັດເຂົ້າຖະຫຼົ່ມ ສອງເກາະໃຫຍ່ເທື່ອນັ້ນ ແຕ່ Fiji ກໍມີລົມ
ແຮງແລ້ວເຖິງ 220 ກິໂລແມັດຕໍ່ຊົ່ວໂມງພັດເຂົ້າປະທະຊຶ່ງໃນ
ບາງໂອກາດມີຄວາມແຮງເຖິງ 300 ກິໂລແມັດຕໍ່ຊົ່ວໂມງ.
ຖ້ຽວບິນນາໆຊາດແມ່ນໄດ້ຖືກຍົກເລີກ ແລະຫລາຍໆຮ້ອຍຄົນ
ໄດ້ຖືກຍົກຍ້າຍໄປຢູ່ສູນກາງຫລົບໄພລົມພາຍຸທີ່ໄດ້ຈັດຕັ້ງຂຶ້ນ.
ຮູບຖ່າຍຈາກດາວທຽມໄຊໂຄລນ Winston
ນາຍົກລັດຖະມົນຕີ Fiji ທ່ານ Vorege Bainimarama ກ່າວຕໍ່ປະຊາຊົນວ່າ ໃນຂະນະ
ທີ່ປະເທດຊາດພວມປະເຊີນໜ້າກັບລົມພາຍຸທີ່ແຮງທີ່ສຸດຢູ່ນີ້. ພວກເຮົາຕ້ອງໄດ້ສາມັກຄີກັນ ແລະເບິ່ງແຍງກັນແລະກັນ. ໃຫ້ມີຄວາມລະມັດລະວັງ ແລະກຽມພ້ອມ.
ອົງການພະຍາກອນອາກາດ ຂອງ Fiji ເຕືອນປະຊາຊົນ ທີ່ອາໄສຢູ່ທາງກ້ຳຕາເວັນອອກຂອງປະເທດ ໃຫ້ລະມັດລະວັງລົມທີ່ມີຄວາມແຮງສູງແລະເປັນອັນຕະລາຍ.
Your browser doesn’t support HTML5
Fiji Cyclone