ການປະທ້ວງກ່ຽວກັບສົງຄາມ ອິສຣາແອລ ແລະກຸ່ມຮາມັສ ໄດ້ພາໃຫ້ເກີດຄວາມຂັດແຍ້ງກັນລະຫວ່າງຕຳຫຼວດ ແລະ ສື່ມວນຊົນ ຢູ່ໃນທົ່ວສະຫະລັດ. ທັງຕຳຫຼວດ ແລະບັນດານັກຂ່າວ ໄປທີ່ການປະທ້ວງ ພ້ອມກັບພາລະໜ້າທີ່ ທີ່ຕ້ອງເຮັດ. ແຕ່ບັນດານັກຂ່າວ ກ່າວວ່າ ຕຳຫຼວດມັກຈະຂັດຂວາງບໍ່ໃຫ້ພວກເຂົາ ເຮັດໜ້າທີ່ຂອງພວກເຂົາ. ຣອບບິນ ເກັດສ໌ (Robin Guess) ມີລາຍງານ ກ່ຽວກັບເລື້ອງນີ້.
Your browser doesn’t support HTML5
ຄວາມຂັດແຍ້ງ ລະຫວ່າງ ຕໍາຫຼວດ ແລະ ບັນດານັກຂ່າວ ກຳລັງເພີ້ມຂຶ້ນ
ໃນຂະນະທີ່ຕຳຫຼວດໃນທົ່ວສະຫະລັດ ໄດ້ປິດກັນການປະທ້ວງ ກ່ຽວກັບສົງຄາມອິສຣາແອລ ແລະກຸ່ມຮາມາສ, ບັນດານັກຂ່າວ ກ່າວວ່າ ພວກເຂົາເອງ ກໍຕົກເປັນເປົ້າໝາຍເຊັ່ນກັນ.
ຢູ່ໃນວີດີໂອນີ້, ເຈົ້າໜ້າທີ່ 4 ຄົນ ໄດ້ຈັບກຸມ ແລະໃສ່ກັບມືນັກຂຽນຂ່າວ ຣອບບິນ ເອັປປລີ (Robin Epley) ຈາກ ອົງການຂ່າວ ຊາຄຣາເມັນໂຕ ບີ (Sacramento Bee) ຂອງລັດຄາລິຟໍເນຍ ທີ່ຮັບຜິດຊອບລາຍງານຂ່າວ ກ່ຽວກັບພວກປະທ້ວງ ໃນລະຫວ່າງກອງປະຊຸມສະພາຂອງເມືອງ ທີ່ຜ່ານມາ.
ທ່ານ ນາງ ຣອບບິນ ເອັປປລີ (Robin Epley), ກ່າວຜ່ານທາງ ຊູມວ່າ:
"ສິ່ງນີ້ແມ່ນຂີ້ຮ້າຍຫຼາຍ ເພາະວ່າ ຄົນທີ່ເຮັດແບບນີ້ກັບຂ້ອຍ ແມ່ນຄົນທີ່ຄວນຈະປົກປ້ອງພວກເຮົາໃຫ້ປອດໄພ. ກົມຕຳຫຼວດຄວນຮັກສາກົດໝາຍ. ແລະໃນຄວາມເປັນຈິງແລ້ວ, ສິ່ງທີ່ພວກເຂົາເຮັດ ແມ່ນການທໍາລາຍມັນ.”
ໃນອີເມລ໌, ຕຳຫຼວດ ຊາຄຣາເມັນໂຕ, ໄດ້ຕຳໜິ ນາງ ເອັປປລີ ທີ່ບໍ່ໃສ່ບັດປະຈຳໂຕເປັນນັກຂ່າວຂອງເມືອງ ທີ່ສ້າງຂຶ້ນໃໝ່. ແຕ່ ນາງເອັປປລີ ແລະຄົນອື່ນໆ ກ່າວວ່າ ຕຳຫຼວດໄດ້ລະເມີດກົດໝາຍ ປີ 2021 ຂອງລັດຄາລິຟໍເນຍ ທີ່ຄຸ້ມຄອງນັກຂ່າວທີ່ລາຍງານການປະທ້ວງໂດຍສະເພາະ.
ສະມາຊິກສະພາສູງລັດຄາລິຟໍເນຍ ທ່ານ ໄມ ແມັກກວຍເອີ (Mike McGuire) ໄດ້ຂຽນກົດໝາຍຂຶ້ນມາເພື່ອຕອບໂຕ້ການປະທ້ວງ ກ່ຽວກັບການຄາດຕະກໍາ ຊາວອາເມຣິກັນ ເຊື້ອຊາຍອັຟຟຣີກັນ ທີ່ບໍ່ມີອາວຸດ ທ້າວ ຈອຈ ຟລອຍ (George Floyd) ໂດຍຕໍາຫຼວດ ໃນປີ 2020. ທ່ານ ແມັກກວຍເອີ (McGuire) ກ່າວວ່າ ໃນເວລານັ້ນ, ຕຳຫຼວດໄດ້ຈູ່ໂຈມ ແລະຈັບກຸມນັກຂ່າວ ທີ່ປະຕິບັດໜ້າທີ່ຂອງເຂົາເຈົ້າຢູ່.
ທ່ານ ໄມ ແມັກກວຍເອີ (Mike McGuire), ກ່າວຜ່ານທາງ ຊູມ ວ່າ:
"ໃນຫຼາຍໆກໍລະນີ, ນັກຂ່າວໄດ້ເອົາຊີວິດຂອງພວກເຂົາເອງ ເຂົ້າສ່ຽງ ເພື່ອນໍາເອົາເລື້ອງລາວຕ່າງໆ ມາໃຫ້ພວກເຮົາທຸກຄົນທີ່ຢູ່ບ້ານ. ສິ່ງທີ່ພວກເຮົາຮູ້ແມ່ນກົດໝາຍ SB98 ໃຫ້ການປົກປ້ອງສື່ມວນຊົນທີ່ແຂງແກ່ນທີ່ສຸດໃນທົ່ວອາເມຣິກາ."
ຄວາມຂັດແຍ້ງລະຫວ່າງຕໍາຫຼວດແລະນັກຂ່າວໃນລະຫວ່າງການປະທ້ວງຂອງ ທ້າວ ຈອຈ ຟລອຍ (George Floyd) ໄດ້ນໍາໄປສູ່ການປ່ຽນແປງນະໂຍບາຍຂອງຕໍາຫຼວດ ໃນ ລັດ ມິນເນໂຊຕາ (Minnesota), ນະຄອນ ລັອສ ແອນເຈລລິສ (Los Angeles), ນິວ ຢອກ (New York) ແລະບ່ອນອື່ນໆ. ແຕ່ບັນຫາຍັງຄົງມີຢູ່, ອີງຕາມລາຍງານຂອງ ຕົວຕິດຕາມເສລີພາບດ້ານຂ່າວຂອງສະຫະລັດ (U.S. Press Freedom Tracker).
ຂໍ້ມູນຂອງກຸ່ມດັ່ງກ່າວສະແດງໃຫ້ເຫັນວ່າ ຕຳຫຼວດ ໄດ້ຈັບກຸມ ຫຼືກັກຂັງນັກຂ່າວ 36 ຄົນ ທີ່ລາຍງານກ່ຽວກັບການປະທ້ວງຂອງອິສຣາແອລ ແລະກຸ່ມຮາມາສ ນັບຕັ້ງແຕ່ເດືອນຕຸລາທີ່ຜ່ານມາ.
ທ່ານ ຈອນ ຟາຣີນາ (Jon Farina), ຈາກອົງການຂ່າວ Status Coup Journal ກ່າວຜ່ານທາງ ຊູມວ່າ:
“ສິ່ງທີ່ເປັນການເດີມພັນຢູ່ທີ່ນີ້ ແມ່ນສິດທິຕາມລັດຖະທຳມະນູນຂອງພວກເຮົາ, ສິດທິມະນຸດຂອງພວກເຮົາ, ລັດຖະທຳມະນູນມາດຕາທີນຶ່ງ, ເສລີພາບໃນການປາກເວົ້າ, ເສລີພາບດ້ານການຂ່າວ. ບໍ່ມີການພິຈາລະນາເຖິງເລື່ອງນັ້ນເລີຍ ຈາກການບັງຄັບໃຊ້ກົດໝາຍ.”
ທ່ານ ຟາຣີນາ (Farina) ໄດ້ຖ່າຍວິດີໂອທີ່ນັກຂ່າວຄົນນຶ່ງ ລົ້ມລົງ ແລະ ຈາກນັ້ນ ກໍຖືກຕຳຫຼວດນິວຢອກຈັບຕົວ. ເຊິ່ງນາງໄດ້ລາຍງານການປະທ້ວງ ໃນເດືອນພຶດສະພາ ຢູ່ທີ່ມະຫາວິທະຍາໄລ ໂຄລຳເບຍ (Columbia). ລາວ ໄດ້ຖ່າຍຮູບກໍລະນີອື່ນໆ ທີ່ຕຳຫຼວດນິວຢອກ ໄດ້ທຳຮ້າຍຮ່າງກາຍພວກນັກຂ່າວ ໄວ້.
ກົມຕຳຫຼວດຂອງນິວ ຢອກ ບໍ່ໄດ້ຕອບສະໜອງ ຕໍ່ຄຳຮ້ອງຂໍຄວາມຄິດເຫັນທາງອີເມວ ແລະທາງໂທລະສັບ ຂອງວີໂອເອ.
ໃນບໍ່ດົນມານີ້, ກົມຕຳຫຼວດນິວຢອກ ຫຼື NYPD ໄດ້ຈ່າຍເງິນ 10 ລ້ານໂດລາ ເພື່ອແກ້ໄຂຄະດີການຟ້ອງຮ້ອງໃນປີ 2021 ທີ່ນັກຂ່າວ ແລະຜູ້ປະທ້ວງ ໄດ້ກ່າວວ່າ ຕໍາຫຼວດ ໄດ້ທຳຮ້າຍຮ່າງກາຍ ແລະຈັບກຸມພວກເຂົາ ໂດຍບໍ່ມີເຫດຜົນໃນລະຫວ່າງການປະທ້ວງເພື່ອຄວາມຍຸຕິທໍາທາງສັງຄົມ ຕໍ່ ຈອຈ ຟລອຍ (George Floyd) ໃນປີ 2020.
ທ່ານ ມິກີ ອອສເຕີໄຮເຊີ (Mickey Osterreicher), ຈາກສະມາຄົມນັກຖ່າຍຮູບຂອງການຂ່າວແຫ່ງຊາດ ກ່າວຜ່ານທາງຊູມ ວ່າ:
"ມັນບໍ່ພຽງແຕ່ເປັນການແກ້ໄຂຂໍ້ຂັດແຍ້ງທາງດ້ານການເງິນເທົ່ານັ້ນ, ແຕ່ພວກເຮົາສະແຫວງຫາການບັນເທົາທຸກ ທີ່ເປັນທຳ. ພວກເຮົາຕ້ອງການໃຫ້ຕຳຫຼວດ ເຮັດສິ່ງຕ່າງໆ ແລະປ່ຽນນະໂຍບາຍຂອງເຂົາເຈົ້າ ແລະປ່ຽນການຝຶກອົບຮົມ ຢ່າງໜ້ອຍທີ່ສຸດ ກໍແມ່ນກ່ຽວກັບການປະຕິບັດຕໍ່ນັກຂ່າວ.”
ຄວາມຂັດແຍ້ງ ລະຫວ່າງ ຕຳຫຼວດ ແລະ ນັກຂ່າວ ທັງຫຼາຍເຫຼົ່ານີ້ ໃນລະຫວ່າງການປະທ້ວງ ບໍ່ໄດ້ເກີດຂຶ້ນສະເພາະແຕ່ຢູ່ໃນສະຫະລັດ ເທົ່ານັ້ນ. ອົງການ UNESCO ພົບວ່າ ການລາຍງານການປະທ້ວງຢູ່ທຸກບ່ອນໃນໂລກ ແມ່ນເປັນວຽກນຶ່ງທີ່ເປັນອັນຕະລາຍທີ່ສຸດສຳລັບນັກຂ່າວ. U-N ກ່າວຕື່ມວ່າ ກຳລັງຕຳຫຼວດແມ່ນເປັນພາກສ່ວນນຶ່ງທີ່ສຳຄັນຂອງໄພອັນຕະລາຍດັ່ງກ່າວນັ້ນ ທີ່ບັນດານັກຂ່າວ ປະເຊີນ.
ອ່ານລາຍງານເປັນພາສາອັງກິດຂ້າງລຸ່ມນີ້:
The Israel-Hamas war protests have led to rising conflicts between police and the press throughout the United States. Both police and reporters go to protests with jobs to do. But journalists say police often prevent them from doing theirs. Robin Guess reports.
As police across the United States shut down protests over the Israel/Hamas war, journalists say they are also being targeted.
Here, four officers detain and handcuff columnist Robin Epley of California’s Sacramento Bee covering protesters during a recent City Council meeting.
Robin Epley, Sacramento Bee Columnist courtesy Zoom:
“This one in particular is so egregious because the people who are doing this to me are the people who are supposed to keep us safe. The police department is supposed to uphold the law. And in reality, what they were doing was breaking it.”
Sacramento police, in an email, blamed Epley for not wearing a newly created city press credential. But Epley and others say police violated a 2021 California law that specifically protects journalists covering protests.
California state Senator Mike McGuire wrote the law in response to the protests over the 2020 police murder of unarmed African American George Floyd. ((end courtesy)) McGuire says at that time, police assaulted and arrested the press for doing their jobs.
Mike McGuire, California State Senator courtesy Zoom:
“In many cases journalists put their own lives on the line to bring all of us at home the story. What we know is SB98 provides some of the strongest press protections in all of America.”
Conflicts between police and journalists during George Floyd protests led to police policy changes in Minnesota, Los Angeles, New York and elsewhere. But the problem persists, according to the U.S. Press Freedom Tracker.
The group’s data show police arrested or detained 36 journalists covering Israel/Hamas demonstrations since October.
Jon Farina, Status Coup Journalist courtesy Zoom:
“What is at stake here is our constitutional rights, our human rights, the First Amendment, freedom of speech, freedom of the press. There is no regard for that from law enforcement.”
Farina shot this video of a journalist knocked down and then arrested by New York police. She’s covering the May protests at Columbia University. He’s captured other instances of New York police assaulting reporters.
The New York Police Department hasn’t responded to VOA’s emailed and phone requests for comment.
NYPD recently paid $10 million to settle a 2021 lawsuit brought by journalists and protesters who say police assaulted and arrested them without cause during 2020’s George Floyd social justice protests.
Mickey Osterreicher, National Press Photographers Association courtesy Zoom:
“It was not only a monetary settlement, but we sought equitable relief. We wanted the police to do things and change their policies and change their training regarding how at least journalists were treated.”
These police and press conflicts during protests aren’t unique to the U.S. UNESCO finds that covering protests anywhere in the world is one of a journalist's most dangerous assignments. The U-N adds, police forces are a critical part of that danger journalists face.