ທ່ານ Leonard Cohen ນັກຮ້ອງທີ່ມີສຽງແຫບໆ ທີ່ເປັນນັກປະພັນເພງໄດ້ເຖິງແກ່ມໍລະ ນະກຳແລ້ວ. ທ່ານມີອາຍຸ 82 ປີ.
ລູກຊາຍຂອງທ່ານ ຄືທ່ານ Adam ໄດ້ກ່າວຢູ່ໃນຖະແຫລງການວ່າ “ພໍ່ຂອງຂ້າພະເຈົ້າໄດ້ເສຍຊີວິດໄປແລ້ວດ້ວຍຄວາມສະຫງົບ ທີ່ບ້ານພັກຂອງທ່ານໃນນະຄອນ Los Angeles. ທ່ານໄດ້ປະພັນ ຈົນຮອດນາທີສຸດທ້າຍຂອງທ່ານ ດ້ວຍຄວາມຕະຫລົກຄົບຂັນພິເສດ.”
ສາເຫດການເສຍຊີວິດບໍ່ໄດ້ເປັນທີ່ຈະແຈ້ງໂດຍທັນທີເທື່ອ.
ອາລະບ້ຳຫລ້າສຸດຫວ່າງມໍ່ໆມານີ້ “ເຈົ້າຢາກໃຫ້ມັນດຳກວ່າເກົ່າບໍ" ໄດ້ນຳອອກເຜີຍແຜ່ ເມື່ອເດືອນແລ້ວນີ້.
ເພງຂອງທ່ານ Cohen ທີ່ຮູ້ກັນດີທີ່ສຸດໄດ້ແກ່ “Hallelujah” ທີ່ໄດ້ກາຍມາເປັນພື້ນຖານ ການຮ້ອງ ຢູ່ໃນສະພາບການຕ່າງໆ ຮວມທັງການສະແດງໃນລາຍການຄວາມຈິງ ຮູບເງົາຕ່າງໆ ພິທີແຕ່ງງານ ລາຍການໂທລະພາບ YouTube ວີດີໂອ ພິທີສົ່ງສະການ ແລະບັນ ດາຄອນເສີດຂອງໂຮງຮຽນມັດທະຍົມ. ເພງດັ່ງກ່າວໄດ້ຮ້ອງຢູ່ໃນພິທີມອບລາງວັນ Emmy ປີ 2016 ໂດຍ Tori Kelly ໃນການສະແດງຮັບຮູ້ປະຈຳປີຂອງບັນດານັກສິນລະປີນ ຜູ້ທີ່ໄດ້ເສຍຊີວິດໄປຫວ່າງມໍ່ໆມານີ້.
ພາບບັນທຶກ ທ່ານ Leonard Cohen ຢືນຢູ່ເທິ່ງເວລທີ ໃນພິທີ the Rock and Roll ວັນທີ 10 ເດືອນມີນາ ປີ 2008 ທີ່ນະຄອນ New York.
ເພງອຶ່ນໆທີ່ທ່ານໄດ້ປະພັນແມ່ນຮວມທັງ “Suzanne,” Bird on the Wire,” Hey, That’s No Way to Say Good-bye,” ແລະ “So long Marianne.”
ທ່ານ Cohen ໄດ້ກ່າວຕໍ່ຜູ້ສຳພາດວ່າ ທ່ານໄດ້ພົວພັນກັບດົນຕີ ເພາະວ່າທ່ານບໍ່ສາມາດຫາກິນ ກັບການເປັນນັກຂຽນກາບກອນ. ທ່ານໄດ້ເປັນນັກສຶກສາທີ່ມະ ຫາວິທະຍາໄລ McGill ເວລາປື້ມກາບກອນຫົວທຳອິດຂອງທ່ານ “Let Us Compare Mythologies” ໄດ້ຖືກພິມເຜີຍແຜ່ທີ່ໄດ້ຮັບຄວາມນິຍົມ. ຫລັງຈາກນັ້ນໄດ້ມີປື້ມກາບກອນຫລາຍໆຫົວ ແລະນິຍາຍທີ່ຂຽນອອກມາ.
ທ່ານ Leonard Cohen, ຊ້າຍ, ສະແດງຮ່ວມກັບ ນັກຫລິ້ນກິຕ້າ Xavier Mas ທີ່ໂຮງມະຫໍລະສົບ Beacon.
ທ່ານໄດ້ເລີ້ມສະແດງຮ້ອງເພງທີ່ທ່ານແຕ່ງໃນຕອນທ້າຍຊຸມປີ 1960. ສຽງຮ້ອງທີ່ມີຄວາມແຕກຕ່າງຂອງທ່ານ ທີ່ລົງເລິກກວ່າເກົ່າເວລາທ່ານມີອາຍຸສູງຂຶ້ນ ເຮັດໃຫ້ທ່ານແຕກຕ່າງຈາກຈິນຕະກະວີອື່ນໆຂອງຍຸກສະໄໝ ຜູ້ຊຶງໄດ້ເລີ້ມບັນທຶກ ເພງຕ່າງໆຂອງທ່ານນຳດ້ວຍ.