ສະໝັກເປັນປະທານາທິບໍດີ 2 ຄົນຂອງພັກເດໂມແຄຣັດຄືອະ
ດີດລັດຖະມົນຕີກະຊວງການຕ່າງປະເທດ ທ່ານນາງ Hillary
Clinton ແລະສະມາຊິກສະພາສູງ ຈາກລັດ Vermont ທ່ານ
Bernie Sanders ໄດ້ໂຕ້ວາທີກັນອີກເທື່ອນຶ່ງໃນແລງວັນພະ
ຫັດວານນີ້ທີ່ເມືອງ Milwaukee ໃນລັດ Wisconsin ຂະນະ
ທີ່ການແຂ່ງຂັນເພື່ອເຂົ້າໄປຄອບຄອງທຳນຽບຂາວຂອງພວກ
ທ່ານ ກ້າວເຂົ້າສູ່ບາດລ້ຽງໃໝ່.
ທ່ານນາງ Clinton ທີ່ໄດ້ມີການກ່າວອ້າງ ມາເປັນເວລາ ນຶ່ງປີ
ກວ່າແລ້ວວ່າເປັນຜູ້ສະໝັກທີ່ສຳຄັນສຸດຂອງພັກເດໂມແຄຣັດ
ແລະເກືອບເປັນທີ່ແນ່ນອນແລ້ວວ່າ ຈະໄດ້ຖືກແຕ່ງຕັ້ງໃຫ້ເປັນ
ຜູ້ຕາງໜ້າຂອງພັກ. ແຕ່ວ່າ ທ່ານນາງໄດ້ເອົາຊະນະ ທ່ານ Sanders ຢ່າງຫວຸດຫວິດໃນ
ການປະຊຸມຄັດເລືອກຂອງພັກທີ່ລັດໄອໂອວາແລະເສຍໄຊຢ່າງບໍ່ເປັນທ່າໃນການເລືອກ
ຕັ້ງຂັ້ນຕົ້ນ ທີ່ລັດ New Hampshire.
ທ່ານ Sanders ທີ່ປະກາດຕົນເອງ ເປັນຜູ້ສະໝັກຫົວສັງຄົມນິຍົມຂອງພັກເດໂມແຄຣັດ
ນັ້ນ ໄດ້ຮັບຄະແນນສຽງສະໜັບສະໜຸນຢ່າງຫລວງຫຼາຍ ຈາກພວກຜູ້ມີສິດປ່ອນບັດໜຸ່ມ
ນ້ອຍແລະບໍ່ສາມາດທີ່ຈະຖືວ່າເປັນຜູ້ສະໝັກທີ່ບໍ່ສຳຄັນອີກຕໍ່ໄປແລ້ວ. ແຕ່ມັນກໍຈະເປັນ
ການທ້າທາຍສຳລັບທ່ານທີ່ຈະສືບຕໍ່ຮັກສາແຮງກະຕຸກຊຸກຍູ້ທີ່ທ່ານໄດ້ຮັບໃນການໂຄສະ
ນາຫາສຽງທີ່ຍັງອີກໄກຢູ່ຂ້າງໜ້າ.
ໃນວັນພະຫັດວານນີ້ ທ່ານນາງ Clinton ໄດ້ຮັບການສະໜັບສະໜຸນຈາກກຸ່ມການເມືອງ
ທີ່ຊອກຫາເງິນທຶນໃຫ້ແກ່ Black Caucus ທີ່ຕາງໜ້າໃຫ້ບັນດາສະມາຊິກລັດຖະສະພາ
ອາເມຣິກັນເຊື້ອສາຍອາຟຣິກາ.
Your browser doesn’t support HTML5
US Politics