ສື່ຂອງລັດຖະບານຈີນ ໄດ້ຊົມເຊີຍການຕັດສິນໃຈຂອງພັກຄອມ
ມິວນີສຈີນ ທຳການສືບສວນຄະດີ ສໍ້ລາດບັງຫລວງ ຕໍ່ນັກການ
ເມືອງບຳນານຂ້ັນສູງ ທ່ານ ໂຈ ຢົງກາງ (Zhou Yongkang)
ພັກໄດ້ປະກາດໃນຕອນແລງວັນອັງຄານວານນີ້ວ່າ ຕົນກຳລັງສືບ
ສວນ ທ່ານ ໂຈ ອະດີດຫົວໜ້າໃຫຍ່ຝ່າຍຮັກສາຄວາມປອດໄພ
ຂອງຈີນ ກ່ຽວກັບ “ການລະເມີດທາງວິໄນ ທີ່ຮ້າຍແຮງ” ແຕ່ບໍ່ໄດ້
ລະບຸອອກມາຢ່າງເຈາະຈົງ.
ທ່ານ ໂຈ ອາຍຸ 71 ປີ ທີ່ໄດ້ອອກບຳນານໃນປີ 2012 ເຄີຍເປັນສະມາຊິກໃນ ຄະນະກຳມະການກົມການເມືອງສູນກາງພັກ ຊຶ່ງເປັນອົງກອນປົກຄອງສູງສຸດຂອງຈີນ.
ການສືບສວນດັ່ງກ່າວແມ່ນເປັນການແຍກອອກຈາກ ກົດລະບຽບທີ່ບໍ່ໄດ້ຂຽນໄວ້ ແຕ່ປະຕິ
ບັດກັນ ມາເປັນເວລາດົນນານ ທີ່ວ່າ ບັນດາຜູ້ນຳຂັ້ນສູງຂອງຈີນ ຈະຖືກຍົກເວັ້ນຈາກການ
ລົງໂທດໃນທຳນອງນີ້.
ທ່ານ Zhang Lifan ນັກປະຫວັດສາດຈີນແລະວິເຄາະການເມືອງເອກະລາດ ກ່າວວ່າ :
“ເພາະວ່າ ການປາບປາມການສໍ້ລາດບັງຫລວງ ເປັນການຕໍ່ສູ້ເພື່ອສາເຫດທີ່ສຳຄັນ ມັນກໍສາມາດໄດ້ຮັບຄວາມເຫັນດີຈາກສາທາລະນະຊົນໄດ້ໂດຍງ່າຍ. ຫລາຍໆຄົນແມ່ນນຳ ໃຊ້
ຍຸດທະສາດ ກຳຈັດຄູ່ແຂ່ງທາງການເມືອງຂອງຕົນ ໃນນາມຂອງການປາບປາມການສໍ້ລາດບັງຫລວງ. ຢູ່ໃນລະບົບບ່ອນມີການສໍ້ລາດບັງຫລວງ ຢູ່ທົ່ວໄປ ໃນບັນດາເຈົ້າໜ້າທີ່ຂັ້ນສູງຂອງລັດຖະບານນັ້ນ ທ່ານກໍຕ້ອງການພຽງແຕ່ແນໃສ່ ແລ້ວກໍຍິງເທົ່ານັ້ນ ແລະ ທ່ານຈະຕ້ອງຍິງຖືກຜູ້ໃດຜູ້ນຶ່ງ ຢ່າງແນ່ນອນ ເພາະວ່າບໍ່ວ່າບ່ອນໃດກໍຕາມທີ່ທ່ານແນໄປໃສ່ນັ້ນ ແມ່ນມີການສໍ້ລາດບັງຫລວງ.”
Your browser doesn’t support HTML5
CHINA CORRUPTION VOSOT
ທ່ານ Zhou ເປັນເຈົ້າໜ້າທີ່ຂັ້ນສູງສຸດ ທີ່ຈະໄດ້ຖືກດຶງລົງມາຢ່າງອັບອາຍຂາຍໜ້າ. ການຕົກຕຳ່ລົງຂອງທ່ານນັ້ນ ໄດ້ເປັນທີ່ຄາດກັນໄວ້ ນັບຕັ້ງແຕ່ຜູ້ຮ່ວມງານກັບທ່ານຫລາຍຄົນ ແລະສະມາຊິກຄອບຄົວ ໄດ້ເປັນເປົ້າໝາຍໃນບໍ່ເທົ່າໃດເດືອນທີ່ຜ່ານມາ.
ທ່ານ ເປັນພັນທະມິດ ທີ່ໃກ້ຊິດກັບທ່ານ Bo Xilai ອະດີດສະມາຊິກກໍາມະການກົມການເມືອງສູນກາງພັກ ທີ່ໄດ້ຮັບຄວາມອັບອາຍຂາຍໜ້າ ແລະໄດ້ຖືກຕັດສິນລົງໂທດຕິດຄຸກ ຕະຫລອດຊີວິດ ໃນປີແລ້ວນີ້ ໃນຂໍ້ຫາຮັບສິນບົນ ຍັກຍອກເງິນ ແລະໃຊ້ອຳນາດເກີນຂອບເຂດ.