ທ່ານຈາງ ຊຽງເສິນ ຜູ້ແທນຖາວອນຂອງທາງການຈີນ
ໃນອົງການການຄ້າໂລກ (WTO) ແລະ ປະທານຄະນະ
ປະຕິບັດງານເພື່ອການພິຈາລະນາກ່ຽວກັບການຂໍເຂົ້າ
ໄປເປັນສະມາຊິກໃນ WTO ຂອງລາວໄດ້ຖະແຫລງຢືນ
ຢັນໃນໂອກາດທີ່ໄດ້ພົບປະເຈລະຈາຮ່ວມກັນກັບທ່ານ
ທອງລຸນ ສີສຸລິດ ຮອງນາຍົກລັດຖະມົນຕີ ແລະລັດຖະ
ມົນຕີວ່າການຕ່າງປະເທດຢູ່ນະຄອນວຽງຈັນເມື່ອບໍ່ນານ
ມານີ້ວ່າ ໃນຖານະຜູ້ແທນຂອງລັດຖະບານຈີນນັ້ນ ຈະ
ໃຫ້ການສະໜັບສະໜຸນ ແລະຊ່ວຍເຫລືອລາວຢ່າງສຸດ
ກຳລັງ ເພື່ອໃຫ້ເຂົ້າໄປເປັນສະມາຊິກຂອງ WTO ໃຫ້
ໄວທີ່ສຸດເທົ່າທີ່ຈະເປັນໄປໄດ້.
ສ່ວນໃນຖານະປະທານຄະນະປະຕິບັດງານທີ່ຮັບຜິດ
ຊອບກ່ຽວກັບການພິຈາລະນາຄຳຮ້ອງຂອງລັດຖະບານ
ລາວ ໃນການຂໍເຂົ້າໄປເປັນສະມາຊິກຂອງ WTO ນັ້ນ
ທ່ານຈາງກໍເນັ້ນຢ້ຳວ່າ ການປະສານງານຮ່ວມກັບຄະນະ
ຜູ້ຕາງໜ້າຂອງລັດຖະບານລາວໃນໄລຍະທີ່ຜ່ານມານັ້ນ
ກໍປາກົດວ່າ ມີຄວາມຄືບໜ້າເປັນຢ່າງດີໃນຫຼາຍດ້ານ ໂດຍສະເພາະແມ່ນການພັດທະນາ-ປັບປູງທາງດ້ານກົດ
ໝາຍຂອງລາວນັ້ນ ຄືວ່າໄດ້ຮັບການຍອມຮັບຈາກບັນດາປະເທດສະມາຊິກຂອງ WTO
ຫຼາຍຂຶ້ນນັບມື້.
ທ່ານນາມ ວິຍາເກດ ລັດ ຖະມົນຕີກະຊວງອຸສາຫະ ກໍາແລະການຄ້າຂອງລາວ
ຊຶ່ງຈະເຫັນໄດ້ຈາກການທີ່ລາວໄດ້ບັນລຸຂໍ້ຕົກລົງວ່າດ້ວຍ
ການຄ້າແບບທະວິພາຄີຫຼືສອງຝ່າຍຮ່ວມກັບຢີ່ປູ່ນ, ເກົາ
ຫລີໃຕ້, ແຄນາດາ, ແລະຈີນ ສ່ວນໃນປັດຈຸບັນກໍຍັງຢູ່ໃນ
ລະຫວ່າງການເຈລະຈາຮ່ວມກັບສະຫະພາບຢູໂຣບແລະ
ສະຫະລັດອາເມລິກາ.
ແຕ່ຢ່າງໃດກໍຕາມກ່ອນໜ້ານີ້ ທ່ານນາມ ວິຍາເກດ ລັດ
ຖະມົນຕີວ່າການກະຊວງອຸດສາຫະກຳແລະການຄ້າກໍ
ໄດ້ຖະແຫລງຍອມຮັບວ່າເງືອນໄຂສຳຄັນທີ່ສຸດປະການ
ໜຶ່ງທີ່ຈະເປັນປັດໃຈຕັດສິນວ່າ ລາວຈະໄດ້ຮັບການຮັບ
ຮອງໃຫ້ເຂົ້າໄປເປັນສະມາຊິກ WTO ເມື່ອໃດນັ້ນ ກໍຄືການທີ່ຈະຕ້ອງພິສູດໃຫ້ສະມາຊິກ
ເຫັນຢ່າງຈະ ແຈ້ງວ່່າ ລາວໄດ້ບັງຄັບໃຊ້ກົດໝາຍຄຸ້ມຄອງຊັບສິນທາງປັນຍາຢ່າງມີປະສິດ
ທິພາບຢ່າງແທ້ຈິງ ແລະໄດ້ມາດຕະຖານສາກົນອີກດ້ວຍດັ່ງທີ່ທ່ານນາມໄດ້ຖະແຫລງເນັ້ນ
ຢໍ້າວ່າ:
ຄະນະຜູ້ແທນລາວ ທີ່ໄປເຈລະຈາ ເລື້ອງການເຂົ້າເປັນສະມາຊິກອົງ ການການຄ້າໂລກຄັ້ງທີ 6 ທີ່ສະວິສ ເຊີແລນດ໌ໃນເດືອນກັນຍາ 2010
“ບັນຫາເລື້ອງຊັບສິນທາງປັນຍາເປັນຂໍ້ສົນໃຈຂອງບັນດາປະເທດສະມາຊິກອົງການ ການຄ້າໂລກ ສະນັ້ນ ທີພວກເຮົາມີກົດໝາຍແລ້ວ ພວກເຮົາກໍຍັງຕ້ອງການມີດໍາລັດເພື່ອເຮັດແນວໃດໃຫ້ ມັນເປັນທີ່ຮອງຮັລໄດ້ ໂດຍສະເພາະແມ່ນການເຊື່ອມໂຍງກັບສາກົນນັ້ນ ເຂົາກໍຍັງເຫັນວ່າມີບາງຈຸດທີ່ພວກເຮົາຄວນຈະໄດ້
ປັບປຸງຕື່ມ ຊຶ່ງບາງຈຸດດັ່ງກ່າວນັ້ນ ໃນກົດ
ໝາຍຂອງພວກເຮົາ ກະໄດ້ເວົ້າຢູ່ແຕ່ມັນບໍ່
ທັນລະອຽດຊຶ່ງພວກເຈົ້າຢາກໃຫ້ພວກເຮົາ
ຊີ້ແຈງແລະຄວນປັບປຸງໃຫ້ມັນລະອຽດ”
ຄະນະຜູ້ແທນຂອງລາວພາຍໃຕ້ການນຳຂອງ
ທ່ານນາມໄດ້ທຳການເຈລະຈາຄັ້ງທີ 6
ຮ່ວມກັບຄະນະຜູ້ຕາງໜ້າຖາວອນປະຈຳອົງການການຄ້າໂລກທີ່ກຸງເຈນີວາ ປະເທດເສີ
ວິດເສີແລນເມື່ອທ້າຍເດືອນກັນຍາ ປີທີ່ຜ່ານມາ ຊຶ່ງທ່ານນາມກໍໄດ້ໃຫ້ການຢືນຢັນວ່າ ໄດ້
ຮັບຜົນທີ່ຄືບໜ້າເປັນຢ່າງດີໃນຫຼາຍດ້ານ ໂດຍສະເພາະແມ່ນການພັດທະນາລະບົບກົດ
ໝາຍດ້ານການຄ້າແລະ ພາສີໃນລາວນັ້ນຖືເປັນພາກສ່ວນສຳຄັນທີ່ຄະນະຜູ້ແທນຂອງ
ລັດຖະບານລາວສາມາດເສີມສ້າງຄວາມເຂົ້າໃຈແລະກໍເຮັດໃຫ້ບັນດາປະເທດສະມາຊິກໃນ
ອົງການການຄ້າໂລກໃຫ້ການຍອມຮັບຫຼາຍຂຶ້ນ.
ຫາກແຕ່ກໍຍັງບໍ່ພຽງພໍ ທີ່ຈະເຮັດໃຫ້ລາວໄດ້ຮັບການຮັບຮອງຈາກນາໆຊາດໃຫ້ເຂົ້າໄປ ເປັນປະເທດສະມາຊິກຂອງອົງການການຄ້າໂລກ ເນື່ອງຈາກວ່າທາງການລາວນັ້ນ ຍັງຈະ ຕ້ອງດຳເນີນການພັດທະນາລະບົບກົດໝາຍແລະລະບຽບການທີ່ກ່ຽວກັບການຄ້າການ ລົງທຶນແລະລະບົບພາສີຕ່າງໆເພີ້ມຂຶ້ນອີກ ໂດຍແນໃສ່ການເຮັດໃຫ້ນາໆຊາດ ໃຫ້ການ ຍອມຮັບຫຼາຍຂຶ້ນອີກໃນການເຈລະຈາຄັ້ງທີ 7 ທີ່ຈະມີຂຶ້ນໃນກາງປີ 2011 ນີ້ຕໍ່ໄປໂດຍທາງ ການລາວໄດ້ຢືນຢັນຄຳຮ້ອງເພື່ອຂໍເຂົ້າໄປເປັນສະມາຊິກຂອງ WTO ນັບຕັ້ງແຕ່ປີ 1997 ເປັນຕົ້ນມາ.