ປະທານປະເທດຈີນ ທ່ານ Hu Jintao ໄດ້ຮຽກຮ້ອງໃຫ້ພັກ
ຄອມມິວນິສ ທີ່ປົກຄອງປະເທດ ຢູ່ໃນເວລານີ້ ຈົ່ງປາບປາມ
ການສໍ້າລາດບັງຫຼວງແລະເສີມຂະຫຍາຍການປົກຄອງເພື່ອ
ປ້ອງກັນບໍ່ໃຫ້ເກີດຄວາມແຕກ ແຍກ ໃນຂະນະທີ່ປະເທດສືບ
ຕໍ່ເສັ້ນທາງການພັດທະນາດ້ານເສດຖະກິດ.
ທ່ານ Hu ໄດ້ກ່າວລາຍງານອັນສໍາຄັນທີ່ກຸງປັກກິ່ງ ໃນວັນພະຫັດວານ ນີ້ ທີ່ກອງປະຊຸມໃຫຍ່ຂອງພັກຄອມມິວນິສ ທີ່ຈະສະເຫລີມສະຫລອງ ການເຂົ້າຮັບຕຳແໜ່ງ ຂອງບັນດາຜູ້ນໍາປະເທດຊຸດໃໝ່. ໃນການກ່າວຄຳປາໄສຕໍ່ຜູ້ຕາງໜ້າຫລາຍກວ່າ 2000 ພັນຄົນຈາກທົ່ວປະເທດນັ້ນ ປະທານປະເທດ Hu ໄດ້ຮຽກຮ້ອງໃຫ້ມີການພັດທະນາລະບົບປ້ອງກັນປະເທດຂອງຈີນໃຫ້ທັນສະໄໝ ແລະເສີມສ້າງຈີນໃຫ້ກາຍເປັນມະຫາ ອໍານາດທາງທະເລ. ແຕ່ຂະນະດຽວກັນທ່ານກໍໄດ້ເນັ້ນໜັກອີກວ່າ ປັກກິ່ງສືບຕໍ່ດໍາເນີນນະໂຍບາຍຕ່າງປະເທດແບບສັນຕິ.
ທ່ານກ່າວວ່າ ຈີີນແຜ່ນດີນໃຫຍ່ ແລະເກາະໄຕ້ຫວັນ ຄວນສ້າງຕັ້ງກົນ ໄກສ້າງຄວາມໄວ້ເນື້ອເຊື່ອໃຈດ້ານທະຫານ ແລະບັນລຸຂໍ້ຕົກລົງສັນຕິ ພາບໂດຍຜ່ານການປຶກສາຫາລືກັນ ຊຶ່ງທ່ານກ່າວຢໍ້າວ່າ ຈີນຄັດຄ້ານຕໍ່ ການເຄື່ອນໄຫວໃດໆກໍຕາມ ທີ່ຈະເຮັດໃຫ້ເກາະເປັນເອກກະລາດ. ປັກກິ່ງເນັ້ນໜັກວ່າ ໄຕ້ຫວັນທີ່ປົກຄອງຕົນເອງນັ້ນແມ່ນພາກສ່ວນນຶ່ງຂອງ ເຂດນໍ້າແດນດິນຈີນ ເຖິງແມ່ນວ່າໄດ້ແຍກອອກຈາກກັນມາເປັນເວລາ 60 ກວ່າປີແລ້ວກໍຕາມ.
ໃນຄໍາຖະແຫລງກ່ຽວກັບອະນາຄົດຂອງພັກນັ້ນ ທ່ານ Hu ກ່າວວ່າ ຈີນຈະປະຕິຮູບໂຄງສ້າງທາງດ້ານການເມືອງຂອງຕົນ ເພື່ອໃຫ້ມີ ການ ເປີດກວ້າງແລະເປັນປະຊາທິປະໄຕຫຼາຍຂຶ້ນ ແຕ່ຈະຮຽນແບບລະບົບການເມືອງ ຂອງປະເທດຕາເວັນຕົກໃດໆ.
ໃນລະຫວ່າງກອງປະຊຸມເປັນເວລານຶ່ງອາທິດນັ້ນ ເປັນທີ່ຄາດກັນວ່າ ປະທານປະເທດຈີນ ຜູ້ທີ່ຈະລາອອກຈາກຕໍາແໜ່ງນັ້ນ ຈະມອບໜ້າທີ່ຜູ້ນໍາພັກ ໃຫ້ແກ່ຜູ້ສືບທອດຕໍ່ຈາກທ່ານ
ຄືຮອງປະທານປະເທດ Xi Jinping ຜູ້ທີ່ຈະເຂົ້າຮັບຕໍາແໜ່ງໃນເດືອນມີນາຈະມານີ້.
ຄອມມິວນິສ ທີ່ປົກຄອງປະເທດ ຢູ່ໃນເວລານີ້ ຈົ່ງປາບປາມ
ການສໍ້າລາດບັງຫຼວງແລະເສີມຂະຫຍາຍການປົກຄອງເພື່ອ
ປ້ອງກັນບໍ່ໃຫ້ເກີດຄວາມແຕກ ແຍກ ໃນຂະນະທີ່ປະເທດສືບ
ຕໍ່ເສັ້ນທາງການພັດທະນາດ້ານເສດຖະກິດ.
ທ່ານ Hu ໄດ້ກ່າວລາຍງານອັນສໍາຄັນທີ່ກຸງປັກກິ່ງ ໃນວັນພະຫັດວານ ນີ້ ທີ່ກອງປະຊຸມໃຫຍ່ຂອງພັກຄອມມິວນິສ ທີ່ຈະສະເຫລີມສະຫລອງ ການເຂົ້າຮັບຕຳແໜ່ງ ຂອງບັນດາຜູ້ນໍາປະເທດຊຸດໃໝ່. ໃນການກ່າວຄຳປາໄສຕໍ່ຜູ້ຕາງໜ້າຫລາຍກວ່າ 2000 ພັນຄົນຈາກທົ່ວປະເທດນັ້ນ ປະທານປະເທດ Hu ໄດ້ຮຽກຮ້ອງໃຫ້ມີການພັດທະນາລະບົບປ້ອງກັນປະເທດຂອງຈີນໃຫ້ທັນສະໄໝ ແລະເສີມສ້າງຈີນໃຫ້ກາຍເປັນມະຫາ ອໍານາດທາງທະເລ. ແຕ່ຂະນະດຽວກັນທ່ານກໍໄດ້ເນັ້ນໜັກອີກວ່າ ປັກກິ່ງສືບຕໍ່ດໍາເນີນນະໂຍບາຍຕ່າງປະເທດແບບສັນຕິ.
ທ່ານກ່າວວ່າ ຈີີນແຜ່ນດີນໃຫຍ່ ແລະເກາະໄຕ້ຫວັນ ຄວນສ້າງຕັ້ງກົນ ໄກສ້າງຄວາມໄວ້ເນື້ອເຊື່ອໃຈດ້ານທະຫານ ແລະບັນລຸຂໍ້ຕົກລົງສັນຕິ ພາບໂດຍຜ່ານການປຶກສາຫາລືກັນ ຊຶ່ງທ່ານກ່າວຢໍ້າວ່າ ຈີນຄັດຄ້ານຕໍ່ ການເຄື່ອນໄຫວໃດໆກໍຕາມ ທີ່ຈະເຮັດໃຫ້ເກາະເປັນເອກກະລາດ. ປັກກິ່ງເນັ້ນໜັກວ່າ ໄຕ້ຫວັນທີ່ປົກຄອງຕົນເອງນັ້ນແມ່ນພາກສ່ວນນຶ່ງຂອງ ເຂດນໍ້າແດນດິນຈີນ ເຖິງແມ່ນວ່າໄດ້ແຍກອອກຈາກກັນມາເປັນເວລາ 60 ກວ່າປີແລ້ວກໍຕາມ.
ໃນຄໍາຖະແຫລງກ່ຽວກັບອະນາຄົດຂອງພັກນັ້ນ ທ່ານ Hu ກ່າວວ່າ ຈີນຈະປະຕິຮູບໂຄງສ້າງທາງດ້ານການເມືອງຂອງຕົນ ເພື່ອໃຫ້ມີ ການ ເປີດກວ້າງແລະເປັນປະຊາທິປະໄຕຫຼາຍຂຶ້ນ ແຕ່ຈະຮຽນແບບລະບົບການເມືອງ ຂອງປະເທດຕາເວັນຕົກໃດໆ.
ໃນລະຫວ່າງກອງປະຊຸມເປັນເວລານຶ່ງອາທິດນັ້ນ ເປັນທີ່ຄາດກັນວ່າ ປະທານປະເທດຈີນ ຜູ້ທີ່ຈະລາອອກຈາກຕໍາແໜ່ງນັ້ນ ຈະມອບໜ້າທີ່ຜູ້ນໍາພັກ ໃຫ້ແກ່ຜູ້ສືບທອດຕໍ່ຈາກທ່ານ
ຄືຮອງປະທານປະເທດ Xi Jinping ຜູ້ທີ່ຈະເຂົ້າຮັບຕໍາແໜ່ງໃນເດືອນມີນາຈະມານີ້.