ທະນາຍຄວາມຂອງທ່ານ Ai Weiwei ນັກສິນລະປິນພ້ອມທັງເປັນນັກຄັດຄ້ານ
ລັດຖະບານຈີນ ກ່າວວ່າ ລູກຄວາມຂອງທ່ານ ໄດ້ເສຍໄຊໃນການຂໍອຸທອນ ໃນວັນ
ສຸກມື້ນີ້ ກ່ຽວຂໍ້ຫາບໍ່ຈ່າຍຄ່າປັບໃໝໃນການຫລີກລ້ຽງພາສີຫລາຍລ້ານໂດລາ ຕໍ່ບໍ
ລິສັດທີ່ລາວໄດ້ຕັ້ງຂື້ນມາ.
ທ່ານ Pu Zhiqiang ກ່າວວ່າ ສານຢູ່ໃນເຂດ Chaoyang ຂອງກຸງປັກກິ່ງໄດ້ປະຕິ
ເສດຕໍ່ການອຸທອນ ບໍ່ຢາກຈ່າຍຄ່າປັບໃໝຂອງບໍລິສັດ Fake Cultural
Development Limited ຊຶ່ງເປັນບໍລິສັດຈຳໜ່າຍງານສິນລະປະຂອງທ່ານ Ai ນັ້ນ.
ທ່ານ Ai ໄດ້ໃຫ້ການຕໍ່ບັນດານັກຂ່າວ ທີ່ຫ້ອງການຂອງທ່ານ ໃນກຸງປັກກິ່ງ ວ່າ
ທ່ານມີຄວາມຜິດຫວັງທີ່ສຸດ ຕໍ່ການຕັດສິນຂອງສານ.
ບັນດາຜູ້ສະໜັບສະໜຸນທ່ານ ກ່າວວ່າ ຄະດີດັ່ງກ່າວແມ່ນພາກສ່ວນນຶ່ງ ໃນການດຳ
ເນີນຄວາມພະຍາຍາມຂອງລັດຖະບານເພື່ອປິດປາກປິດສຽງ ຜູ້ຕຳໜິ ຕິຕຽນລັດຖະ
ບານທີ່ມີຊື່ສຽງຄົນນຶ່ງຂອງຈີນ. ທ່ານ Ai ບໍ່ໄດ້ຮັບອະນຸຍາດໃຫ້ເຂົ້າຮ່ວມຟັງຂໍການ
ອຸທອນ ແບບມີການປິດລັບ ທີ່ມີຂື້ນໃນເດືອນມິຖຸນາຜ່ານ ມານີ້.