ບັນດາຄະນະຜູ້ແທນ ຈາກ 57 ປະເທດ ໄປເຕົ້າໂຮມກັນຢູ່ທີ່
ສາລາປະຊາຊົນ ກໍຄືຕຶກສະພາແຫ່ງຊາດ ຂອງປັກກິ່ງ ໃນ
ວັນຈັນມື້ນີ້ ເພື່ອລົງນາມໃນຂໍ້ຕົກລົງຈັດຕັ້ງທະນາຄານໃໝ່
ທີ່ຊື່ວ່າທະນາຄານລົງທຶນດ້ານພື້ນຖານໂຄງລ່າງຂອງເອເຊຍ
ຫຼື AIIB ທີ່ນຳພາໂດຍຈີນ.
ອອສເຕຣເລຍ ເປັນປະເທດທຳອິດ ທີ່ລົງນາມໃນຂໍ້ຕົກລົງ
ຈັດຕັ້ງທະນາ ຄານດັ່ງກ່າວ ຊຶ່ງອອກແບບຂຶ້ນມາ ເພື່ອສະໜອງ
ທຶນກ້ອນໃຫຍ່ ມະຫາສານ ຈຳນວນ 800 ຕື້ໂດລາ ທີ່ເອເຊຍ
ຕ້ອງການໃນແຕ່ລະປີ ສຳຫລັບໂຄງການກໍ່ສ້າງ ຖະໜົນຫົນທາງ,
ທາງລົດໄຟ, ທ່າເຮືອ, ໂທລະຄົມມະນາຄົມ, ພະລັງງານ ແລະ ໂຄງການເຂື່ອນໄຟຟ້າຕ່າງໆ.
ຈີນເປັນຜູ້ສະໜອງທຶນໃຫ້ທະນາຄານ AIIB ເກືອບ 30 ຕື້ໂດລາ ຂອງຖານທຶນ ຈຳນວນ
100 ຕື້ໂດລາຂອງທະນາຄານ ແລະ ຈະເປັນຜູ້ຖືສິດໃນການລົງຄະແນນສຽງ ໃນອັດຕາ
ນຶ່ງສ່ວນສີ່ ໃນທະຄານນັ້ນ. ສ່ວນອິນເດຍ ແລະ ຣັດເຊຍ ເປັນຜູ້ຖືຮຸ້ນ ທີ່ໃຫຍ່ ອັນດັບສອງ
ແລະ ສາມ ຕາມລຳດັບ ຂອງທະນະຄານ.
ຄົນບາງກຸ່ມມອງເຫັນ ທະນະຄານພັດທະນາພື້ນຖານໂຄງລ່າງເອເຊຍ ວ່າ ເປັນຄູ່ແຂ່ງ
ຂອງທະນາຄານໂລກ ແລະ ທະນາຄານພັດທະນາເອເຊຍ. ສະຫະລັດ ແລະ ຍີ່ປຸ່ນ ໄດ້
ປະຕິເສດທີ່ຈະເຂົ້າຮ່ວມທະນະຄານດັ່ງກ່າວ ໂດຍອ້າງເຖິງ ຄວາມກັງວົນກ່ຽວກັບຄວາມ
ໂປ່ງໃສ ຂອງທະນະຄານ ແລະ ການບໍລິຫານທີ່ຍຸດຕິທຳ ພ້ອມທັງຄວາມສາມາດ ຂອງ
ທະນະຄານ ໃນການປະຕິບັດມາດຕະຖານດ້ານສະພາບແວດລ້ອມ ແລະແຮງງານ ທີ່ສູງ.
Your browser doesn’t support HTML5
Asia Infrastructure Bank