ຈີນໄດ້ເຕືອນປະທານາທິບໍດີສະຫະລັດ ທ່ານ Barack Obama ກ່ຽວກັບການພົບປະກັບອົງດາໄລລາມະໂດຍກ່າວວ່າ ມັນອາດຈະທຳລາຍຄວາມໄວ້ເນື້ອເຊື່ອໃຈ ຊຶ່ງກັນແລະກັນ ໃນວັນອັງຄານວານນີ້.
ການພົບປະ ຊຶ່ງມີກຳນົດໃນວັນພຸດມື້ນີ ຈະເປັນການປະຊຸມລັບ ເພື່ອຫລີກລ່ຽງ ບໍ່ຢາກສ້າງຄວາມໂກດແຄ້ນໃຫ້ແກ່ຈີນ ຜູ້ທີ່ມອງອົງດາໄລລາມະວ່າ ເປັນຜູ້ແບ່ງ ແຍກດິນແດນທີ່ເປັນອັນຕະລາຍນັ້ນ.
ປະທານາທິບໍດີ Obama ໄດ້ພົບປະຫລາຍໆຄັ້ງມາແລ້ວ ກັບອົງດາໄລລາມະ ຜູ້ນຳສາສະ ໜາ ຊຶ່ງເປັນທີ່ເຄົາລົບຮັກຂອງຊາວທິເບດ ແລະກ່າວເຖິງພະອົງວ່າ“ເປັນເພື່ອນທີ່ດີ.”
ແຕ່ຈີນຢ້ານກົວວ່າ ມັນຈະເປັນການສົ່ງຂໍ້ຄວາມທີ່ຜິດພາດໄປຫາຊາວທິເບດ.
ໂຄສົກກະຊວງຕ່າງປະເທດຈີນ ທ່ານ Lu Kang ກ່າວຕໍ່ບັນດານັກຂ່າວໃນວັນພຸດມື້ນີ້ວ່າ “ຖ້າຫາກການພົບປະຜ່ານໄປ ມັນຈະສົ່ງສັນຍານທີ່ຜິດພາດໃຫ້ແກ່ກຳລັງແບ່ງແຍກດິນແດນ ທີ່ຢາກໃຫ້ທິເບດເປັນເອກກະລາດ ແລະມັນຈະສ້າງ ຄວາມເສຍຫາຍຕໍ່ຄວາມໄວ້ເນື້ອເຊື່ອໃຈແລະການຮ່ວມມືລະຫວ່າງກັນ.”
ການເຈລະຈາລະຫວ່າງອົງດາໄລລາມະ ແລະລັດຖະບານກາງຈີນ ໄດ້ຢຸດລົງໃນປີ 2010.
ຊາວທິເບດໄດ້ເລືອກເອົານາຍົກລັດຖະມົນຕີເຂົາເຈົ້າ ເຂົ້າຮັບຕຳແໜ່ງຕື່ມອີກໃນເດືອນພຶດສະພາຜ່ານ ແລະຍັງສືບຕໍ່ມີຄວາມຫວັງວ່າ ການເຈລະຈາກັບຈີນກ່ຽວກັບ “ທາງສາຍກາງ” ທີ່ອາດຈະເຮັດໃຫ້ທິເບດສາມາດດຳເນີນການປົກຄອງຄົນເອງໄດ້ນັ້ນ.
ອ່ານຂ່າວນີ້ເພີ້ມເປັນພາສາອັງກິດ
Your browser doesn’t support HTML5
US Tibet Politics