ສະຕີໝາຍເລກນຶ່ງຂອງສະຫະລັດ ທ່ານນາງ Michelle Obama
ໄດ້ໃຊ້ເວລາໃນວັນສຸດສັບປະດາຜ່ານມານີ້ ໄປຢ້ຽມຢາມສະຖານ
ທີ່ທ່ອງທ່ຽວ ທີ່ສຳຄັນບາງແຫ່ງ ໃນກຸງປັກກິ່ງ. ນອກນັ້ນ ທ່ານນາງ
ຍັງໄດ້ກ່າວຄຳປາໄສຕໍ່ພວກນັກສຶກສາທີ່ມະຫາວິທະຍາໄລປັກກິ່ງ ແລະໄປຮ່ວມການຫາລືໂຕະມົນ ກ່ຽວກັບ ເລື່ອງການສຶກສາ. Bill
Ide ຜູ້ສື່ຂ່າວວີໂອເອ ໄດ້ໂອ້ລົມກັບປະຊາຊົນ ໃນປັກກິ່ງຈຳນວນ
ນຶ່ງ ກ່ຽວກັບຄວາມປະທັບໃຈຂອງພວກເຂົາເຈົ້າ ຕໍ່ການຢ້ຽມຢາມ ຂອງສະຕີໝາຍເລກນຶ່ງຂອງສະຫະລັດແລະການສົນທະນາຫາລື
ທາງອິນເຕີແນັດ ກ່ຽວກັບຫຼາຍໆເລື້ອງ ທີ່ໄດ້ມີຂຶ້ນຍ້ອນການຢ້ຽມ ຢາມຂອງທ່ານນາງນັ້ນ ດັ່ງໄພສານ ຈະນຳເອົາລະອຽດມາສະເໜີ
ທ່ານໃນອັນດັບຕໍ່ໄປ.
ທ່ານນາງ Michelle Obama ໄດ້ໄປຢ້ຽມຢາມສະຖານທີ່ທ່ອງທ່ຽວແຫ່ງຕ່າງໆພົບປະ ໂອ້ລົມກັບພວກນັກສຶກສາແລະໃຊ້ເວລາກັບສະຕີໝາຍເລກນຶ່ງຂອງຈີນຊຶ່ງສ່ວນໃຫຍ່ ແລ້ວແມ່ນເພັ່ງເລັງໃສ່ ອັນທີ່ເອີ້ນວ່າ soft diplomacy ຫຼືການທູດແບບໂນ້ມນ້າວຈິດ
ໃຈ. ແຕ່ເລື້ອງການສຶກສາ ວັດທະນະທຳ ແລະແມ່ນກະທັງ ການໂອ້ລົມກັນ ແບບສະ ໜຸກສະໜານມ່ວນຊື່ນ ກ່ຽວກັບເລື່ອງແຟຊັ່ນ ຫຼືເຄື່ອງນຸ່ງ ກັບສະຕີໝາຍເລກນຶ່ງຂອງ
ຈີນ ທ່ານນາງ Peng Liyuan ນັ້ນກໍໄດ້ກໍ່ໃຫ້ເກີດມີການໂອ້ລົມກັນທາງອິນເຕີແນັດ.
ໃນເວັບໄຊ້ທ໌ສື່ສັງຄົມຕ່າງໆນັ້ນ ມີຫລາຍໆຄົນໄດ້ພາກັນວິພາກວິຈານກ່ຽວກັບຄ່າໂຮງ ແຮມລາຄາແພງໆທີ່ກຸງປັກກິ່ງແລະຄ່າໃຊ້ຈ່າຍແບບຟູມເຟືອຍ ກ່ຽວກັບການເດີນທາງ ໄປຢ້ຽມຢາມຂອງທ່ານນາງ.ແຕ່ຢູ່ຕາມຖະໜົນຫົນທາງ ໃນກຸງປັກກິ່ງ ຜູ້ຄົນສ່ວນໃຫຍ່ ແມ່ນຍິນດີຕ້ອນຮັບ ການໄປຢ້ຽມຢາມ ທີ່ໃຊ້ວິທີການທູດ ແບບໂນ້ມນ້າວທາງຈິດໃຈ ແລະການແລກປ່ຽນວັດທະນະທຳຂອງທ່ານນາງ.
ແມ່ຍິງຄົນນີ້ເວົ້າວ່າ “ຈຸດປະສົງ ແລະເປົ້າໝາຍ ໃນການເດີນທາງ ມາຢ້ຽມຢາມ ຂອງທ່ານນາງ ແມ່ນມີຄວາມໝາຍສຳຄັນກວ່າຄ່າໃຊ້ຈ່າຍ. ນີ້ແມ່ນມີຄວາມສຳ ຄັນຫລາຍໄປກວ່າປະຕິສຳພັນລະຫວ່າງສອງຄອບຄົວມັນເປັນການແລກປ່ຽນ ລະຫວ່າງສອງປະເທດ ແລະການທີ່ມີສະຕີີໝາຍເລກນຶ່ງຂອງສອງປະເທດມາ ໂອ້ລົມກັນ ແມ່ນມີຄວາມໝາຍ ຢ່າງເລິກເຊິ່ງ ແລະຊ່ອຍຍົກລະດັບ ຄວາມສຳ
ພັນ ຂຶ້ນໃນຫຼາຍໆດ້ານ ທີ່ແຕກຕ່າງກັນ.”
ໃນການກ່າວຄຳປາໄສ ທີ່ມະຫາວິທະຍາໄລກຸງປັກກິ່ງ ໃນມື້ວັນເສົາຜ່ານມານັ້ນ ທ່ານ
ນາງ Michelle Obama ໄດ້ເວົ້າເຖິງ ຄວາມສຳຄັນ ກ່ຽວກັບສິດເສລີພາບ ໃນການ
ປາກເວົ້າ ຕະຫລອດທັງການສຶກສານຳດ້ວຍ. ໄດ້ມີການນຳຄວາມເຫັນຂອງທ່ານນາງ ອອກເຜີຍແຜ່ຢ່າງກວ້າງຂວາງທາງອິນເຕີແນັດ.
ຈີນແລະສະຫະລັດ ໄດ້ປະເຊີນກັບອຸບປະສັກ ຫຼາຍໆຢ່າງ ໃນຄວາມສຳພັນລະຫວ່າງ ປະເທດທັງສອງ ແລະໄດ້ມີການຄາດຫວັງໄວ້ວ່າ ການຢ້ຽມຢາມໃນເທື່ອນີ້ ຈະເສີມຂະ ຫຍາຍຄວາມສຳພັນສອງຝ່າຍອອກໄປອີກ. ແຕ່ແນວໃດກໍຕາມຢູ່ທີ່ກຸງປັກກິ່ງບາງຄົນ
ເວົ້າວ່າ ຍັງບໍ່ທັນເປັນທີ່ຈະແຈ້ງເທື່ອວ່າ ການຢ້ຽມຢາມໃນຄັ້ງນີ້ຈະມີຜົນຫຼາຍປານໃດ ໃນການຊ່ອຍແກ້ໄຂບັນຫາທ້າທາຍທີ່ສະລັບຊັບຊ້ອນທີ່ປະເທດທັງສອງພວມປະເຊີນ ໜ້າຢູ່ໃນເວລານີ້.
ຜູ້ຊາຍຄົນນີ້ເວົ້າວ່າ “ມັນຈະຊ່ອຍໃນບາງດ້ານ ແຕ່ຂ້ອຍບໍ່ຄິດວ່າການເດີນທາງ ມາຢ້ຽມຢາມຈະມີຜົນຢ່າງຫຼວງຫຼາຍແຕ່ປະການໃດ. ຄວາມສຳພັນລະຫວ່າງ
2 ປະເທດ ບໍ່ຄືກັນກັບຄວາມສຳພັນລະຫວ່າງຄອບຄົວມັນມີຜົນປະໂຫຍດທຸກ ຢ່າງຢູ່ໃນຫັ້ນ, ມັນສະລັບຊັບຊ້ອນຫຼາຍ.”
ແຕ່ແມ່ຍິງອີກຄົນນຶ່ງເວົ້າວ່າ “ມີຄວາມແຕກຕ່າງຂັ້ນພື້ນຖານຫຼາຍຢ່າງຫຼາຍແນວ
ບໍ່ວ່າລະບົບການເມືອງ ສະພາບການພັດທະນາດ້ານເສດຖະກິດຂອງປະເທດ ທັງສອງ. ທຸກໆຢ່າງ ແມ່ນແຕກຕ່າງກັນໝົດ ແມ່ນແຕ່ວິທີ ທີ່ພວກເຮົາຄິດ. ຈີນ ແມ່ນປະເທດ ທີ່ເຊື່ອຖືໃນເລື່ອງຈາຮີດປະເພນີແບບດັ້ງເດີມ.”
ແຕ່ເຖິງແມ່ນມີບາງຄົນ ທີ່ເຫັນວ່າ ວັດທະນະທຳ ເປັນອຸບປະສັກກໍຕາມ ຄົນອື່ນໆກັບ
ເຫັນວ່າ ການຢ້ຽມຢາມຂອງທ່ານນາງ Michelle Obama ຄັ້ງນີ້ ແມ່ນເພື່ອເສີມສ້າງ ຄວາມເຂົ້າອົກເຂົ້າໃຈລະຫວ່າງປະເທດທັງສອງ ທີ່ຍັງມີຄວາມລະແວງຕໍ່ກັນແລະກັນ ຢູ່ນັ້ນ.
ຜູ້ຊາຍອີກຄົນນຶ່ງກ່າວວ່າ “ຕາບໃດ ທີ່ທັງສອງຝ່າຍ ຕ່າງຍັງມີຄວາມຢ້ານກົວຊຶ່ງ ກັນແລະກັນຢູ່ ຕາບນັ້ນ ກໍຍັງຈະບໍ່ມີຄວາມເຊື່ອໃຈກັນແລະນັ້ນທີ່ຈິງແລ້ວເປັນ
ເລື້ອງທີ່ບໍ່ຈຳເປັນເລີຍ.”
ທ່ານນາງ Michelle Obama ທີ່ເດີນທາງໄປຢ້ຽມຢາມປະເທດຈີນ ພ້ອມດ້ວຍລູກສາວ
ທັງສອງແລະມານດາຂອງທ່ານນາງນັ້ນ ໄດ້ພົບປະກັບປະທານປະເທດຈີນທ່ານສີ ຈິ້ງ ຜິງໃນສັບປະດາແລ້ວນີ້ແລະໄດ້ໄປຢ້ຽມຢາມສະຖານທີ່ທ່ອງທ່ຽວສຳຄັນໆຕ່າງໆ ເຊັ່ນ
ກຳແພງເມືອງຈີນແລະພະລາດຊະວັງເກົ່າຂອງພະເຈົ້າຈັກກະພັດທີ່ເອີ້ນວ່າເມືອງຕ້ອງ
ຫ້າມ ຫລື Forbidden City ນັ້ນ.
ໃນມື້ວັນຈັນຜ່ານມານີ້ ທ່ານນາງ Michelle Obama ໄດ້ໄປຢ້ຽມຢາມພິພິດທະພັນໃຕ້
ດິນ ບ່ອນເກັບຮັກສາ ຮູບປັ້ນນັກລົບ ທີ່ເມືອງສີອານ ຊຶ່ງເປັນບ່ອນທ່ອງທ່ຽວ ທີ່ໄດ້ຮັບ
ຄວາມນິຍົມສູງສຸດແຫ່ງນຶ່ງຂອງຈີນ. ຫລັງຈາກນັ້ນ ຄອບຄົວຂອງສະຕີີໝາຍເລກນຶ່ງກໍ
ໄດ້ເດີນທາງຕໍ່ໄປຍັງເມືອງ Chengdu ເພື່ອ ພົບປະເພີ້ມຕື່ມ ກັບພວກນັກຮຽນຈີນ.
ຈີນ ເປັນປະເທດທີ່ມີການກົດຂີ່ຮ້າຍແຮງທີ່ສຸດ ປະເທດນຶ່ງໃນໂລກ ກ່ຽວກັບເສລີພາບ
ໃນການປາກເວົ້າ ການກົດຂີ່ປາບປາມພວກຄັດຄ້ານລັດຖະບານ ການກີດກັ້ນບໍ່ໃຫ້ຜູ້ ຄົນເຂົ້າໄປອ່ານຂ່າວສານ ແລະເຂົ້າໄປເບິ່ງເວັບໄຊ້ທ໌ຕ່າງໆຕະຫຼອດທັງການກວດກາ
ຂ່າວທາງອິນເຕີແນັດ ທີ່ປັກກິ່ງບໍ່ເຫັນພ້ອມນຳນັ້ນ.
ນອກນັ້ນ ສະຫະລັດຍັງໄດ້ຕຳໜິຕິຕຽນຈີນເປັນປະຈຳໃນການປະພຶດປະຕິບັດຕໍ່ຊາວ
ທິເບດ ແລະຊາວມຸສລິມວີເກີ້ທີ່ພາກັນຈົ່ມທຸກວ່າ ລັດຖະບານໄດ້ປະຫັດປະຫານແລະ
ຈຳກັດຮັດແຄບການປະຕິບັດສາສະໜາກິດຂອງພວກເຂົາເຈົ້າ.
ທ່ານນາງ Michelle Obama ເດີນທາງກັບຄືນ ມາຍັງສະຫະລັດ ໃນວັນພຸດມື້ນີ້.
ໄດ້ໃຊ້ເວລາໃນວັນສຸດສັບປະດາຜ່ານມານີ້ ໄປຢ້ຽມຢາມສະຖານ
ທີ່ທ່ອງທ່ຽວ ທີ່ສຳຄັນບາງແຫ່ງ ໃນກຸງປັກກິ່ງ. ນອກນັ້ນ ທ່ານນາງ
ຍັງໄດ້ກ່າວຄຳປາໄສຕໍ່ພວກນັກສຶກສາທີ່ມະຫາວິທະຍາໄລປັກກິ່ງ ແລະໄປຮ່ວມການຫາລືໂຕະມົນ ກ່ຽວກັບ ເລື່ອງການສຶກສາ. Bill
Ide ຜູ້ສື່ຂ່າວວີໂອເອ ໄດ້ໂອ້ລົມກັບປະຊາຊົນ ໃນປັກກິ່ງຈຳນວນ
ນຶ່ງ ກ່ຽວກັບຄວາມປະທັບໃຈຂອງພວກເຂົາເຈົ້າ ຕໍ່ການຢ້ຽມຢາມ ຂອງສະຕີໝາຍເລກນຶ່ງຂອງສະຫະລັດແລະການສົນທະນາຫາລື
ທາງອິນເຕີແນັດ ກ່ຽວກັບຫຼາຍໆເລື້ອງ ທີ່ໄດ້ມີຂຶ້ນຍ້ອນການຢ້ຽມ ຢາມຂອງທ່ານນາງນັ້ນ ດັ່ງໄພສານ ຈະນຳເອົາລະອຽດມາສະເໜີ
ທ່ານໃນອັນດັບຕໍ່ໄປ.
Your browser doesn’t support HTML5
ຟັງລາຍງານ ສະຕີ ໝາຍເລກນຶ່ງ ສຫລ ຢ້ຽມຢາມຈີນ
ທ່ານນາງ Michelle Obama ໄດ້ໄປຢ້ຽມຢາມສະຖານທີ່ທ່ອງທ່ຽວແຫ່ງຕ່າງໆພົບປະ ໂອ້ລົມກັບພວກນັກສຶກສາແລະໃຊ້ເວລາກັບສະຕີໝາຍເລກນຶ່ງຂອງຈີນຊຶ່ງສ່ວນໃຫຍ່ ແລ້ວແມ່ນເພັ່ງເລັງໃສ່ ອັນທີ່ເອີ້ນວ່າ soft diplomacy ຫຼືການທູດແບບໂນ້ມນ້າວຈິດ
ໃຈ. ແຕ່ເລື້ອງການສຶກສາ ວັດທະນະທຳ ແລະແມ່ນກະທັງ ການໂອ້ລົມກັນ ແບບສະ ໜຸກສະໜານມ່ວນຊື່ນ ກ່ຽວກັບເລື່ອງແຟຊັ່ນ ຫຼືເຄື່ອງນຸ່ງ ກັບສະຕີໝາຍເລກນຶ່ງຂອງ
ຈີນ ທ່ານນາງ Peng Liyuan ນັ້ນກໍໄດ້ກໍ່ໃຫ້ເກີດມີການໂອ້ລົມກັນທາງອິນເຕີແນັດ.
ໃນເວັບໄຊ້ທ໌ສື່ສັງຄົມຕ່າງໆນັ້ນ ມີຫລາຍໆຄົນໄດ້ພາກັນວິພາກວິຈານກ່ຽວກັບຄ່າໂຮງ ແຮມລາຄາແພງໆທີ່ກຸງປັກກິ່ງແລະຄ່າໃຊ້ຈ່າຍແບບຟູມເຟືອຍ ກ່ຽວກັບການເດີນທາງ ໄປຢ້ຽມຢາມຂອງທ່ານນາງ.ແຕ່ຢູ່ຕາມຖະໜົນຫົນທາງ ໃນກຸງປັກກິ່ງ ຜູ້ຄົນສ່ວນໃຫຍ່ ແມ່ນຍິນດີຕ້ອນຮັບ ການໄປຢ້ຽມຢາມ ທີ່ໃຊ້ວິທີການທູດ ແບບໂນ້ມນ້າວທາງຈິດໃຈ ແລະການແລກປ່ຽນວັດທະນະທຳຂອງທ່ານນາງ.
ແມ່ຍິງຄົນນີ້ເວົ້າວ່າ “ຈຸດປະສົງ ແລະເປົ້າໝາຍ ໃນການເດີນທາງ ມາຢ້ຽມຢາມ ຂອງທ່ານນາງ ແມ່ນມີຄວາມໝາຍສຳຄັນກວ່າຄ່າໃຊ້ຈ່າຍ. ນີ້ແມ່ນມີຄວາມສຳ ຄັນຫລາຍໄປກວ່າປະຕິສຳພັນລະຫວ່າງສອງຄອບຄົວມັນເປັນການແລກປ່ຽນ ລະຫວ່າງສອງປະເທດ ແລະການທີ່ມີສະຕີີໝາຍເລກນຶ່ງຂອງສອງປະເທດມາ ໂອ້ລົມກັນ ແມ່ນມີຄວາມໝາຍ ຢ່າງເລິກເຊິ່ງ ແລະຊ່ອຍຍົກລະດັບ ຄວາມສຳ
ພັນ ຂຶ້ນໃນຫຼາຍໆດ້ານ ທີ່ແຕກຕ່າງກັນ.”
ໃນການກ່າວຄຳປາໄສ ທີ່ມະຫາວິທະຍາໄລກຸງປັກກິ່ງ ໃນມື້ວັນເສົາຜ່ານມານັ້ນ ທ່ານ
ນາງ Michelle Obama ໄດ້ເວົ້າເຖິງ ຄວາມສຳຄັນ ກ່ຽວກັບສິດເສລີພາບ ໃນການ
ປາກເວົ້າ ຕະຫລອດທັງການສຶກສານຳດ້ວຍ. ໄດ້ມີການນຳຄວາມເຫັນຂອງທ່ານນາງ ອອກເຜີຍແຜ່ຢ່າງກວ້າງຂວາງທາງອິນເຕີແນັດ.
ພາບການຢ້ຽມຢາມຈີນ ຂອງທ່ານນາງ Michelle Obama
ຈີນແລະສະຫະລັດ ໄດ້ປະເຊີນກັບອຸບປະສັກ ຫຼາຍໆຢ່າງ ໃນຄວາມສຳພັນລະຫວ່າງ ປະເທດທັງສອງ ແລະໄດ້ມີການຄາດຫວັງໄວ້ວ່າ ການຢ້ຽມຢາມໃນເທື່ອນີ້ ຈະເສີມຂະ ຫຍາຍຄວາມສຳພັນສອງຝ່າຍອອກໄປອີກ. ແຕ່ແນວໃດກໍຕາມຢູ່ທີ່ກຸງປັກກິ່ງບາງຄົນ
ເວົ້າວ່າ ຍັງບໍ່ທັນເປັນທີ່ຈະແຈ້ງເທື່ອວ່າ ການຢ້ຽມຢາມໃນຄັ້ງນີ້ຈະມີຜົນຫຼາຍປານໃດ ໃນການຊ່ອຍແກ້ໄຂບັນຫາທ້າທາຍທີ່ສະລັບຊັບຊ້ອນທີ່ປະເທດທັງສອງພວມປະເຊີນ ໜ້າຢູ່ໃນເວລານີ້.
ຜູ້ຊາຍຄົນນີ້ເວົ້າວ່າ “ມັນຈະຊ່ອຍໃນບາງດ້ານ ແຕ່ຂ້ອຍບໍ່ຄິດວ່າການເດີນທາງ ມາຢ້ຽມຢາມຈະມີຜົນຢ່າງຫຼວງຫຼາຍແຕ່ປະການໃດ. ຄວາມສຳພັນລະຫວ່າງ
2 ປະເທດ ບໍ່ຄືກັນກັບຄວາມສຳພັນລະຫວ່າງຄອບຄົວມັນມີຜົນປະໂຫຍດທຸກ ຢ່າງຢູ່ໃນຫັ້ນ, ມັນສະລັບຊັບຊ້ອນຫຼາຍ.”
ແຕ່ແມ່ຍິງອີກຄົນນຶ່ງເວົ້າວ່າ “ມີຄວາມແຕກຕ່າງຂັ້ນພື້ນຖານຫຼາຍຢ່າງຫຼາຍແນວ
ບໍ່ວ່າລະບົບການເມືອງ ສະພາບການພັດທະນາດ້ານເສດຖະກິດຂອງປະເທດ ທັງສອງ. ທຸກໆຢ່າງ ແມ່ນແຕກຕ່າງກັນໝົດ ແມ່ນແຕ່ວິທີ ທີ່ພວກເຮົາຄິດ. ຈີນ ແມ່ນປະເທດ ທີ່ເຊື່ອຖືໃນເລື່ອງຈາຮີດປະເພນີແບບດັ້ງເດີມ.”
ແຕ່ເຖິງແມ່ນມີບາງຄົນ ທີ່ເຫັນວ່າ ວັດທະນະທຳ ເປັນອຸບປະສັກກໍຕາມ ຄົນອື່ນໆກັບ
ເຫັນວ່າ ການຢ້ຽມຢາມຂອງທ່ານນາງ Michelle Obama ຄັ້ງນີ້ ແມ່ນເພື່ອເສີມສ້າງ ຄວາມເຂົ້າອົກເຂົ້າໃຈລະຫວ່າງປະເທດທັງສອງ ທີ່ຍັງມີຄວາມລະແວງຕໍ່ກັນແລະກັນ ຢູ່ນັ້ນ.
ຜູ້ຊາຍອີກຄົນນຶ່ງກ່າວວ່າ “ຕາບໃດ ທີ່ທັງສອງຝ່າຍ ຕ່າງຍັງມີຄວາມຢ້ານກົວຊຶ່ງ ກັນແລະກັນຢູ່ ຕາບນັ້ນ ກໍຍັງຈະບໍ່ມີຄວາມເຊື່ອໃຈກັນແລະນັ້ນທີ່ຈິງແລ້ວເປັນ
ເລື້ອງທີ່ບໍ່ຈຳເປັນເລີຍ.”
ທ່ານນາງ Michelle Obama ທີ່ເດີນທາງໄປຢ້ຽມຢາມປະເທດຈີນ ພ້ອມດ້ວຍລູກສາວ
ທັງສອງແລະມານດາຂອງທ່ານນາງນັ້ນ ໄດ້ພົບປະກັບປະທານປະເທດຈີນທ່ານສີ ຈິ້ງ ຜິງໃນສັບປະດາແລ້ວນີ້ແລະໄດ້ໄປຢ້ຽມຢາມສະຖານທີ່ທ່ອງທ່ຽວສຳຄັນໆຕ່າງໆ ເຊັ່ນ
ກຳແພງເມືອງຈີນແລະພະລາດຊະວັງເກົ່າຂອງພະເຈົ້າຈັກກະພັດທີ່ເອີ້ນວ່າເມືອງຕ້ອງ
ຫ້າມ ຫລື Forbidden City ນັ້ນ.
ໃນມື້ວັນຈັນຜ່ານມານີ້ ທ່ານນາງ Michelle Obama ໄດ້ໄປຢ້ຽມຢາມພິພິດທະພັນໃຕ້
ດິນ ບ່ອນເກັບຮັກສາ ຮູບປັ້ນນັກລົບ ທີ່ເມືອງສີອານ ຊຶ່ງເປັນບ່ອນທ່ອງທ່ຽວ ທີ່ໄດ້ຮັບ
ຄວາມນິຍົມສູງສຸດແຫ່ງນຶ່ງຂອງຈີນ. ຫລັງຈາກນັ້ນ ຄອບຄົວຂອງສະຕີີໝາຍເລກນຶ່ງກໍ
ໄດ້ເດີນທາງຕໍ່ໄປຍັງເມືອງ Chengdu ເພື່ອ ພົບປະເພີ້ມຕື່ມ ກັບພວກນັກຮຽນຈີນ.
ຈີນ ເປັນປະເທດທີ່ມີການກົດຂີ່ຮ້າຍແຮງທີ່ສຸດ ປະເທດນຶ່ງໃນໂລກ ກ່ຽວກັບເສລີພາບ
ໃນການປາກເວົ້າ ການກົດຂີ່ປາບປາມພວກຄັດຄ້ານລັດຖະບານ ການກີດກັ້ນບໍ່ໃຫ້ຜູ້ ຄົນເຂົ້າໄປອ່ານຂ່າວສານ ແລະເຂົ້າໄປເບິ່ງເວັບໄຊ້ທ໌ຕ່າງໆຕະຫຼອດທັງການກວດກາ
ຂ່າວທາງອິນເຕີແນັດ ທີ່ປັກກິ່ງບໍ່ເຫັນພ້ອມນຳນັ້ນ.
ນອກນັ້ນ ສະຫະລັດຍັງໄດ້ຕຳໜິຕິຕຽນຈີນເປັນປະຈຳໃນການປະພຶດປະຕິບັດຕໍ່ຊາວ
ທິເບດ ແລະຊາວມຸສລິມວີເກີ້ທີ່ພາກັນຈົ່ມທຸກວ່າ ລັດຖະບານໄດ້ປະຫັດປະຫານແລະ
ຈຳກັດຮັດແຄບການປະຕິບັດສາສະໜາກິດຂອງພວກເຂົາເຈົ້າ.
ທ່ານນາງ Michelle Obama ເດີນທາງກັບຄືນ ມາຍັງສະຫະລັດ ໃນວັນພຸດມື້ນີ້.
Your browser doesn’t support HTML5
CN-First Lady's Trip to China Stirs Discussion of ‘Soft’ Diplomacy