ສວນສັດແຫ່ງນຶ່ງທີ່ພາກໃຕ້ຂອງປະເທດຈີນ ກ່າວວ່າ ລູກໝີ
ດ່າງແພນດ້າສາມໂຕ ທີ່ເກີດພ້ອມກັນ ຫວ່າງມໍ່ໆມານີ້ ອາດ
ຈະເປັນຊຸດດຽວເທົ່ານັ້ນ ບໍ່ມີມາກ່ອນ ທີ່ຍັງລອດຊີວິດຢູ່.
ບັນດາເຈົ້າໜ້າທີ່ສວນສັດ Guangzhou ກ່າວວ່າ ລູກນ້ອຍ
ຂອງໝີດ່າງແພນ ດ້າສາມໂຕນີ້ ແລະແມ່ຂອງມັນ Juxiao
ມີສຸຂະພາບດີ ຫລັງຈາກການອອກ ລູກໃນວັນທີ 29 ເດືອນ
ກໍລະກົດ.
ລູກໝີດ່າງ Pandas ມີອັດຕາການເສຍຊີວິດສູງ ແຕ່ທົ່ວໄປແລ້ວລອດຊີວິດ ມາໄດ້ຖ້າຫາກວ່າຍັງມີສຸຂະພາບດີ ຫລັງຈາກ 15 ມື້ ທີ່ໄດ້ເກີດມາ.
ສວນສັດກ່າວວ່າ ຕົນບໍ່ຄາດວ່າ ຈະນຳໝີດ່າງ Pandas ສາມໂຕນີ້ ມາສະແດງໃຫ້ສາທາ
ລະນະຊົນຊົມໄດ້ ຢ່າງໜ້ອຍອີກສີ່ຫາຫ້າເດືອນຂ້າງໜ້າ.
ຮູບພາບທີ່ເຜີຍແຜ່ໃນຕົ້ນເດືອນີ້ ສະແດງໃຫ້ເຫັນວ່າ ລູກໝີດ່າງແພນດ້າທີ່ມີໜັງສີບົວ ຕາຍັງບໍ່ທັນມືນເທຶ່ອ ຍັງຖືກຮັກສາໄວ້ຢູ່ໃນຕູ້ອົບ.
ເພດຂອງລູກໝີ Pandas ຈະບອກໃຫ້ຮູ້ໄດ້ໃນອີກປະມານນຶ່ງເດືອນ ແລະຈະຕັ້ງຊື່ໃຫ້ ຕາມພາຍຫລັງ.
ໝີດ່າງແພນດ້າຈຳນວນ 1,600 ໂຕ ປັດຈຸບັນນີ້ ພາກັນຢູ່ໃນປ່າ ໃນພາກໃຕ້ຂອງປະເທດ
ຈີນ ແລະອີກຫລາຍກວ່າ 300 ໂຕແມ່ນຖືກລ້ຽງດູຢູ່ຕາມບ່ອນກັກຂັງຕ່າງໆ.
Your browser doesn’t support HTML5
CHINA PANDA TRIPLETS VO