ຈີນ ກ່າວໃນວັນອັງຄານມື້ນີ້ວ່າ ໃນບໍ່ຊ້ານີ້ຕົນຈະສຳເລັດໃນ
ຄວາມພະຍາຍາມເພື່ອສ້າງເກາະດອນທີ່ເປັນບັນຫາໂຕ້ຖຽງ
ຢູ່ໃນບາງເຂດຂອງທະເລຈີນໃຕ້ ແຕ່ກໍໃຫ້ຄຳໝັ້ນສັນຍາວ່າ
ຈະສືບຕໍ່ການສ້າງເກາະດອນ ທີ່ໄດ້ກໍ່ໃຫ້ເກີດຄວາມເຄັ່ງຕຶງ
ກັບບັນດາປະເທດຄູ່ແຂ່ງທີ່ອ້າງເອົາກຳມະສິດທັງຫລາຍ.
ກະຊວງຕ່າງປະເທດຈີນ ກ່າວຢູ່ໃນຖະແຫລງການສະບັບນຶ່ງ
ໂດຍໃຊ້ຊື່ຈີນ ກັບ ໝູ່ເກາະ Spratly ວ່າ “ໂຄງການສ້າງເກາະ
ດອນຂອງຈີນ ຢູ່ໃນໝູ່ເກາະທີ່ໝັ້ນ ຈຳນວນນຶ່ງ ແລະໝູ່ເກາະ
ຫີນ Nansha ຈະແລ້ວສຳເລັດລົງ ໃນບໍ່ເທົ່າໃດມື້ຂ້າງໜ້ານີ້.”
ຖະແຫລງການຂອງກະຊວງຕ່າງປະເທດ ຊຶ່ງບໍ່ໄດ້ແຈ້ງໃຫ້ຊາບ ກ່ຽວກັບໝາຍ ກຳນົດໃນ
ວັນທີ່ຈະແລ້ວສຳເລັດນັ້ນ ໄດ້ກ່າວປ້ອງກັນໂຄງການ ການສ້າງເກາະ ດອນວ່າ “ຢູ່ເໜືອໄປ
ກວ່າການຕິຕຽນ” ແລະສ່ວນໃຫຍ່ແລ້ວແມ່ນມີຈຸດປະສົງໃນດ້ານພົນລະເຮືອນ ບໍ່ແມ່ນຈຸດ
ປະສົງທາງດ້ານທະຫານ.
ຖະແຫລງການກ່າວວ່າ “ມັນເປັນເລື້ອງທີ່ຍຸດຕິທໍາ ມີເຫດຜົນ ແລະ ຖືກຕ້ອງຕາມກົດໝາຍ.
ມັນບໍ່ມີຜົນສະທ້ອນ ແລະບໍ່ໄດ້ແນເປົ້າໝາຍຕໍ່ຕ້ານປະເທດໃດໆ ແລະຈະບໍ່ມີຜົນກະທົບ ຕໍ່ເສລີພາບໃນການເດີນເຮືອຂອງປະເທດໃດ ແລະການບິນຜ່ານເຂດທະເລຈີນໃຕ້."
ຊຶ່ງເປັນການສະທ້ອນເຖິງການຢືນຢັນຂອງຈີນທີ່ມີ ຂຶ້ນກ່ອນໜ້ານີ້.
ສະຫະລັດ ໄດ້ເປັນປາກເປັນສຽງເພີ້ມຂຶ້ນ ໃນການຄັດຄ້ານ ຕໍ່ໂຄງການສ້າງ ເກາະດອນ
ຂອງຈີນ ຊຶ່ງປັດຈຸບັນນີ້ໄດ້ກວມເອົາພື້ນທີ່ 2000 ກວ່າເອເຄີ້ ຊຶ່ງຄັ້ງນຶ່ງເຄີຍເປັນເກາະຫີນ
ປະກາລັງທີ່ບໍ່ມີຄົນຢູ່ອາໄສ ຢູ່ໃນເສັ້ນທາງເດີນເຮືອ ຍຸດທະສາດນີ້.
ການກໍ່ສ້າງໝູ່ເກາະໝູ່ດອນສ່ວນໃຫຍ່ນີ້ ປາກົດວ່າ ມີຈຸດປະສົງທາງທະຫານ ຮວມທັງ
ການສ້າງລະບົບເຣດ້າເຕືອນໄພລ່ວງໜ້າ ບ່ອນຢູ່ຂອງທະຫານ ແລະເດີ່ນເຮືອບິນ. ເດືອນ
ແລ້ວນີ້ ສະຫະລັດຍັງກ່າວວ່າ ຈີນ ໄດ້ເຄື່ອນຍ້າຍລົດປືນໃຫຍ່ໄປສູ່ໝູ່ເກາະເຫຼົ່ານີ້ ເຖິງແມ່ນວ່າໃນປັດຈຸບັນ ໄດ້ຍ້າຍອອກໄປແລ້ວ ກໍຕາມ.
Your browser doesn’t support HTML5
US Asserts Role in South China Sea