ສື່ມວນຊົນຂອງທາງການຈີນລາຍງານວ່າ ສົບຂອງຄົນງານ
5 ຄົນສຸດທ້າຍ ໄດ້ກູ້ອອກມາແລ້ວ ຈາກບໍ່ຖ່ານຫີນ ທີ່
ລະເບີດຂຶ້ນໃນແຂວງ Henan ຊຶ່ງເຮັດໃຫ້ໂຕເລກຂັ້ນສຸດ
ທ້າຍ ຂອງຜູ້ເສຍຊີວິດທັງໝົດ ເພີ້ມຂຶ້ນເປັນ 37 ຄົນ.
ພວກຄົນງານເຫຼົ່ານີ້ໄດ້ເສຍຊີວິດຫຼັງຈາກເກີດແກັສລະເບີດ
ທີ່ໄດ້ພາໃຫ້ຂີ້ຝຸ່ນຖ່ານຫີນ ໜັກປະມານ 2,500 ໂຕນຖົມ
ພວກເຂົາເຈົ້າ.
ມີພວກຄົນງານ 200 ກວ່າຄົນສາມາດຫຼົບໜີອອກມາໄດ້
ຫຼັງຈາກໄດ້ເກີດເຫດລະເບີດທີ່ບໍ່ຖ່ານຫີນ ທີ່ບໍລິສັດບໍ່ຖ່ານ
ຫີນແລະການໄຟຟ້າ Pingyu ເປັນເຈົ້າຂອງໃນມື້ວັນເສົາ
ແລ້ວ. ພວກຄົນງານກູ້ໄພປະມານ 300 ຄົນໄດ້ເລີ້ມພາ
ກັນເຮັດວຽກ ນັບແຕ່ໄດ້ເກີດເຫດລະເບີດ ໂດຍມີຄວາມ ຫວັງນ້ອຍຫລາຍ ທີ່ຈະ ໄດ້ພົບເຫັນຜູ້ທີ່ລອດຊີວິດມາໄດ້.
ຈີນມີປະວັດຂີ້ຮ້າຍທີ່ສຸດໃນໂລກ ກ່ຽວກັບອຸບັດຕິເຫດບໍ່ແຮ່ ໂດຍມີຫຼາຍກວ່າ 2,600 ຄົນ
ເສຍຊີວິດໃນປີ 2009 ແຕ່ພຽງປີດຽວທໍ່ນັ້ນ. ເຫດຮ້າຍເທື່ອຫລ້າສຸດນີ້ ມີຂຶ້ນບໍ່ເທົ່າໃດມື້
ຫຼັງຈາກໄດ້ມີການຊ່ອຍຊີວີີດພວກຄົນງານບໍ່ຄຳ 33 ຄົນທີ່ຕົກຄ້າງຢູ່ໃຕ້ພື້ນດິນໃນປະເທດ
ຊີເລ ເປັນເວລາ 2 ເດືອນກວ່າໆ ຂຶ້ນມາໄດ້.