ການຜະລິດຂອງຈີນໄດ້ຂະຫຍາຍໂຕເລັກນ້ອຍ ໃນເດືອນແລ້ວນີ້ ຊຶ່ງສະແດງໃຫ້ເຫັນວ່າ ເສດຖະກິດທີ່ໃຫຍ່ເປັນອັນດັບ 2 ຂອງໂລກ ຍັງສືບຕໍ່ທຳການດີ້ນຮົນ ຍ້ອນອຸບປະສົງຫຼື ຄວາມຕ້ອງການສິນຄ້າ ທັງພາຍໃນແລະຕ່າງປະເທດຍັງອ່ອນ ແອຢູ່.
ດັດຊະນີຜູ້ບໍລິຫານການຊື້ຫຼື PMI ຂອງທາງການຈີນ ທີ່ເປີດເຜີຍໂດຍອົງການສະຖິຕິແຫ່ງ ຊາດ ໃນວັນພຸດມື້ນີ້ ສະແດງໃຫ້ເຫັນວ່າ ແມ່ນຢູ່ໃນລະດັບ 50.1 ສອດຄ່ອງກັບໂຕເລກ ຂອງເດືອນເມສາ ແລະຫລຸດລົງຈາກໂຕເລກເດືອນມີນາ50.2 ໜ້ອຍນຶ່ງ.
ດັດຊະນີ PMI ແມ່ນວັດແທກກິດຈະການທີ່ສຳຄັນໆຂອງໂຮງຈັກໂຮງງານຂອງຈີນ. ສ່ວນ ດັດຊະນີ Caixin/Markit PMI ຊຶ່ງໄດ້ເນັ້ນຢ້ຳຄວາມສຳຄັນຂອງບໍລິ ສັດຂະໜາດນ້ອຍ ນັ້ນ ແມ່ນມີຄວາມເຫັນໄປໃນແງ່ທີ່ບໍ່ດີກວ່ານີ້ ໂດຍຕັ້ງໂຕເລກ ໄວ້ 49.2 ສຳລັບເດືອນ ພຶດສະພາ ຫລຸດລົງຈາກລະດັບ 49.4 ໃນເດືອນເມສາ.
ໂຕເລກໃດໆກໍຕາມທີ່ສູງກວ່າ 50 ແມ່ນໃຫ້ສັນຍານເຖິງການຂະຫຍາຍໂຕ ໃນຂະນະທີ່ ການສະແດງໃຫ້ທາງກົງກັນຂ້າມແມ່ນເປັນການຫົດໂຕລົງຂອງເສດຖະ ກິດ.
ໃນຂະນະດຽວກັນ ການເຕີບໂຕໃນພາກສ່ວນບໍລິການຂອງຈີນ ແມ່ນຍັງສືບຕໍ່ມີ ການຂະ ຫຍາຍຄືຢູ່ໃນລະດັບ 51.3 ສຳລັບເດືອນພຶດສະພາ ຫລຸດລົງໜ້ອຍນຶ່ງ ຈາກລະດັບ 53.5 ໃນເດືອນເມສາ.