ປະຊາຊົນທີ່ອາໄສຢູ່ໃນໝູ່ເກາະໂຊໂລມອນຈະພາກັນໄປປ່ອນບັດເລືອກຕັ້ງໃນວັນທີ 17 ເມສາ ທີ່ຈະມາເຖິງນີ້ ເພື່ອເລືອກເອົາຜູ້ນຳຂອງປະເທດພວກເຂົາ. ການເລືອກຕັ້ງອາດຈະເປັນຜົນສະທ້ອນທີ່ຕິດຕາມມາບໍ່ພຽງແຕ່ສຳລັບປະ ຊາຊົນ ຢູ່ໃນໝູ່ເກາະດັ່ງກ່າວເທົ່ານັ້ນ, ແຕ່ຍັງສະທ້ອນເຖິງ ສະຫະລັດ ແລະ ຈີນ ນໍາອີກດ້ວຍ. ເຈສສິກາ ສໂຕນ (Jessica Stone) ນັກຂ່າວ VOA ມີລາຍງານກ່ຽວກັບເລື້ອງນີ້, ເຊິ່ງ ທິບສຸດາ ມີລາຍລະອຽດມາສະເໜີທ່ານ.
Your browser doesn’t support HTML5
ເຊີນຟັງລາຍງານ ອິດທິພົນຂອງຈີນ ທີ່ເປັນບັນຫາຕໍ່ການເລືອກຕັ້ງໃນໝູ່ເກາະໂຊໂລມອນ
ແນມເບິ່ງຮອບໆບໍລິເວນໃນນະຄອນຫຼວງໂຮເນຍຣາຂອງໝູ່ເກາະໂຊໂລມອນ, ທ່ານຈະເຫັນການລົງທຶນຕ່າງໆຂອງ ຈີນ ຢູ່ທົ່ວທຸກມຸມ.
ສະໜາມກິລາແຫ່ງຊາດຂະໜາດ 10,000 ບ່ອນນັ່ງ ທີ່ນໍາໃຊ້ເຂົ້າໃນງານມະ ຫາກຳກິລາປະຈໍາຂົງເຂດປາຊີຟິກປີ 2023 ໄດ້ຮັບການສະໜັບສະໜຸນຈາກການລົງທຶນຂອງຈີນຈໍານວນ 220 ລ້ານໂດລາ.
ການຍົກລະດັບຂອງທ່າເຮືອໂຮເນຍຣາ.
ແລະສະຖານທູດຈີນທີ່ກວ້າງຂວາງແຫ່ງນຶ່ງ ທີ່ເປີດຂຶ້ນນຶ່ງປີຫລັງຈາກໝູ່ເກາະໂຊໂລມອນ ສິ້ນສຸດສາຍພົວພັນທາງການທູດກັບໄຕ້ຫວັນ ເພື່ອໃຫ້ການສະໜັບສະໜຸນປັກກິ່ງ ພາຍໃຕ້ການນຳພາ ຂອງນາຍົກລັດຖະມົນຕີ ທ່ານມານາສເຊ ໂຊກາແວ (Manasseh Sogavare), ຜູ້ທີ່ມາຈາກພັກ ຂອງພວກເຮົາ ຫຼື OUR ຫວັງວ່າ ຈະຍັງຄົງຢູ່ໃນອໍານາດຕໍ່ໄປໃນການເລືອກຕັ້ງແຫ່ງຊາດທີ່ຈະ
ມີຂຶ້ນເດືອນເມສາທີ່ຈະມາເຖິງນີ້. ທ່ານໂຊກາແວ ຍັງຄົງໃຫ້ສັນຍາທີ່ຈະສືບຕໍ່ສາຍພົວພັນໃກ້ຊິດກັບ ຈີນ ດ້ວຍນະໂຍບາຍການຕ່າງປະເທດທີ່ທ່ານຮ້ອງວ່າ "ເບິ່ງໄປທາງທິດເຫນືອ" ຫຼື “Look North.”
ທ່ານກ່າວວ່າ:
"ຄວາມພະຍາຍາມຂອງພັກພວກເຮົາ ຈະເນັ້ນໜັກໃສ່ການເສີມສ້າງສາຍພົວພັນຂອງພວກເຮົາກັບ ຈີນ ໂດຍຜ່ານນະໂຍບາຍການຕ່າງປະເທດ Look North ຄຽງຄູ່ກັບການສືບຕໍ່ບໍາລຸງສ້າງສາຍພົວພັນທີ່ເຂັ້ມແຂງ ກັບຄູ່ພາຄີດັ້ງເດີມຂອງພວກເຮົາເຊັ່ນ: ອອສເຕຣເລຍ. ພວກເຮົາມຸ່ງໝັ້ນທີ່ຈະເປັນມິດກັບທຸກຝ່າຍແລະ ບໍ່ເປັນສັດຕູຕໍ່ຜູ້ໃດ.”
ຝ່າຍຄ້ານທີ່ສໍາຄັນຂອງ ທ່ານ ໂຊໂກແວ ຄືພັກ ແຄ ຫຼື CARE, ເຊິ່ງນຳພາໂດຍທ່ານແມດທິວ ວາລເລ (Matthew Wale), ທີ່ໄດ້ຕ້ອງຕິຢ່າງແຮງກ່ຽວກັບການເພີ້ມທະວີ ການເພິ່ງພາອາໄສ ໃນການລົງທຶນຂອງຈີນ.
ທ່ານ ວາລເລ ກ່າວວ່າ:
"ພວກທ່ານຮູ້ວ່າ ຄວາມຊື່ສັດຂອງລັດຖະບານພວກທ່ານ ບໍ່ແມ່ນຕໍ່ປະຊາຊົນໃນຫມູ່ເກາະໂຊໂລມອນ ແລະບໍ່ແມ່ນຕໍ່ພວກທ່ານ, ແຕ່ແມ່ນເພື່ອຜູ້ທີ່ໃຫ້ທຶນແກ່ພວກເຂົາເຈົ້າ."
ທ່ານ ວາລເລ ໄດ້ໃຫ້ການສະໜັບສະໜຸນຕໍ່ການລົງປະຊາມະຕິທົ່ວໄປກ່ຽວກັບສັນຍາດ້ານຄວາມໝັ້ນຄົງປະຈໍາປີ 2022 ທີ່ໄດ້ບັນລຸກັບປັກກິ່ງ ແລະທ່ານກ່າວຕໍ່ VOA ວ່າ ທ່ານບໍ່ສະໜັບສະໜຸນການເພິ່ງພາຄູ່ຮ່ວມມື ໃນດ້ານການພັດທະນາຕ່າງໆ.
ທ່ານ ເວລເລ ກ່າວວ່າ:
"ພວກເຮົາມອງຫາການພົວພັນທີ່ສົມດຸນກັນໃນເວທີແຂ່ງຂັນສາກົນ, ການພົວພັນທີ່ມີຜົນປະໂຫຍດແຫ່ງຊາດຕໍ່ຫມູ່ເກາະໂຊໂລມອນເປັນສໍາຄັນ."
ສໍາລັບປະຊາຊົນຊາວໝູ່ເກາະໂຊໂລມອນຈໍານວນນຶ່ງ, ນະໂຍບາຍການຕ່າງ ປະເທດບໍ່ແມ່ນແນວຄວາມຄິດທີ່ສຳຄັນສຸດ.
ນາງແອນເດຣຍ ມາຮູນົວ (Andrea Mahunua), ປະຊາຊົນໝູ່ເກາະໂຊໂລມອນ ກ່າວວ່າ:
"ແນວຄວາມຄິດຂອງການສຶກສາຟຣີຈາກຊັ້ນປະຖົມຈົນເຖິງມັດທະຍົມຕົ້ນ ແມ່ນສິ່ງນຶ່ງທີ່ຂ້າພະເຈົ້າສົນໃຈຢູ່ສະເຫມີ."
ສ່ວນຄົນອື່ນໆ ບອກກັບ VOA ວ່າ ພວກເຂົາເຈົ້າຮູ້ສຶກບໍ່ສະບາຍໃຈກັບການຂາດຄວາມໂປ່ງໃສກ່ຽວກັບຂໍ້ຕົກລົງຄວາມປອດໄພນໍາປັກກິ່ງໃນປີ 2022, ແຕ່ກໍຍັງມີຄວາມຂອບໃຈຕໍ່ໂຄງການພັດທະນາໃໝ່ໆທີ່ໄດ້ຫຼັ່ງໄຫຼເຂົ້າມາ.
ທ້າວໄມຄ໌ ຕົວ (Mike Tua), ຜູ້ມີສິດລົງຄະແນນສຽງໃນໝູ່ເກາະໂຊໂລມອນ ກ່າວວ່າ:
“ມັນເປັນສິ່ງສຳຄັນຫຼາຍທີ່ພວກເຮົາຈໍາເປັນຕ້ອງມີການລົງປະຊາມະຕິ. ສະນັ້ນ, ເພື່ອໃຫ້ພວກເຮົາ ໃນຖານະທີ່ເປັນປະຊາຊົນໃນປະເທດນີ້ ມີສິດໃນການປາກເວົ້າກ່ຽວກັບສິ່ງທີ່ດີທີ່ສຸດສຳລັບພວກເຮົາ ວ່າແມ່ນຫຍັງເປັນສິ່ງທີ່ດີທີ່ສຸດສໍາລັບພວກເຮົາໃນເລື່ອງຂອງຄວາມໝັ້ນຄົງ.”
ແຕ່ນັກຊ່ຽວຊານທາງດ້ານປາຊີຟິກ ທ່ານເກຣກ ບຣາວ (Greg Brown) ກ່າວວ່າ 80 ເປີເຊັນຂອງປະຊາຊົນ ໃນໝູ່ເກາະໂຊໂລມອນ ພາກັນອາໄສຢູ່ໃນຂົງ ເຂດຊົນນະບົດ ແລະອາດຈະບໍ່ໄດ້ຮັບຜົນປະໂຫຍດໃດໆຈາກການລົງທຶນຂອງຈີນ.
ທ່ານເກຣກ ບຣາວ, ຈາກສະຖາບັນນະໂຍບາຍຍຸດທະສາດຂອງອອສເຕຣເລຍ ກ່າວຜ່ານຊູມວ່າ:
"ຂ້າພະເຈົ້າອາດຈະສົງໄສວ່າ ຖ້າການລົງທຶນນີ້ຫາກຈະປາກົດຢູ່ໃນຊຸມຊົນຂອງຂ້າພະເຈົ້າ ຫຼື ບໍ? ປະຊາຊົນຂອງຂ້າພະເຈົ້າ, ເພື່ອນບ້ານຂອງຂ້າພະເຈົ້າ, ແລະຄອບຄົວຂອງຂ້າພະເຈົ້າ ຈະໄດ້ຮັບຜົນປະໂຫຍດດັ່ງກ່າວນີ້ ຫຼື ບໍ? ຫຼື ເງິນ ຈະຢູ່ໃນນະຄອນຫຼວງ ຫຼື ຢູ່ໃນບັນຊີທະນາຄານຂອງພວກຄົນຊັ້ນສູງບໍ?”
ທ່ານ ບຣາວ ກ່າວວ່າ ໄຊຊະນະຂອງພັກ OUR ແມ່ນໄຊຊະນະຂອງ ຈີນ ແລະຈະເປັນຫລັກຖານທີ່ສະແດງໃຫ້ເຫັນວ່າ ສະຫະລັດກຳລັງສູນເສຍອິດທິພົນຂອງພວກເຂົາເຈົ້າຢູ່ໃນພາກພື້ນ, ການເລືອກຕັ້ງ ແມ່ນຈະມີຂຶ້ນໃນວັນທີ 17 ເມສາ ທີ່ຈະມາເຖິງນີ້.
Solomon Islands residents go to the polls April 17th to elect their national leadership. The elections could be consequential not only for the islanders but also for the United States and China. VOA’s Jessica Stone reports.
Look around the Solomon Islands capital of Honiara, and you’ll see Chinese investment – on every corner.
The 10-thousand seat national stadium used in the 2023 Pacific Games as backed by 220 million dollars in Chinese investment.
Upgrades at the port of Honiara.
And a spacious Chinese embassy which opened one year after the Solomon Islands ended their diplomatic ties to Taiwan in favor of Beijing under the leadership of Prime Minister Manasseh Sogavare…whose OUR party is hoping to maintain power in April’s national elections. Sogavare – pledges to continue to draw closer to China with a foreign policy he calls, “Look North.”
Manasseh Sogavare; Solomon Islands Prime Minister
“Our party’s approach will focus on strengthening our relationship with China through a Look North foreign policy alongside continuing to nurture strong ties with our traditional partners such as Australia. We are committed to being friends to all and enemies to none.”
Sogavare’s main opposition – the CARE Party – is led by Matthew Wale (WAL-eh), a vocal critic of the island’s increased dependence on Chinese investment.
Matthew Wale; CARE Party leader
“You know the loyalty of your government is not to the people of the Solomon Islands not to you, but to those who financed them.”
WAL-eh advocated a public referendum on the 2022 security pact reached with Beijing and told VOA he doesn’t support over-reliance on any one development partner.
Matthew Wale; CARE Party leader
“We seek a balanced engagement in the international arena, an engagement that has national interests of the Solomon Islands at its forefront.”
For some Solomon Islanders, foreign policy is not top of mind.
Andrea Mahunua; Solomon Islands Resident
“The concept of free education from primary to secondary is one thing that I’ve always been interested in.”
Others tell VOA they’re uncomfortable with the lack of transparency surrounding the 2022 Beijing security pact but grateful for the new influx of development projects.
Mike Tua; Solomon Islands Voter
“It’s very important that we have a referendum. So that we as a people of this nation speak well of what is best for us when it comes to our security.”
But Pacific expert Greg Brown says 80 percent of Solomon Islanders live in rural areas and may not see any benefits from Chinese investment.
Greg Brown; Australian Strategic Policy Institute,
“I might wonder if this investment will appear in my community. Will my people, my neighbors, my family reap the benefits? Or will the money stay in the capital or in the bank account of elites?”
Brown says a win by the OUR party is a win for China and will be evidence, the United States is losing influence in the region. The election is April 17th.