ຈີນຢືນຢັນວ່າ ສານເຄມີ sodium cyanide ສານເຄມີທີ່ເປັນພິດ
ອັນໜຶ່ງ ໄດ້ຖືກເກັບໄວ້ຢູ່ໃນສາງຫຼາຍແຫ່ງ ທີ່ໄດ້ຮັບຄວາມເສຍຫາຍ
ໂດຍລະເບີດທີ່ແຕກຂຶ້ນຢ່າງໃຫຍ່ຫຼາຍຄັ້ງ ຢູ່ໃນເມືອງທ່າ Tianjin.
ທ່ານ Shi Luze ຫົວໜ້າເສນາທິການ ກອງທັບປະຊາຊົນປະຕິວັດ
ຂອງຂົງເຂດທະຫານໃນປັກກິ່ງ ກ່າວໃນວັນອາທິດມື້ນີ້ ວ່າ ມີຈຳ
ນວນຫຼາຍກວ່າ 100 ໂຕນ ຂອງສານເຄມີ ທີ່ເປັນອັນຕະລາຍເຖິງ
ແກ່ຊີວິດ ຖືກເກັບມ້ຽນໄວ້ ຢູ່ສອງແຫ່ງພາຍໃນຈຸດລະເບີດແຕກນັ້ນ.
ບັນດາເຈົ້າໜ້າທີ່ຈີນ ຍັງກ່າວໃນວັນອາທິດວານນີ້ອີກວ່າ ຈຳນວນ
ຂອງຜູ້ເສຍຊີວິດຈາກການລະເບີດແຕກນັ້ນ ໄດ້ເພີ້ມຂຶ້ນເຖິງ 112
ຄົນແລ້ວ. ຢ່າງໜ້ອຍ ພະນັກງານດັບເພີງ 21 ຄົນ ແມ່ນລວມຢູ່ໃນຈຳນວນຜູ້ເສຍຊີວິດດັ່ງກ່າວ ອີງຕາມລາຍງານຈາກສື່ມວນຊົນຂອງທາງການຈີນ.
ພະນັກງານດັບເພີງຄົນໜຶ່ງ ສະແດງປະຕິກິລິຍາ ຂະນະທີ່ໄດ້ຮັບການຮັກສາປິ່ນປົວຢູ່ທີ່ໂຮງໝໍນັ້ນຫຼັງຈາກເກີດລະເບີດຂຶ້ນ ຂອງເຂດເມືອງໃໝ່ Binhai ໃນເມືອງທ່າ Tianjin, ປະເທດຈີນ, ວັນທີ 13 ສິງຫາ 2015.
ເກືອບ 100 ຄົນ ແມ່ນຍັງຫາຍສາບສູນຢູ່ ລວມທັງພະນັກງານດັບເພີງຈຳນວນ 85 ຄົນ.
ບັນດາເຈົ້າໜ້າທີ່ຈີນ ໄດ້ອອກຄຳສັ່ງ ບັງຄັບໃຫ້ປະຊາຊົນ ຢູ່ໃກ້ບໍລິເວນ ຍົກຍ້າຍອອກຈາກຄຸ້ມອຸດສາຫະກຳ ຢູ່ໃນເມືອງທ່າທາງພາກຕາເວັນອອກສຽງເໜືອ ທີ່ໄດ້ຮັບໄພຫາຍະນະນັ້ນ.
ບັນດາຕຳຫຼວດໃນຊຸດແບບທະຫານ ແລະ ພະນັກງານກູ້ໄພອື່ນໆ ໃສ່ໜ້າກາກກັນແກັສ ກຳລັງພາກັນກວດສອບສານເຄມີທີ່ບໍ່ຮູ້ຈັກວ່າເປັນສານເຄມີຫຍັງນັ້ນ ຢູ່ທີ່ບໍລິເວນເຂດໃກ້ໆກັບຈຸດເກີດລະເບີດ ຂອງເຂດເມືອງໃໝ່ Binhai ໃນເມືອງທ່າ Tianjin, ປະເທດຈີນ, ວັນທີ 15 ສິງຫາ 2015.
ແຜນທີ່ປະເທດຈີນ ສະແດງໃຫ້ເຫັນເຂດເມືອງທ່າ ທຽນຈິນ
Your browser doesn’t support HTML5
China Explosion