ຜູ້ຜະລິດລົດຍົນ ຈີນ ແລະ ຢູໂຣບ ໄດ້ແຂ່ງຂັນກັນຢູ່ງານວາງສະແດງລົດ ປາຣີ ໃນວັນຈັນມື້ນີ້, ດ້ວຍຄວາມເຄັ່ງຕຶງໄດ້ເພີ່ມຂຶ້ນສູງໃນຂະນະທີ່ ສະຫະພາບ ຢູໂຣບ ຕຽມຈັດການເກັບພາສີນຳເຂົ້າລົດໄຟຟ້າທີ່ຜະລິດໃນ ຈີນ ໃນອັດຕາທີ່ສູງ ແລະ ອຸດສາຫະກຳນີ້ກໍໄດ້ດີ້ນຮົນກັບຄວາມຕ້ອງການທີ່ຫຼຸດລົງ.
ງານຂອງປີນີ້, ເຊິ່ງແມ່ນງານວາງສະແດງລົດທີ່ໃຫຍ່ທີ່ສຸດໃນ ຢູໂຣບ, ຖືກຈັດຂຶ້ນໃນຊ່ວງເວລາທີ່ສຳຄັນ. ບັນດາຜູ້ຜະລິດລົດຍົນ ຢູໂຣບ ທີ່ກຳລັງດີ້ນຮົນ ຕ້ອງການທີ່ຈະພິສູດວ່າເຂົາເຈົ້າຍັງຢູ່ໃນການແຂ່ງຂັນ, ໃນຂະນະທີ່ພວກຄູ່ແຂ່ງ ຈີນ ແມ່ນກຳລັງແນເປົ້າເພື່ອຫາຖານທີ່ຕັ້ງໃນຕະຫຼາດທີ່ມີການແຂ່ງຂັນສູງ.
ແນວໃດກໍຕາມ ມັນໄດ້ມີບາງຈຸດທີ່ໜ້າເປັນຫ່ວງຮ່ວມກັນ, ດ້ວຍບັນດາຜູ້ບໍລິຫານໃຫຍ່ຈາກທັງສອງພາກພື້ນນັ້ນໄດ້ເຕືອນ ກ່ຽວກັບ ອັນຕະລາຍຂອງພາສີ ສະຫະພາບ ຢູໂຣບ.
ທ່ານນາງ ສແຕລລາ ຫຼີ, ຮອງປະທານບໍລິຫານໃຫຍ່ຂອງບໍລິສັດຜະລິດລົດໄຟຟ້າ ຈີນ BYD ໄດ້ກ່າວຕໍ່ອົງການຂ່າວ ຣອຍເຕີ ວ່າ “ແມ່ນໃຜຈະຈ່າຍໃບເກັບເງິນ? ມັນແມ່ນຜູ້ບໍລິໂພກ. ສະນັ້ນສິ່ງນີ້ຈະເຮັດໃຫ້ປະຊາຊົນມີຄວາມເປັນຫ່ວງ ຫຼາຍ. ມັນຈະຢຸດຄົນທີ່ທຸກຍາກກວ່າຈາກການຊື້ມັນ.”
ໃນຂະນະດຽວກັນ, ຜູ້ບໍລິຫານໃຫຍ່ບໍລິສັດ Stellantis ທ່ານ ຄາລອສ ທາວາເຣັສ, ໄດ້ເຕືອນວ່າພາສີ ຈະນຳໄປສູ່ບັນດາຜູ້ຜະລິດລົດ ຈີນ ກໍ່ຕັ້ງໂຮງງານໃນ ຢູໂຣບ, ເຊິ່ງເປັນການເພີ່ມຄວາມສາມາດເກີນຂອບເຂດຢູ່ໃນພາກພື້ນ ແລະ ນຳໄປສູ່ໂຮງງານບາງແຫ່ງໃນທ້ອງຖິ່ນຕ້ອງປິດໂຮງງານລົງ.
ເກົ້າຍີ່ຫ້ຳຂອງ ຈີນ ລວມທັງ BYD ແລະ ບໍລິສັດ Leapmotor ແມ່ນກຳລັງເປິດຕົວ ຕົວຢ່າງຫຼ້າສຸດຂອງເຂົາເຈົ້າຢູ່ງານຂອງປີນີ້, ອີງຕາມຜູ້ບໍລິຫານໃຫຍ່ງານວາງສະແດງລົດຍົນ ປາຣີ ທ່ານ ແຊກສ ກາໂຊ (Serge Gachot). ນັ້ນແມ່ນຄືກັບໃນປີ 2022 ເວລາທີ່ເຂົາເຈົ້າມີເກືອບເຄິ່ງນຶ່ງຂອງຍີ່ຫໍ້ດັ່ງກ່າວຢູ່ໃນງານ.
ປີນີ້, ມັນມີສັດສ່ວນພຽງປະມານນຶ່ງໃນຫ້າຂອງຍີ່ຫໍ້ທັງໝົດນັ້ນ ຍ້ອນຜົນງານທີ່ແກ່ນກວ່າຫຼາຍຈາກອຸດສາຫະກຳລົດຍົນຂອງ ຢູໂຣບ, ຊຶ່ງເປັນສັນຍານທີ່ບົ່ງບອກເຖິງຄວາມຸ່ງໝັ້ນທີ່ຈະປົກປ້ອງບ້ານເກີດຂອງຕົນ.
ອ່ານຂ່າວນີ້ເປັນພາສາອັງກິດ
Chinese and European automakers went head-to-head at the Paris car show on Monday, with tensions running high as the EU gears up to impose hefty import tariffs on Chinese-made electric vehicles and the industry struggles with weak demand.
This year's event - the largest car show in Europe - comes at a pivotal time. Struggling European automakers need to prove they are still in the game, while Chinese rivals are aiming to get a foothold in a competitive market.
There was some common ground, though, with executives from both regions warning about the dangers of EU tariffs.
"Who pays the bill? Consumers. So this makes people very concerned. It will stop poorer people from buying," Stella Li, executive vice president of Chinese EV giant BYD told Reuters.
Stellantis CEO Carlos Tavares, meanwhile, warned the tariffs would lead Chinese automakers to set up plants in Europe, adding to overcapacity in the region and leading some local manufacturers to close factories.
Nine Chinese brands including BYD and Leapmotor are unveiling their latest models at this year's event, according to Paris auto show CEO Serge Gachot. That is the same as in 2022 when they made up almost half the brands present.
This year, they account for only about a fifth of the brands thanks to a much stronger showing from Europe's auto industry - a sign of its determination to defend its home turf.