ເສດຖະກິດຂອງຈີນ ຂະຫຍາຍຕົວ ຢູ່ທີ່ລະດັບຊ້າທີ່ສຸດ ໃນຮອບ
6 ປີ ໃນໄຕມາດແລ້ວນີ້ ອີງຕາມຂໍ້ມູນ ທີ່ໄດ້ຖືກເປີດເຜີຍໃຫ້ຊາບ
ໃນວັນພຸດມື້ນີ້ ທີ່ກໍ່ໃຫ້ເກີດມີຄວາມກັງວົນໃໝ່ຕ່າງໆ ກ່ຽວກັບ
ສະພາບເສດຖະກິດທີ່ໃຫຍ່ອັນດັບສອງຂອງໂລກ.
ການຂະຫຍາຍຕົວໄດ້ຫລຸດລົງ ສູ່ 7 ເປີເຊັນ ໃນໄຕມາດທຳອິດ
ຂອງປີ 2015 ຊຶ່ງລົດລົງຈາກ 7.3 ເປີເຊັນ ໃນໄຕມາດກ່ອນ
ໜ້ານີ້. ນັ້ນແມ່ນການຂະຫຍາຍຕົວປະຈຳໄຕມາດ ໃນອັດຕາ
ທີ່ຊ້າທີ່ສຸດ ນັບຕັ້ງແຕ່ ຕົ້ນປີ 2009 ເປັນຕົ້ນມາ ໃນລະຫວ່າງ
ຫຼັງຈາກ ເກີດວິກິດການ ທາງດ້ານການເງິນນັ້ນ.
ພັກຄອມມິວນິສຂອງຈີນ ໄດ້ກຳນົດ ເປົ້າໝາຍການຂະຫຍາຍຕົວໃນ ລະດັບລະຫວ່າງ ຢູ່
7 ເປີເຊັນ ສຳຫລັບປີ 2015. ໃນຂະນະທີ່ ອັດຕາຂອງການຂະຫຍາຍຕົວອອກນັ້ນ ແມ່ນ
ວ່າຈະໄວທີ່ສຸດ ໃນບັນດາເສດຖະກິດໃໜຍ່ໆ ຊຶ່ງມັນເປັນຈັງວະ ທີ່ຊ້າທີ່ສຸດ ໃນຮອບ 25
ປີຂອງຈີນ.
ໃນການສະແດງປະຕິກິລິຍາຕໍ່ຕົວເລກດັ່ງກ່າວ ໂຄສົກຂອງອົງການສະຖິຕິແຫ່ງຊາດ ຂອງ
ຈີນ ກ່າວໃນວັນພຸດມື້ນີ້ວ່າ ປັກກິ່ງ ໄດ້ຄາດໄວ້ແລ້ວ ສຳຫລັບການຊ້າລົງນັ້ນ. ທ່ານ ກ່າວ
ອີກວ່າ ລັດຖະບານ ໃຫ້ເຫດຜົນຕໍ່ເຫດນີ້ວ່າ “ການຟື້ນໂຕ ຂອງເສດຖະກິດໃນທົ່ວໂລກ
ຍັງຝືດເຄືອງ” ແລະ “ການປະຕິຮູບຕ່າງໆ ທາງໂຄງຮ່າງທີ່ມີຢູ່ຕໍ່ໄປ” ອີງຕາມອົງການ ສະຖິຕິແຫ່ງຊາດ.
Your browser doesn’t support HTML5
China Economy