ບໍລິສັດ Walt Disney ແລະຄູ່ລົງທຶນທີ່ນະຄອນຊຽງໄຮ້
ໄດ້ວາງສີລາເລີກເລີ້ມ ລົງມືກໍ່ສ້າງ ສວນມະຫາສະນຸກ
Disneyland ແຫ່ງທຳອິດໃນຈີນແຜ່ນດິນໃຫຍ່ ທີ່ໄດ້ມີ
ການລໍຄອຍຖ້າ ມາເປັນເວລາດົນນານແລ້ວນັ້ນ ໃນວັນ
ເສົາມື້ນີ້.
ລຸນຫຼັງການເຈລະຈາຫາລືເປັນເວລາເກືອບນຶ່ງທົດສະວັດ
ຫົວໜ້າຄະນະບໍລິຫານຂອງບໍລິສັດ Disney ທ່ານ Bob
Iger ແລະແຂກຜູ້ມີກຽດໃນນະຄອນຊຽງໄຮ້ກໍໄດ້ໄປຮ່ວມ
ພິທີວາງສີລາເລີກ ເລີ້ມລົງມືການກໍ່ສ້າງ ທີ່ຄຸ້ມ Pudong
ຂອງນະຄອນຊຽງໄຮ້.
ເປັນທີ່ຄາດກັນວ່າ ໂຄງການກໍ່ສ້າງທີ່ມີມູນຄ່າ 3 ພັນ
600 ລ້ານໂດລາທີ່ວ່ານີ້ຈະໃຊ້ເວລາ 5 ປີດ້ວຍກັນ.
ສວນມະຫາສະສຸກດັ່ງກ່າວຈະເປັນແຫ່ງທີ 4 ຂອງບໍລິສັດ Disney ທີ່ຕັ້ງຢູ່ນອກສະ
ຫະລັດ ຫຼັງຈາກໄດ້ມີການສ້າງສວນສະນຸກຂຶ້ນທີ່ກຸງປາຣີ ໂຕກຽວແລະ ຮົງກົງ.
ສວນສະນຸກທີ່ຮົງກົງບໍ່ຄ່ອຍໄດ້ກຳໄລປານໃດ ນັບແຕ່ໄດ້ມີການເປີດ ໃນປີ 2005 ເປັນ
ຕົ້ນມາ.
