ອົງການຂ່າວລັດຖະບານຂອງ ຈີນ ລາຍງານວ່າ ຕຳຫຼວດໄດ້ຈັບກຸມ 9 ຄົນທີ່ເຊື່ອມໂຍງ ກັບການທະຫຼົ່ມຂອງທໍ່ລະບາຍຄວາມຮ້ອນ ໃນສະຖານທີ່ໂຮງງານໄຟຟ້າ ທີ່ໄດ້ເຮັດໃຫ້ 74 ຄົນເສຍຊີວິດ.
ອົງການຂ່າວ Xinhua ກ່າວວ່າ ປະທານຄະນະກຳມະການ ຂອງບໍລິສັດວິສະວະກອນ Hebei Yineng ກໍແມ່ນໜຶ່ງໃນພວກທີ່ຖືກຈັບກຸມນັ້ນ.
ຈີນ ໄດ້ກ່າວວ່າ ໃນສັບປະດາທີ່ຜ່ານມາປະຊາຊົນ 13 ຄົນໄດ້ຖືກຈັບກຸມ. ມັນຍັງບໍ່ມີ ຄວາມຊັດເຈນໃນທັນທີວ່າ ຜູ້ຕ້ອງສົງໄສ 9 ຄົນໃນການປະກາດຂອງວັນຈັນມື້ນີ້ ແມ່ນ ລວມຢູ່ໃນຜູ້ຖືກຈັບກຸມທັງໝົດຫຼືບໍ່.
ການທະຫຼົ່ມຂອງທໍ່ລະບາຍຄວາມຮ້ອນໃນເແຂວງ Jiangxi ໄດ້ກະຕຸ້ນໃຫ້ມີການຮຽກ ຮ້ອງເພື່ອການກວດກາ ແລະ ປັບປຸງມາດຕະການຄວາມປອດໄພໃນການກໍ່ສ້າງທີ່ດິີກວ່າ ເກົ່າ.
ຈີນ ໄດ້ປະຕິຍານວ່າ ຈະປັບປຸງສະຖິຕິຄວາມປອດໄພໃນການກໍ່ສ້າງທີ່ ບໍ່ດີຂອງພວກເຂົາ ເຈົ້າໃຫ້ດີກວ່າເກົ່າ, ແຕ່ຄວາມບໍ່ພໍໃຈ ກ່ຽວກັບ ມາດຕະຖານທີ່ບໍ່ເຂັ້ມງວດ ແມ່ນໄດ້ສືບຕໍ່ມີ ເພີ່ມສູງຂຶ້ນ.
Your browser doesn’t support HTML5