ການກ້າວຂຶ້ນສູ່ເວທີເສດຖະກິດໂລກຂອງເຂດເອເຊຍແລະການແຂ່ງຂັນຍາດແຍ່ງເອົາຊັບ
ພະຍາກອນທີ່ມີເພີ່ມຂຶ້ນເຮັດໃຫ້ສະມາຄົມບັນດາປະຊາຊາດໃນເຂດເອເຊຍຕາເວັນອອກ
ສຽງໃຕ້ຫຼືອາຊ່ຽນທີ່ມີສະມາຊິກ 10 ປະເທດ ເປັນຜູ້ກຳນົດໂຄງຮ່າງດ້ານຄວາມໝັ້ນຄົງ
ເພື່ອຈະຫຼີກລ່ຽງບັນຫາຂັດແຍ້ງຕ່າງໆໂດຍສະເພາະແລ້ວຫຼັງຈາກໄດ້ເກີດຄວາມເຄັ່ງຕຶງ
ໃນເຂດທະເລຈີນໃຕ້ເມື່ອບໍ່ດົນມານີ້.
ສະມາຊິກຂອງອາຊ່ຽນ 4 ປະເທດປະກອບດ້ວຍຟີລິບປິນ ຫວຽດນາມ ມາເລເຊຍແລະ
ບຣູນາຍຕ່າງກໍໄດ້ອ້າງເອົາກຳມະສິດແຂ່ງກັບຈີນຢູ່ໃນບາງເຂດຂອງທະເລຈີນໃຕ້ທີ່ກ່າວ
ກັນວ່າອຸດົມສົມບູນໄປດ້ວຍບໍ່ນໍ້າມັນແລະບໍ່ແກັສທຳມະຊາດສຳຮອງນັ້ນ.
ຄວາມເຄັ່ງຕຶງລະຫວ່າງຈີນກັບຫວຽດນາມ ແລະເມື່ອໄວໆມານີ້ລະຫວ່າງຈີນກັບຟີລິບ
ປິນ ເຮັດໃຫ້ຂົງເຂດດັ່ງກ່າວ ມີຄວາມເປັນໄປໄດ້ ໃນການທີ່ຈະກາຍເປັນຈຸດລະເບີດໃນ
ການເກີດບັນຫາຂັດແຍ້ງຂຶ້ນ.
ທີ່ກອງປະຊຸມເວທີເສດຖະກິດໂລກ ຢູ່ທີ່ບາງກອກ ທ່ານສຸຣິນ ພິດສຸວັນ ເລຂາທິການ
ໃຫຍ່ຂອງສະມາຄົມອາຊ່ຽນ ກ່າວວ່າ ສະມາຄົມຂອງທ່ານຕ້ອງການຢາກຈະຊ່ອຍແກ້
ໄຂບັນຫາຂັດແຍ້ງປະເພດນີ້.
ທ່ານສຸຣິນອະດີດລັດຖະມົນຕີການຕ່າງປະເທດໄທກ່າວວ່າ ຈີນຮູ້ສຶກໂຕແລ້ວກ່ຽວກັບ
ຄວາມຮັບຜິດຊອບ ແລະຜົນປະໂຫຍດຂອງຕົນຢູ່ໃນຂົງເຂດ.
ທ່ານສຸຣິນກ່າວວ່າ “ບັນຫາຂອງພວກເຮົາກັບຈີນໃນເຂດທະເລຈີນໃຕ້ນັ້ນ ວິທີທາງ
ທີ່ດີທີ່ສຸດສຳຫຼັບອະນາຄົດຂ້າງໜ້າ ກໍຄືພວກເຮົາໄດ້ຕົກລົງກັບຈີນ ເພື່ອສະແດງໃຫ້
ໂລກເຫັນວ່າ ພວກເຮົາສາມາດແກ້ໄຂ ຄວາມເຫັນແຕກຕ່າງກັນລະຫວ່າງພວກເຮົາ
ໄດ້ ໂດຍປາສະຈາກການໃຊ້ຄວາມຮຸນແຮງແລະເກີດບັນຫາຂັດແຍ້ງຂຶ້ນ.”
ແຜນທີ່ທະເລຈີນໃຕ້
ທ່ານສຸຣິນເວົ້າວ່າ ຫຼັກການປະຕິ
ບັດ ເພື່ອເປັນທິດທາງນຳພາປະ
ເທດຕ່າງໆທີ່ເປັນຄູ່ແຂ່ງໃນການ
ອ້າງກຳມະສິດ ກໍຄືຈຸດໃຈກາງໃນ
ການສົນທະນາຫາລືພາຍໃນສະ
ມາຄົມອາຊ່ຽນ. ທ່ານກ່າວວ່າ
ຈີນຕ້ອງການຢາກມີບົດບາດສຳ
ຄັນໃນການກຳນົດຫຼັກການນຳ
ພາດັ່ງກ່າວນີ້.
ທ່ານສຸຣິນເວົ້າວ່າ “ອາຊ່ຽນຈະ
ສະເໜີເປັນບ່ອນອະພິປາຍ ອາ
ຊ່ຽນຈະສະເໜີ ເປັນເວທີ ເປັນ
ຂັ້ນຕອນແລະຊຸກຍູ້ແລະຂ້າພະ
ເຈົ້າຄິດວ່າ ໃນລະຫວ່າງທີ່ມີການດຳເນີນການຢູ່ນັ້ນ ພວກເຮົາສາມາດຄວບຄຸມ ອີກຄັ້ງນຶ່ງ
ບັນຫາຂັດແຍ້ງຕ່າງໆແລະພວກເຮົາສະແດງໃຫ້ໂລກເຫັນວ່າ ພວກເຮົາສາມາດຈັດການບໍ່
ໃຫ້ພວກເຮົາເກີດບັນຫາຂັດແຍ້ງຢ່າງເປີດແປນ. ນັ້ນກໍຄືຄວາມສຳເລັດຜົນທີ່ໃຫຍ່ອັນນຶ່ງຢູ່
ແລ້ວ.”
ສາດສະດາຈານ Zha Daojiong ແຫ່ງມະຫາວິທະຍາໄລປັກກິ່ງກ່າວວ່າ ບົດບາດຂອງ
ອາຊ່ຽນໃນການຫຼີກລ່ຽງບໍ່ໃຫ້ເກີດບັນຫາຂັດແຍ້ງນັ້ນແມ່ນມີຄວາມສຳຄັນ.
ສາດສະດາຈານ Zha ເວົ້າວ່າ “ອາຊ່ຽນແມ່ນຈຸດໃຈກາງທີ່ສຳຄັນ ກ່ຽວກັບການຮັກສາ
ຄວາມໝັ້ນຄົງ. ເປັນເຂດທີ່ມີຄວາມສຳຄັນຫຼາຍ ທີ່ຈະບໍ່ສາມາດເນັ້ນຢໍ້າເຖິງໄດ້. ຖ້າທ່ານ
ຫາກເບິ່ງໄປຍັງເຂດເອເຊຍ ໃນທຸກມື້ນີ້ແລ້ວພວກເຮົາແມ່ນໂຊກດີຫຼາຍ. ຈິດໃຈທີ່ວ່າບໍ່
ໄດ້ປະປ່ອຍໃຫ້ຊ່ອງທາງໃດບໍ່ມີການສຳຫຼວດເບິ່ງນັ້ນ ຈິດໃຈກ່ຽວກັບການປຶກສາຫາລື
ກັນແລະຈິດໃຈກ່ຽວກັບການດຳເນີນງານຮ່ວມກັນເພື່ອໃຫ້ປະເທດຂອງໃຜລາວເປັນລະ
ບຽບຮຽບຮ້ອຍນັ້ນ. ການເປັນເຈົ້າກີ້ເຈົ້າການໃນການໃຊ້ກຳລັງທະຫານເພື່ອແກ້ໄຂບັນ
ຫາຕ່າງໆຢູ່ໃນປະເທດອື່ນນັ້ນ ບໍ່ຄວນຈະເກີດຂຶ້ນຢູ່ໃນເຂດເອເຊຍນີ້.”
ສ່ວນນັກເສດຖະສາດ Rajiv Biswas ແຫ່ງອົງການ HIS ຂອງສິງກະໂປກ່າວວ່າ ໃນ
ຂະນະທີ່ເສດຖະກິດຂອງເອເຊຍເຕີບໃຫຍ່ຂະຫຍາຍໂຕຂຶ້ນຢູ່ນີ້ ການໃຊ້ຈ່າຍທາງດ້ານ
ທະຫານກໍພວມເພີ່ມຂຶ້ນເຊັ່ນກັນ ລື່ນສະຫະພາບຢູໂຣບແລະສະຫະລັດດ້ວຍ.
ທ່ານເວົ້າວ່າ ການສົນທະນາຫາລືກ່ຽວກັບຄວາມໝັ້ນຄົງໄລຍະຍາວ ແມ່ນມີຄວາມສຳ
ຄັນສຳຫຼັບຂົງເຂດ.
ທ່ານ Biswas ເວົ້າວ່າ “ດັ່ງນັ້ນຂ້າພະເຈົ້າຈຶ່ງຄິດວ່າ ໃນອະນາຄົດຂ້າງໜ້ານີ້ ຕ້ອງໄດ້
ມີການເຈລະຈາຫາລືກັນໃນເລື່ອງຄວາມໝັ້ນຄົງເພີ່ມຂຶ້ນ. ການເຕີບໃຫຍ່ຂະຫຍາຍໂຕ
ຂຶ້ນຂອງເສດຖະກິດໃນເອເຊຍຕ້ອງໄດ້ຕິດຕາມດ້ວຍການເສີມຂະຫຍາຍໂຄງຮ່າງດ້ານ
ຄວາມໝັ້ນຄົງ ຢູ່ໃນເຂດເອເຊຍປາຊີຟິກ ແລະເປັນທີ່ຈະແຈ້ງ ລັດຖະບານຂອງປະເທດ
ຕ່າງໆພວມມຸ່ງໜ້າໄປໃນທິດທາງນັ້ນ.”
ທ່ານ Biswas ກ່າວວ່າ ການຮວມເອົາປະເທດຕ່າງໆ ເຂົ້າເປັນພາຄີທາງດ້ານຄວາມ
ໝັ້ນຄົງແລະເສດຖະກິດເຊັ່ນວ່າສະຫະລັດແລະຣັດເຊຍນັ້ນ ອາຊ່ຽນແມ່ນໄດ້ບັນລຸຜົນ
ສຳເລັດອັນໃຫຍ່ຫຼວງໃນການເສີມສ້າງໂຄງຮ່າງຄວາມໝັ້ນຄົງຢູ່ໃນຂົງເຂດ.