ສິລະປະແມ່ນຫຍັງ? ມັນແມ່ນຄຳຖາມທີ່ເກົ່າແກ່ຫຼາຍ: ມັນແມ່ນການທາສີໃສ່ກະດານຜ້າ, ຮູບປັ້ນດິນເຜົາ ຫຼື ແກະສະຫຼັກບໍ? ສ່ວນທີ່ມ່ວນຂອງມັນກໍແມ່ນ, ສິລະປະສາມາດເປັນໄດ້ທຸກຢ່າງ ແລະ ແມ່ນກະທັ້ງຖືກສ້າງຂຶ້ນດ້ວຍເລື່ອຍໄຟຟ້າ. ນັ້ນແມ່ນເຄື່ອງມືຂອງນັກສິລະປະຄົນນຶ່ງຈາກລັດ ເວີຈີເນຍ ຂອງ ສະຫະລັດ. ແມັກຊິມ ອາດາມສ໌ ມີລາຍງານນີ້, ເຊິ່ງ ພຸດທະສອນ ຈະນຳລາຍລະອຽດມາສະເໜີທ່ານໃນອັນດັບຕໍ່ໄປ.
Your browser doesn’t support HTML5
ນັກສິລະປະເລື່ອຍໄຟຟ້າ ປ່ຽນແປງຕໍໄມ້ໃຫ້ເຫັນຜົນງານຊິ້ນເອກ
ລືມຟອຍທາສີໄປເລີຍ, ທ່ານ ແອນດຣູ ມາລລອນ ແມ່ນກຳລັງປະສົມສິລະປະກັບເລື່ອຍໄຟຟ້າຂອງລາວ, ດ້ວຍການປ່ຽນຕໍໄມ້ເກົ່າເປັນຜົນງານຊິ້ນເອກ.
ລາວໄດ້ທຳການແກະສະຫຼັກໄມ້ຫຼາຍກວ່າ 150 ອັນ, ເຊິ່ງສ່ວນຫຼາຍແມ່ນຢູ່ໃນສວນອຸດທະຍານ ແລະ ເດີ່ນບ້ານສ່ວນຕົວຂອງໝູ່ບ້ານຂອງລາວໃນພາກເໜືອຂອງລັດເວີຈິເນຍ.
ທ່ານ ມາລໂລ ກ່າວວ່າເປົ້າໝາຍຂອງລາວແມ່ນເຮັດໃຫ້ສະຖານທີ່ຕ່າງໆໜ້າສົນໃຈ ແລະ ເພີ່ມຄວາມວິເສດໃຫ້ມັນເລັກນ້ອຍ.
ທ່ານ ແອນດຣູ ມາລລອນ, ນັກສິລະປະກ່າວວ່າ “ເວລາໃດກໍຕາມທີ່ຂ້ອຍແລ້ວໂຄງການ, ເຈົ້າຈະສາມາດກ້າວຖອຍຫຼັງ ແລະ ເບິ່ງວ່າມັນສ້າງຜົນກະທົບຫຍັງແດ່ຕໍ່ໝູ່ບ້ານ ຫຼື ຊຸມຊົນອ້ອມຮອບ. ແລະ ທຸກຄົນຈະໄດ້ຮັບຄວາມມ່ວນຊື່ນຢ່າງຫຼວງຫຼາຍຈາກມັນ.”
ນາງ ຈີນນີ ໄຣເມີສ໌ ກ່າວວ່າ ທ່ານ ມາລລອນ ແມ່ນກຳລັງຊ່ວຍລາວປ່ຽນແປງເດີນບ້ານຂອງລາວ.
ນາງ ຈີນນີ ໄຣເມີສ໌, ຜູ້ອາໄສຢູ່ເມືອງ ຟອລສເຊີຈ໌ ກ່າວວ່າ “ຍ້ອນສາຍລວດພວກນີ້, ບໍລິສັດໄຟຟ້າຈະມາ ແລະ ຕັດຂ້າງນຶ່ງຂອງຕົ້ນໄມ້ນີ້… ແລະ ມັນໄດ້ເຮັດໃຫ້ທຸກຢ່າງງ່ຽງມາດ້ານນີ້. ສະນັ້ນ, ນຶ່ງໃນຜູ້ຕັດຕົ້ນໄມ້ໄດ້ບອກຂ້ອຍວ່າ, ເຈົ້າຄວນຕັດມັນລົງແທ້ໃດ! ແລະຂ້ອຍບອກວ່າ ບໍ່. ແລະ ຂ້ອຍກໍໄດ້ຖ່າຍຮູບມັນ ແລະ ສົ່ງມັນໄປໃຫ້ທ່ານ ແອນດຣູ, ແລະ ລາວໄດ້ເວົ້າວ່າ, ໃຫ້ເຂົາເຈົ້າຕັດຢູ່ເໜືອສັ້ນນັ້ນ, ແລ້ວຂ້ອຍຈະມາຫາເຈົ້າ ແລະ ລົມນຳເຈົ້າ!”
ທ່ານ ແອນດຣູ ມາລລອນ ກ່າວວ່າ “ຕົ້ນໄມ້ຕົ້ນນີ້ທີ່ຂ້ອຍກຳລັງເຮັດໃນມື້ນີ້ ຈະເປັນນົກ ຈິກກາດີ 5 ຫຼື 6 ໂຕ້ຕ່າງກັນ..”
ທ່ານ ມາລລອນ ກ່າວວ່າລາວໄດ້ເລີ່ມແກະສະຫຼັກໄມ້ແທ້ໆໃນປີ 2012. ໃນເວລານັ້ນ, ລາວໄດ້ເຮັດວຽກເປັນຊ່າງໄມ້ ແລະ ໃນຍາມຫວ່າງຂອງລາວ ກໍໄດ້ເລີ່ມແກະສະຫຼັກຂະໜາດນ້ອຍຈາກສໍເກົ່າ. ບໍ່ດົນຕໍ່ມາ, ທ່ານ ມາລລອນ ກໍໄດ້ຕັດສິນໃຈເຮັດສິ່ງທີ່ໃຫຍ່ຂຶ້ນ.. ແລະ ເປັນກໍການນຳມາເລື່ອຍອັນທຳອິດຂອງລາວ.”
ທ່ານ ແອນດຣູ ມາລອນ ກ່າວວ່າ “ການແກະສະຫຼັກດ້ວຍເລື່ອຍແມ່ນຄ້າຍຄືກັບການຜ່າຕັດສະໝອງ. ເຈົ້າຈະຕ້ອງລະວັງຫຼາຍໆກັບທຸກຢ່າງທີ່ເຈົ້າເຮັດ, ເຈົ້າຕ້ອງຄວບຄຸມຈັກຂະໜາດໃຫຍ່ນີ້ໃຫ້ໄດ້.”
ທຸກມື້ນີ້ລາວເຮັດວຽກກັບເລື່ອຍ 10 ອັນແຕກຕ່າງກັນ, ເຄື່ອງຈັກບົດ, ເຄື່ອງຕັດ ແລະ ສິ່ວ. ທ່ານ ມາລລອນ ກ່າວວ່າລາວເຮັດວຽກຂອງລາວ 90 ເປີເຊັນດ້ວຍເລື່ອຍ. ອັນໃຫຍ່ທີ່ສຸດແມ່ນເພື່ອເຮັດໃຫ້ຕໍລຽບ, ຕໍ່ມາລາວກໍຈະໃຊ້ອັນນ້ອຍລົງສຳລັບວຽກທີ່ລະອຽດຂຶ້ນ. ລາວປິດທ້າຍດ້ວຍການໃຊ້ໄຟຈູດໄມ້ໃຫ້ແຫ້ງ, ຕໍ່ມາກໍໃຊ້ກະດາດຊາຍຂັດຮູບແກະສະຫຼັກ ແລະ ທາງສີເຄືອບເພື່ອປ້ອງກັນ.
ໃນປີ 2016, ທ່ານ ມາລລອນ ໄດ້ກໍ່ຕັ້ງບໍລິສັດ AM Scupture, ແລະ ຄວາມຫຼົງໄຫຼຂອງລາວກໍໄດ້ກາຍເປັນທຸລະກິດ. ຜະລິດຕະພັນແກະສະຫຼັກແຕ່ລະອັນມີລາຄາລະຫວ່າ 3000 ຫາ 5000 ໂດລາ.
ພອນສະຫວັນຂອງລາວ ໄດ້ພາລາວໄປທ່ຽວອ້ອມໂລກ, ແລະ ລາວກໍໄດ້ເຂົ້າຮ່ວມໃນການແຂ່ງຂັນຫຼາຍຄັ້ງ ແລະ ລາຍການຂອງຊ່ອງໂທລະພາບ Discovery ຊື່ວ່າ A Cut Above, ບ່ອນທີ່ນັກສິລະປະ 12 ຄົນໄດ້ແຂ່ງຂັນກັນເພື່ອໄຊຊະນະ, ດ້ວຍການໃຊ້ເລື່ອຍໄຟຟ້າ ແລະ ຄວາມສ້າງສັນ.
ທ່ານ ແອນດຣູ ມາລລອນ ກ່າວວ່າ “ໂລກແກະສະຫຼັກດ້ວຍເລື່ອຍໄຟຟ້າ ໄດ້ເປີດປະຕູຫຼາຍດ້ານສຳລັບຂອ້ຍ.”
ທ່ານ ມາລລອນ ກ່າວວ່າລາວກຳລັງເຮັດສິ່ງທີ່ລາວຮັກ ແລະ ໄດ້ກາຍເປັນສ່ວນທີ່ສຳຄັນຂອງຊຸມຊົນ.
ທ່ານ ແອນດຣູ ມາລລອນ ກ່າວວ່າ “ຂ້ອຍໄດ້ເຮັດຫໍປະສາດຂະໜາດໃຫຍ່ ຫຼາຍປີທີ່ຜ່ານມາ ຢູ່ແຈຂອງບ້ານຄົນບາງຄົນ. ແລະ ພວກເດັກນ້ອຍກໍໄດ້ພາກັນມາເບິ່ງທຸກມື້, ເຂົາເຈົ້າເອົາຮູບແກະສະຫຼັກຂະໜາດນ້ອຍໃສ່ມັນ ແລະ ເຂົາເຈົ້າກໍຫຼິ້ນ.”
ໃນອະນາຄົດ, ຄວາມຝັນຂອງທ່ານ ມາລລອນ ກໍແມ່ນສ້າງສວນແກະສະຫຼັກ ບ່ອນທີ່ຜູ້ມາຢ້ຽມຢາມ ຈະສາມາດມີຄວາມປະທັບໃຈກັບວຽກງານທຸກອັນຂອງລາວຢູ່ບ່ອນດຽວ.
ອ່ານລາຍງານນີ້ເປັນພາສາອັງກິດ
Forget paintbrushes - Andrew Mallon is making art with his chainsaw, transforming old tree stumps into masterpieces.
He has created over 150 wooden sculptures, most of which are in parks and
the private yards of his neighbors in northern Virginia.
Mallow says his aim is to liven up places and add a little magic to them.
“Whenever I finish a project, you can really step back and see what an impact it makes on the neighborhood or the community around it. And everybody gets a lot of joy out of it!”
Jeannie Reimers says Mallon is helping her transform her yard.
"Because of these wires, the electric company would come through and shave up one side of this tree… And it made everything else fall this way. So, one of the tree people told me, ‘You should really take the tree down!’ And I said no. And I took a picture of it and sent it to Andrew, and he said, ‘Have them cut it above the notch, and then I’ll come and talk to you!”
"This tree that I’m working on today is going to be five or six different chickadees…”
Mallon says he really began woodworking in 2012. Back then, he worked as a carpenter and during his free time started carving small figurines from old pencils. Soon enough, Mallon decided to go big... and bought his first chainsaw.
"Chainsaw carving is kind of like brain surgery. You have to be really careful with everything you’re doing, you have to really control this big machine.”
Today he works with 10 different chainsaws, grinding machines, cutters and chisels. Mallon says he does 90% of the work with a chainsaw. The largest one smooths out the stump, then he goes smaller and smaller for the more detailed work. He finishes off with a torch to dry off the wood, then sands the sculpture and puts a protective coating on top.
In 2016, Mallon founded a company called AM Sculptures, and his passion has become a business. Each sculpture he makes costs between $3000-$5000.
His talent has taken him around the world,
and he has competed in numerous competitions and a Discovery channel TV show called A Cut Above, where 12 artists fought for victory, armed with chainsaws and creativity.
“The chainsaw carving world has really opened up a lot of doors for me.”
Mallon says he is doing what he loves and has become an important part of the community.
"[[I made]] a really large castle years ago on a corner lot
of somebody’s house. And kids come by every day, they put little figurines on it and they play…”
In the future, Mallon dreams of creating a sculpture garden where visitors will be able to admire his work all in one place.