ລັດຖະມົນຕີກະຊວງປ້ອງກັນປະເທດສະຫະລັດ ທ່ານ Ash
Carter ໄດ້ກ່າວວ່າ ປະທານາທິບໍດີ ສະຫະລັດ ທ່ານ Barack
Obama ໄດ້ກ່າວຢ້ຳຕໍ່ກອງທັບ ເຖິງຄວາມຈຳເປັນ ທີ່ຈະຕ້ອງ
ໄດ້ເພີ້ິ້ມການໂຈມຕີຕໍ່ກຸ່ມລັດອິສລາມ ແລະສະຫະລັດ ແມ່ນໄດ້
ຮຽກຮ້ອງຂໍຄວາມຊ່ອຍເຫຼືອເພີ້ມຂຶ້ນ ຈາກບັນດາປະເທດພາຄີ
ໃນແນວໂຮມ ເພື່ອຕ້ານຢັນກຸ່ມຫົວຮຸນແຮງດັ່ງກ່າວໃນອີຣັກ
ແລະຊີເຣຍ.
“ພວກເຮົາມີຄວາມຈຳເປັນທີ່ຈະລະບຸ ແລະຫລັງຈາກນັ້ນ
ກໍທຳການປະຕິບັດ ໃນທຸກໆວິທີທາງ ທີ່ຈະເພີ້ມການໂຈມຕີ
ເພື່ອເອົາຊະນະກຸ່ມ ISIL ຊຶ່ງທ່ານເອີ້ນເປັນຊື່ຫຍໍ້ ຂອງກຸ່ມລັດອິສລາມ.” ທ່ານ Carter ກ່າວຕໍ່ພວກນັກຂ່າວກ່ອນທີ່ທ່ານຈະບິນໄປຍັງເທີກີ ເພື່ອໂອ້ລົມໃນການໃຫ້ການຊ່ອຍເຫຼືອເພີ້ມຂຶ້ນ ກ່ຽວກັບການໂຈມຕີຕໍ່ກຸ່ມຫົວຮຸນແຮງດັ່ງກ່າວ.
ລັດຖະມົນຕີກະຊວງປ້ອງກັນປະເທດສະຫະລັດ ທ່ານ Ashton Carter ຂຶ້ນກ່າວຄຳປາໄສ ໃນລະຫວ່າງ ກອງປະຊຸມ ຂອງສະຖາບັນການສຶກສາຄົ້ນຄວ້າ ຂອງການວາງແຜນຍຸດທະສາດນາໆຊາດ ທີ່ປຶກສາກັນທີ່ Shangri-la ຫຼື IISS, ກອງປະຊຸມການປ້ອງກັນສຸດຍອດເອເຊຍ, 30 ພຶດສະພາ, 2015.
ທ່ານກ່າວວ່າ “ພວກເຂົາເຈົ້າ ໃຫ້ການຕ້ອນຮັບຕໍ່ພວກເຮົາທີ່ຖານທັບອາກາດ Incirlik
ຊຶ່ງເປັນການປະກອນສ່ວນທີ່ສຳຄັນຍິ່ງ ແຕ່ມັນຍັງມີອີກຫຼາຍໆເລື້ອງ ທີ່ຈະຕ້ອງໄດ້ເຮັດ ໄດ້ກະທຳ ນອກເໜືອຈາກການຕ້ອນຮັບກອງກຳລັງຂອງພວກເຮົາ ແລະກອງກຳລັງແນວໂຮມ. ພວກເຮົາ ຕ້ອງການໃຫ້ກອງກຳລັງເທີກີ ປະກອບສ່ວນໃນການໂຈມຕີທາງອາກາດ ແລະທາງພາກພື້ນດິນ ເທົ່າທີ່ເຫັນສົມມາພາຄວນ.”
ທ່ານ Carter ໄດ້ກ່າວວ່າ ບັນດາຜູ້ບັນຊາການກອງທັບສະຫະລັດແມ່ນກຳລັງດຳເນີນງານ ກ່ຽວກັບກົນລະຍຸດ ແລະຍຸດທະສາດອັນໃໝ່ ຄຽງຄູ່ໄປກັບການຫາຊ່ອງທາງເພີ້ມຄວາມພະ ຍາຍາມໃນການປະຕິບັດງານຂອງແນວໂຮມ.
ທ່ານຍັງໄດ້ກ່າວອີກວ່າ “ພວກ ເຮົານັ້ນແມ່ນໄດ້ອອກແບບ ວາງແຜນການ ແລະປະຕິບັດງາຍ ໃນການເພີ້ມການໂຈມຕີໃນທຸກໆບາດກ້າວ ມາເປັນເວລາດົນນານສົມຄວນແລ້ວ. ພວກເຮົາຍັງມີຄວາມຈຳເປັນທີ່ຈະເຮັດເພີ້ມອີກ ແລະນັ້ນ ແມ່ນສິ່ງນຶ່ງທີ່ປະທານາທິບໍດີສະຫະລັດ ໄດ້ກ່າວຢ້ຳ.”
ທ່ານ ໂອບາມາ ໄດ້ກ່າວໃນວັນຈັນວານນີ້ວ່າ ທ່ານ “ມີຄວາມໝັ້ນໃຈ” ວ່າການໂຈມຕີຂອງແນວໂຮມທີ່ນຳພາໂດຍສະຫະລັດ ຈະເປັນຜູ້ຊະນະແລະຍັງໄດ້ກ່າວເພີ້ມຕື່ມວ່າ ກຸ່ມຫົວຮຸນ ແຮງ ແມ່ນໄດ້ສູນເສຍພື້ນທີ່ ແລະພວກຜູ້ນຳຂອງພວກເຂົາ ແມ່ນບໍ່ມີບ່ອນລີ້ຊ່ອນແລ້ວ.
Your browser doesn’t support HTML5
Obama to Americans: Islamic State is Losing