ນາຍົກລັດຖະມົນຕີໄທ ທ່ານນາງຍິ່ງລັກ ຊິນນະວັດ ເດີນທາງໄປຢ້ຽມຢາມກຳປູເຈຍໃນວັນ
ພະຫັດມື້ນີ້ ໃນຄວາມຫວັງເພື່ອຢາກປັບປຸງຄວາມສຳພັນໃຫ້ເປັນປົກກະຕິລຸນຫຼັງທີ່ໄດ້ເກີດ ການປະທະກັນຢ່າງຮຸນແຮງມາເປັນລຳດັບຢູ່ຕາມບໍລິເວນຊາຍແດນນັ້ນ.
ທ່ານນາງຍິ່ງລັກທີ່ເຂົ້າຮັບຕຳແໜ່ງໃນເດືອນແລ້ວນີ້ ມີກຳນົດຈະເຈລະຈາຫາລືກັບນາຍົກ
ລັດຖະມົນຕີຮຸນເຊນ ລຸນຫຼັງພິທີຕ້ອນຮັບ ທີ່ນະຄອນຫຼວງພະນົມເປັນ ແລະຫຼັງຈາກນັ້ນ ທ່ານນາງກໍຈະເຂົ້າເຝົ້າກະສັດນະໂຣດົມ ສີຫະມຸນີ ທີ່ພະລາດຊະວັງເຂັມມະຣິນ.
ລັດຖະບານຂອງປະເທດທັງສອງ ຕ່າງກໍກ່າວວ່າ ຕົນມີຄວາມສົນໃຈ ໃນການທີ່ຈະຟື້ນຟູ
ຄວາມສະຫງົບ ລຸນຫຼັງທີ່ໄດ້ເກີດການປະທະກັນ ຢູ່ຕາມບໍລິເວນຊາຍແດນໃນປີນີ້ ທີ່ເຮັດ
ໃຫ້ມີຜູ້ເສຍຊີວິດ 28 ຄົນ ແລະຊາວບ້ານອີກຫລາຍໆພັນຄົນ ຕ້ອງໄດ້ອົບພະຍົບຫຼົບໜີ.
ຄວາມສຳພັນລະຫວ່າງປະເທດທັງສອງເລີ້ມດີຂຶ້ນຢ່າງວ່ອງໄວແບບບໍ່ໜ້າເຊື່ອຫຼັງຈາກທ່ານ ນາງຍິ່ງລັກເຂົ້າຮັບຕຳແໜ່ງແທນລັດຖະບານຂອງອະດີດນາຍົກລັດຖະມົນຕີອະພິຊິດ ເວດ
ຊາຊີວະ.