ນັກຊ່ຽວຊານຄົນນຶ່ງຂອງອົງການສະຫະປະຊາຊາດກ່າວວ່າ ກຳປູເຈຍພວມທຳຄວາມກ້າວ
ໜ້າໃນການເຄົາລົບນັບຖືສິດທິຂອງພົນລະເມືອງຂອງຕົນ ແຕ່ຍັງມີວຽກງານເພີ່ມຕື່ມອີກທີ່
ຈະຕ້ອງໄດ້ເຮັດ.
ນອກນັ້ນແລ້ວ ທ່ານ Surya Subedi ຜູ້ຂຽນລາຍງານພິເສດຂອງອົງການສະຫະປະຊາ
ຊາດຍັງໄດ້ຮຽກຮ້ອງ ໃນລະຫວ່າງການໃຫ້ສຳພາດ ໃຫ້ລັດຖະບານກຳປູເຈຍຫຼີກເວັ້ນຈາກ
ການເຂົ້າແຊກແຊງໃນການປະຕິບັດວຽກງານຂອງສານອາຍານນາໆຊາດ ທີ່ພວມດຳເນີນ ຄະດີອະດີດພວກຜູ້ນຳຂອງອຳນາດການປົກຄອງຂະເໝນແດງທີ່ຂ້າລ້າງເຊື້ອຊາດເຜົ່າພັນ.
ທ່ານ Subedi ກ່າວຕໍ່ວີໂອເອ ພະແນກພາສາຂະແມວ່າ ຄຸນນະພາບຊີວິດຂອງຊາວກຳປູ
ເຈຍສ່ວນໃຫຍ່ແມ່ນດີຂຶ້ນແຕ່ສະຖານະການພາຍໃນປະເທດຄວນຈະດີຂຶ້ນຫຼາຍກວ່າທີ່ເປັນ
ຢູ່ ໃນເວລານີ້.