ນາຍົກລັດຖະມົນຕີກຳປູເຈຍ ທ່ານຮຸນເຊນ ກຳລັງປະເຊີນໜ້າກັບການກົດດັນທາງດ້ານ
ເສດຖະກິດ ເພື່ອໃຫ້ຕ່າວປີ້ນການປາບປາມ ພວກຝ່າຍຄ້ານ ຫວ່າງບໍ່ດົນມານີ້ ແລະການ
ກົດຂີ່ຕໍ່ອິດສະຫຼະພາບຂັ້ນພື້ນຖານ ຢູ່ໃນປະເທດຂອງທ່ານ.
ກຳປູເຈຍພວມປະເຊີນໜ້າກັບການພັງທະລາຍລົງ ຂອງເສດຖະກິດ ຍ້ອນສະຫະພາບ
ຢູໂຣບ ຈະຖອນຖານະພິເສດ ຊຶ່ງມີທ່າທາງວ່າ ຈະບັງຄັບໃຫ້ຜູ້ນຳຂອງກຳປູເຈຍ ຕ້ອງ
ໄດ້ຖອຍຄືນ ຈາກການແກ່ຍາວໃນການປາບປາມທາງດ້ານການເມືອງ ອີງຕາມຄຳເວົ້າ
ຂອງພວກນັກສັງເກດການ ແລະ ກຸ່ມແຮງງານທີ່ໄດ້ກ່າວໄວ້.
ພວກພະນັກງານຕັດຫຍິບ ຂອງກຳປູເຈຍ ພາກັນຫຍິບເຄື່ອງຢູ່ໃນໂຮງງານ ໃນນະຄອນຫຼວງ ພະນົມເປັນ, ວັນທີ 4 ສິງຫາ 2007.
ສະຫະພາບຢູໂຣບ ແຈ້ງໃຫ້ກຳປູເຈຍຊາບ ໃນວັນສຸກແລ້ວນີ້ວ່າ ຕົນຈະສູນເສຍການ
ຍົກ ເວັ້ນພາສີ ໃນການເຂົ້າເຖິງ ຕະຫຼາດທີ່ໃຫຍ່ທີ່ສຸດຂອງໂລກ ພາຍໃນເວລາ 12
ເດືອນ ຍ້ອນການ “ລ່ວງລະເມີດ ຢ່າງເປີດແປນ” ຕໍ່ມາດຕະຖານດ້ານສິດທິມະນຸດ
ແລະ ສິດທິໃນດ້ານແຮງງານ ທີ່ໄດ້ຄັດຕິດໄວ້ ໃນການຍົກເວັ້ນພາສີ ທີ່ຕົນໄດ້ອະນຸມັດ
ໃຫ້ແກ່ປະເທດທີ່ກຳລັງພັດທະນາດັ່ງກ່າວ.
ນອກຈາກວ່າ ລັດຖະບານກຳປູເຈຍຈະເອົາມາດຕະການສຳຄັນ ເພື່ອແກ້ໄຂ ສະພາບ
ຖອຍຄືນໄປສູ່ຜະເດັດການ ຮວມທັງອະນຸຍາດໃຫ້ພັກຝ່າຍຄ້ານທີ່ຖືກຫ້າມເປີດຄືນອີກ
ໃນໄລຍະ 6 ເດືອນ ຕໍ່ໜ້າ ຖານະພິເສດ “ທຸກໆຢ່າງຍົກເວັ້ນອາວຸດ” ກໍຈະຖືກຖອນ.
ນັກເສດຖະສາດການເມືອງໂສພາດ ເອຍນ ຜູ້ຊ່ວຍສາສະດາຈານ ທີ່ສອນວິຊາການທູດ
ແລະ ກິດຈະການຂອງໂລກ ທີ່ມິຫາວິທະຍາໄລອັອກຊີເດັນຕາລ ຢູ່ນະຄອນ ລອສ
ແອນເຈີລິສກ່າວວ່າ “ນີ້ອາດເປັນຄວາມຫາຍຍານະ ຂ້າພະເຈົ້າ ໝາຍຄວາມວ່າ ຖ້າ
ຂ້າພະເຈົ້າເປັນຜູ້ລົງທຶນ ທີ່ເບິ່ງໄປຍັງບາງພາກສ່ວນ ຂອງອຸດສາຫະກຳຕັດຫຍິບ
ຂ້າພະເຈົ້າຈະມີຄວາມກັງວົນເປັນຢ່າງຍິ່ງໃນເວລານີ້.”