ລັດຄາລິຟໍເນຍ ເອົາບາດກ້າວທຳອິດ ເພື່ອປົກປ້ອງນະໂຍບາຍຕ່າງໆຈາກທ່ານ ທຣຳ

ລັດຄາລິຟໍເນຍ ໃນອາທິດທີ່ຜ່ານມາ ໄດ້ເລີ້ມດໍາເນີນການເບື້ອງຕົ້ນ ໃນການປົກປ້ອງນະໂຍບາຍທີ່ກ້າວຫນ້າຂອງລັດຕໍ່ສິ່ງທ້າທາຍທີ່ຄາດການໄວ້ຈາກລັດຖະບານຂອງທ່ານ ທຣໍາ ທີ່ກຳລັງຈະເຂົ້າມາ. ແມັທ ດິບເບີລ (Matt Dibble), ນັກຂ່າວວວີໂອເອ ມີລາຍງານມາຈາກເມືອງຫຼວງຂອງລັດ ໃນເມືອງ ຊາຄຣາເມັນໂຕ (Sacramento). ເຊິ່ງພວກເຮົາຈະນໍາສະເໜີລາຍລະອຽດໃນອັນດັບຕໍ່ໄປ.

ບັນດາສະມາຊິກສະພາຂອງລັດຄາລິຟໍເນຍ ໄດ້ມາເຕົ້າໂຮມກັນຢູ່ທີ່ຫໍສະພາ ໃນ ເມືອງ ຊາຄຣາເມັນໂຕ (Sacramento) ໃນວັນຈັນທີ່ຜ່ານມາ ສຳລັບກອງປະຊຸມສຸກເສີນເພື່ອປົກປ້ອງນະໂຍບາຍຂອງລັດຕໍ່ສິ່ງທ້າທາຍທີ່ຄາດການໄວ້ຈາກລັດຖະບານຂອງທ່ານ ທຣໍາ ທີ່ກຳລັງຈະເຂົ້າມາ.

ປະທານສະພາຂອງລັດ ທ່ານ ໂຣເບີທ ຣີວາສ (Robert Rivas) ກ່າວວ່າ ສະພາ ຕ້ອງກະກຽມສຳລັບການຕໍ່ສູ້ທາງກົດໝາຍກັບລັດຖະບານກາງ.

ທ່ານ ໂຣເບີທ ຣີວາສ (Robert Rivas), ປະທານສະພາແຫ່ງລັດຄາລິຟໍເນຍ:

"ຖ້າກຸ່ມຄົນ LGBTQ ຖືກໂຈມຕີ, ຖ້າບັນດາຄົນເຂົ້າເມືອງທີ່ເຮັດວຽກຫນັກຕົກເປັນເປົ້າຫມາຍ, ຖ້າເສລີພາບການຈະເລີນພັນຂອງແມ່ຍິງຖືກຂົ່ມຂູ່, ພວກເຮົາຈະຕໍ່ສູ້ຄືນ ດ້ວຍທຸກສິ່ງທຸກຢ່າງທີ່ພວກເຮົາມີ."

ໃນລະຫວ່າງການເປັນປະທານາທິບໍດີສະໄໝທຳອິດ ຂອງທ່ານ ທຣໍາ, ລັດຄາລິຟໍເນຍ ໄດ້ຮ້ອງຟ້ອງລັດຖະບານຫຼາຍກວ່າ 120 ຄັ້ງ, ເຊິ່ງໄດ້ປະສົບຜົນສໍາເລັດໃນການປົກປ້ອງນະໂຍບາຍຄົນເຂົ້າເມືອງ, ມາດຕະຖານການປ່ອຍອາຍພິດຂອງຍານພາຫະນະ ແລະການເຂົ້າເຖິງການດູແລສຸຂະພາບ ຂອງລັດ.

ໃນລະຫວ່າງການໂຄສະນາຫາສຽງ, ທ່ານ ທຣໍາ, ອີກເທື່ອນຶ່ງ, ໄດ້ໃຫ້ຄໍາຫມັ້ນສັນຍາວ່າ ຈະລົບລ້າງຄວາມສາມາດຂອງລັດຄາລີຟໍເນຍ ໃນການຄວບຄຸມມົນລະພິດຂອງຍານພາຫະນະ, ແລະຈະເນລະເທດຄົນເຂົ້າເມືອງທີ່ບໍ່ໄດ້ຮັບອະນຸຍາດທັງຫມົດ ອອກນອກປະເທດ. ນອກຈາກນີ້, ທ່ານຍັງໄດ້ຂົ່ມຂູ່ວ່າຈະກັກເງິນຊ່ວຍເຫຼືອດ້ານໄພພິບັດໄວ້ ຖ້າຫາກລັດດັ່ງກ່າວ ຕໍ່ຕ້ານນະໂຍບາຍຂອງທ່ານ.

ຜູ້ປົກຄອງລັດຄາລິຟໍເນຍ ທ່ານ ແກວິນ ນິວຊໍາ (Gavin Newsom), ເຊິ່ງຮຽກຮ້ອງໃຫ້ມີການປະຊຸມຄັ້ງນີ້, ກໍາລັງຮ້ອງຂໍໃຫ້ສະພານິຕິບັນຍັດສະໜອງເງິນເພີ່ມເຕີມອີກ 25 ລ້ານໂດລາ ສໍາລັບກອງທຶນປ້ອງກັນທາງດ້ານກົດຫມາຍຂອງລັດ.

ທ່ານນາງ ຊາເດ ເອລຮາວາຣີ (Sade Elhawary), ຜູ້ແທນຂອງລັດຄາລິຟໍເນຍ:

“ມັນເປັນສິ່ງທີ່ສຳຄັນແທ້ໆ ທີ່ພວກເຮົາຕ້ອງເຮັດທຸກສິ່ງທຸກຢ່າງທີ່ພວກເຮົາສາມາດເຮັດໄດ້ ເພື່ອກະກຽມຄວາມພ້ອມ, ເພື່ອໃຫ້ແທດເໝາະກັບສິ່ງທີ່ຈະເປັນການຕໍ່ສູ້ຄັ້ງໃຫຍ່ຄັ້ງນຶ່ງ. ໃນເວລາດຽວກັນ, ພວກເຮົາ ກໍຕ້ອງດຸ່ນດ່ຽງຄວາມຈຳເປັນໃນການຕໍ່ສູ້ທາງກົດໝາຍເຫລົ່ານີ້ຈຳນວນນຶ່ງ ກັບບັນດາບຸລິມະສິດທີ່ຈຳເປັນ ເພື່ອຮັບປະກັນວ່າ ພວກເຮົາກຳລັງສະໜັບສະຫນູນຄວາມຕ້ອງການໃນຊີວິດປະຈຳວັນ, ທີ່ຢູ່ອາໄສ, ການບໍ່ມີທີ່ຢູ່ອາໄສ ຂອງຊຸມຊົນຂອງພວກເຮົາ."

ກອງທຶນທາງດ້ານກົດຫມາຍທີ່ຖືກສະເຫນີ ແມ່ນຈະມີຂຶ້ນໃນຊ່ວງເວລາທີ່ລັດຄາລິຟໍເນຍ ກໍາລັງປະເຊີນກັບການຂາດດຸນງົບປະມານທີ່ເພີ່ມຂຶ້ນ, ເຊັ່ນດຽວກັນກັບຄວາມຢ້ານກົວວ່າ ເສດຖະກິດຂອງລັດ ຈະຊຸດໂຊມລົງພາຍໃຕ້ການນຳພາຂອງ ທ່ານ ທຣໍາ.

ເຖິງຢ່າງໃດກໍ່ຕາມ, ດ້ວຍສຽງສ່ວນຫຼາຍທີ່ເປັນຝ່າຍເດໂມແຄຣັດ, ການປົກປ້ອງຄ່ານິຍົມທີ່ກ້າວຫນ້າຂອງລັດ ຈຶ່ງຄາດວ່າຈະໄດ້ຮັບການສະຫນັບສະຫນູນຢ່າງກວ້າງຂວາງ.

ແຕ່ທ່ານ ເຈມສ໌ ກາລແລເກິ (James Gallagher) ຜູ້ນຳສຽງສ່ວນໜ້ອຍພັກຣີພັບບລິກັນ ໃນສະພາຂອງລັດ ກ່າວວ່າ ການກະກຽມເພື່ອຕໍ່ສູ້ກັບລັດຖະບານກາງແມ່ນເປັນແນວທາງທີ່ຜິດພາດ.

ທ່ານ ເຈມສ໌ ກາລແລເກິ (James Gallagher), ຜູ້ແທນຂອງລັດຄາລິຟໍເນຍ:

"ຂ້າພະເຈົ້າໄດ້ສົ່ງຈົດຫມາຍໄປຫາປະທານາທິບໍດີ ທຣໍາ, ແລະຂ້າພະເຈົ້າບອກວ່າ, 'ສະບາຍດີ, ມີຊາວຄາລິຟໍເນຍ ຈໍານວນຫຼາຍຢູ່ທີ່ນີ້ ແລະເຈົ້າຫນ້າທີ່ເລືອກຕັ້ງທີ່ຕ້ອງການເຮັດວຽກກັບທ່ານ, ແລະໂດຍສະເພາະຢ່າງຍິ່ງ ໃນດ້ານການປ້ອງກັນໄຟປ່າ, ຄ່ານໍ້າ, ທີ່ຢູ່ອາໄສ, ພະລັງງານ."

ຢູ່ຂ້າງນອກຫໍສະພາ, ບັນດາຜູ້ປະທ້ວງໄດ້ພາກັນເດີນຂະບວນ, ເພື່ອດຶງດູດຄວາມສົນໃຈໄປທີ່ໄພຂົ່ມຂູ່ທີ່ເກີດຈາກການສະເໜີໃຫ້ເນລະເທດຄັ້ງໃຫຍ່ຂອງທ່ານ ທຣໍາ. ລັດຄາລິຟໍເນຍ, ເຊິ່ງມີຄົນເຂົ້າເມືອງທີ່ບໍ່ໄດ້ຮັບອະນຸຍາດ ປະມານ 1.8 ລ້ານຄົນ, ຖືເປັນ "ລັດຫຼົບໄພ" ແລະໄດ້ປະຕິເສດທີ່ຈະໃຫ້ການຊ່ວຍເຫຼືອຕໍ່ຄວາມພະຍາຍາມໃນການເນລະເທດຂອງລັດຖະບານກາງໃນອະດີດ.

ສະມາຊິກສະພາຈາກພັກຣີພັບບລີກັນ ທ່ານ ບີລ ເອັສເຊລີ (Bill Essayli) ກ່າວວ່າ ເລື່ອງນີ້ຕ້ອງຢຸດຕິລົງ.

ທ່ານ ບີລ ເອັສເຊລີ (Bill Essayli), ຜູ້ແທນຂອງລັດຄາລິຟໍເນຍ:

"ຄວາມໝັ້ນຄົງທາງດ້ານຊາຍແດນ, ນະໂຍບາຍຄົນເຂົ້າເມືອງ, ນັ້ນບໍ່ແມ່ນບັນຫາຂອງລັດ. ພວກເຮົາບໍ່ສາມາດມີ 50 ລັດທີ່ມີນະໂຍບາຍຄົນເຂົ້າເມືອງທີ່ແຍກກັນຢູ່ໃນສະຫະລັດໄດ້. ພວກເຮົາຕ້ອງມີນະໂຍບາຍດຽວ."

ທ່ານ ເດວິດ ຄາຣຣີລໂລ (David Carrillo), ຈາກໂຮງຮຽນກົດໝາຍ ເບີກເລີ (Berkeley) ຢູ່ມະຫາວິທະຍາໄລຄາລິຟໍເນຍ ກ່າວວ່າ ອຳນາດທີ່ມອບໃຫ້ກັບບັນດາລັດຕ່າງໆໃນການຕໍ່ຕ້ານການເຂົ້າມາກ້າວກ່າຍຂອງລັດຖະບານກາງ ໄດ້ຖືກນຳໃຊ້ນັບຕັ້ງແຕ່ການຮ່າງລັດຖະທຳມະນູນຂອງສະຫະລັດ ແລະ ມີຈຸດປະສົງເພື່ອປົກປ້ອງພົນລະເມືອງ.

ທ່ານ ເດວິດ ເອ. ຄາຣຣີລໂລ (David A. Carrillo), ຈາກສູນລັດຖະທຳມະນູນຂອງລັດຄາລິຟໍເນຍ ກ່າວຜ່ານທາງ ສໄກປ໌ ວ່າ:

"ໃນລະດັບໃດນຶ່ງ, ຄວາມຂັດແຍ້ງລະຫວ່າງລັດ ແລະລັດຖະບານກາງ ແມ່ນຮູບແບບນຶ່ງ, ບໍ່ແມ່ນຂໍ້ບົກພ່ອງ. ມັນເປັນສິ່ງທີ່ຄາດການໄວ້, ມັນບໍ່ຈໍາເປັນທີ່ຈະຫຼີກລ້ຽງ, ມັນແມ່ນສິ່ງທີ່ຄາດການໄວ້. // ບາງຄັ້ງລັດຖະບານກາງກໍອາດຈະເປັນໝູ່ເພື່ອນຂອງທ່ານ, ເປັນດາບຂອງທ່ານ ຫຼືເປັນເສື້ອເກາະຂອງທ່ານ. ບາງຄັ້ງລັດຂອງທ່ານ ອາດຈະເປັນຜູ້ທີ່ປົກປ້ອງທ່ານຈາກລັດຖະບານກາງ, ແລະທັງສອງເງື່ອນໄຂນີ້ ກໍ່ເປັນຄວາມຈິງໃນຈຸດຕ່າງໆ ໃນປະຫວັດສາດຂອງອາເມຣິກາ."

ສະພານິຕິບັນຍັດຈະໂຕ້ວາທີກັນ ແລະຫຼັງຈາກນັ້ນກໍຈະລົງຄະແນນສຽງກ່ຽວກັບມາດຕະການສຸກເສີນ ກ່ອນທີ່ ທ່ານ ທຣໍາ ຈະເຂົ້າຮັບຕໍາແໜ່ງໃນວັນທີ 20 ມັງກອນນີ້.

ອ່ານລາຍງານນີ້ເປັນພາສາອັງກິດ

California took the initial steps this week in protecting the state's progressive policies against anticipated federal challenges from the incoming Trump administration. VOA's Matt Dibble has the story from the state capital in Sacramento.

California lawmakers convened at the capitol in Sacramento on Monday for an emergency session to protect state policies

from expected challenges by the incoming Trump administration.

Assembly Speaker Robert Rivas said the body must prepare for legal battles with the federal government.

((Robert Rivas, California State Assembly Speaker))

"If LGBTQ people come under attack, if hard-working immigrants are targeted, if women's reproductive freedom is threatened, we will fight back with everything we have."

During the first Trump presidency, California sued the administration more than 120 times, successfully defending state immigration policies, vehicle emission standards and access to health care.

During the campaign, Trump again pledged to revoke California's ability to regulate vehicle pollution, and to deport all unauthorized immigrants. He also threatened to withhold disaster relief funds if the state resists his policies.

California Governor Gavin Newsom, who called for the session,

is asking the Legislature for an additional $25 million for the state's legal defense fund.

((Sade Elhawary, California State Representative))

"It's really important that we are doing everything we can to prepare, to suit up for what's going to be a huge battle. At the same time, we have to balance the need for some of these legal battles with the priorities that are necessary to ensure that we are supporting our communities' everyday needs, housing, homelessness."

The proposed legal fund is coming at a time when California is facing a growing budget deficit, as well as fears of a worsening state economy under Trump.

However, with its Democratic majority, defense of the state's progressive values is expected to have broad support.

But James Gallagher, leader of the Assembly's Republican minority, said that preparing to fight the federal government was the wrong approach. ((end courtesy))

((James Gallagher, California State Representative))

"I sent a letter to President Trump, and I said, ‘Hey, there's a lot of Californians out here and elected officials who want to work with you, and especially in the areas of wildfire prevention, water, housing, energy costs.’"

Outside the Capitol, demonstrators marched, drawing attention to the threat posed by Trump's proposed mass deportations. California, which has an estimated 1.8 million unauthorized immigrants, is a “Sanctuary State”

and has refused to assist federal deportation efforts in the past.

Republican Assembly member Bill Essayli says this must end. ((end courtesy))

((Bill Essayli, California State Representative))

"Border security, immigration policy, that's not a state issue. We can't have 50 states have separate immigration policies in the United States of America. We have to have one policy."

The power granted states to resist federal overreach has been used since the drafting of the U.S. Constitution and is intended to protect citizens,

says David Carrillo, of Berkeley Law at the University of California.

((David A. Carrillo, California Constitution Center)) ((Courtesy: Skype))

"To a certain extent, conflict between the states and the federal government is a feature, not a bug. It's anticipated, it's not necessarily something to avoid, it's expected. // Sometimes the federal government might be your friend, your sword or your shield. Sometimes your state might be the one defending you against the federal government, and both of those conditions have been true at various points throughout American history."

The legislature will debate and then vote on the emergency measures before Trump takes office on January 20th.