ບັນດາເຈົ້າໜ້າທີ່ ໃນປະເທດ Burundi ກ່າວວ່າ ເຂົາເຈົ້າໄດ້ຈັບ
ສາມຄົນ ທີ່ພົວພັນກັບ ການພະຍາຍາມເຮັດລັດຖະປະຫານ
ເພື່ອໂຄ່ນລົ້ມປະທານາທິບໍດີ Pierre Nkurunziza ໃນວັນພຸດ
ທີ່ຜ່ານມາ.
ຜູ້ຊ່ວຍປະທານາທິບໍດີ ຄົນໜຶ່ງ ກ່າວຕໍ່ບັນດານັກຂ່າວໃນວັນສຸກ
ມື້ນີ້ວ່າ ສາມຄົນທີ່ຖືກຈັບແມ່ນເປັນນາຍພົນ ທີ່ຊ່ວຍຈັດແຈງໃນ
ການພະຍາຍາມເພື່ອເຮັດ ລັດຖະປະຫານ ແຕ່ຜູ້ນຳລັດຖະປະ
ຫານ ນາຍພົນ Godefroid Niyombare ບໍ່ໄດ້ຢູ່ໃນຈຳນວນ
ພວກທີ່ຖືກຈັບ.
ປະທານາທິບໍດີ Nhurunziza ຄາດວ່າ ຈະຖະແຫລງຕໍ່ປະເທດຊາດ ໃນວັນສຸກມື້ນີ້.
ຖະໜົນຫົນທາງໃນນະຄອນຫລວງ Bajumbura ມີລາຍງານວ່າ ງຽບສະຫງົບໃນວັນສຸກ
ມື້ນີ້ ຫລັງຈາກສອງມື້ທີ່ໄດ້ເກີດຄວາມຮຸນແຮງ ລະຫວ່າງພັກຝ່າຍທີ່ ເປັນປໍລະປັກ.
ໃນວັນພະຫັດວານນີ້ ປະທານາທິບໍດີ ໄດ້ຢືນຢັນຜ່ານທາງ Twitter ວ່າ ທ່ານທ່ານໄດ້
ເດີນທາງກັບຄືນເຂົ້າໄປໃນ Burundi ແລ້ວ ຫລັງຈາກຫລາຍຊົ່ວໂມງ ບໍ່ໄດ້ມີການແຈ້ງ
ໃຫ້ຊາບກ່ຽວກັບທີ່ຢູ່ຂອງທ່ານ. ປະທານາທິບໍດີ Nhurunziza ໄດ້ເຂົ້າຮ່ວມກອງປະຊຸມ
ຂົງເຂດຢູ່ Tanzania ເວລາມີການພະຍາຍາມເຮັດລັດ ຖະປະຫານເກີດຂຶ້ນ ໃນວັນພຸດ
ທີ່ຜ່ານມາ.
ໃນຕອນແລງວັນພະຫັດວານນີ້ ບັນດາຜູ້ນຳລັດຖະປະຫານ ຍອມຮັບວ່າ ຄວາມພະຍາ
ຍາມຂອງເຂົາເຈົ້າ ໄດ້ປະສົບກັບລົ້ມແຫລວ. ຮອງຜູ້ນຳໃນການກໍ່ລັດຖະປະຫານ
ນາຍພົນ Cyrille Ndayirukiye ກ່າວວ່າ ຂະບວນການຂອງທ່ານບໍ່ສາມາດຕ້ານຢັນ
ກັບກຳລັງທີ່ຈົງຮັກພັກດີຕໍ່ປະທານາທິບໍດີ.
Your browser doesn’t support HTML5
Burundi