ຜູ້ນຳປະຊາທິປະໄຕມຽນມາ ທ່ານນາງ ອອງຊານ ຊູຈີ ເວົ້າວ່າ ການພົວພັນຂອງສະ ຫະລັດກັບມຽນມາ ແມ່ນເປັນການດີ ແຕ່ກໍກ່າວວ່າ ສະຫະລັດຕ້ອງໃຫ້ແທດເໝາະກັບສະພາບຕົວຈິງ.
ໃນໂອກາດໃຫ້ສຳພາດກັບໂທ ລະພາບ CNN ທີ່ອອກອາກາດໃນວັນສຸກມື້ວານນີ້ທ່ານນາງ ອອງຊານ ຊູຈີ ກ່າວວ່າ ທ່ານບໍ່ມີຄວາມຄັດຄ້ານຕໍ່ການພົວພັນທາງການທູດຂອງ ສະຫະລັດ ກັບລັດຖະບານທະຫານມຽນມາ. ຫາກແຕ່ທ່ານນາງ ເວົ້າວ່າ ເຈົ້າໜ້າທີ່ສະ ຫະລັດບໍ່ຄວນຈະເຂົ້າໄປໂອ້ລົມກັບລັດຖະບານດັ່ງກ່າວນີ້ໂດຍຕັ້ງຄວາມຫວັງໄວ້ຫລາຍໂພດ.
ທ່ານນາງ ອອງຊານ ຊູຈີ ຖືກປ່ອຍອອກຈາກການກັກບໍລິເວນໃຫ້ຢູ່ໃນເຮືອນໃນ 1 ອາ
ທິດກ່ອນນີ້ ພາຍຫລັງທີ່ໄດ້ຖືກກັກຂັງບໍ່ໃນຮູບໃດກໍໃນຮູບນຶ່ງ ເປັນເລລາ 15 ປີ ໃນໄລ
ຍະ 21 ປີທີ່ຜ່ານມາ. ນັບແຕ່ໄດ້ຖືປ່ອຍຕົວ ທ່ານນາງຊຶ່ງເຄີຍໄດ້ຮັບລາງວັນ ໂນແບລຂະ
ແໜງສັນຕິພາບນັ້ນ ໄດ້ຮຽກຮ້ອງໃຫ້ເປີດການເຈລະຈາສ້າງຄວາມປອງດອງຊາດກັບຜູ້
ນຳລັດຖະບານທະຫານມຽນມາ ນາຍພົນ Than Shwe.
ນອກນັ້ນໃນມື້ວານນີ້ ກະຊວງການຕ່າງປະເທດສະຫະລັດກ່າວວ່າ ລັດຖະມົນຕີການ
ຕ່າງປະເທດສະຫະລັດ ທ່ານນາງ Hillary Clinton ໄດ້ສົ່ງຈົດໝາຍສ່ວນໂຕໄປຫາ
ທ່ານນາງອອງຊານຊູຈີ. ໂຄສົກບໍ່ຍອມໃຫ້ການຊີ້ແຈງກ່ຽວກັບເນື້ອໄນຂອງຈົດໝາຍ.