ປະທານາທິບໍດີສະຫະລັດ ທ່ານບາຣັກໂອບາມາ ຈະສົ່ງທ່ານນາງຮີລລາຣີ ຄລິນຕັນ
ລັດຖະມົນຕີການຕ່າງປະເທດສະຫະລັດໄປຍັງມຽນມາໃນເດືອນໜ້າ ໃນການລິເລີ້ມ
ທາງການທູດຄັ້ງປະວັດສາດທີ່ມີວັດຖຸປະສົງເພື່ອເລັ່ງລັດໃຫ້ມີການປະຕິຮູບຫລາຍຂຶ້ນ
ໃນມຽນມານັ້ນ.
ການຢ້ຽມຢາມມຽນມາຂອງທ່ານນາງຮີລລາຣີ ຄລິນຕັນ ຈະເປັນການຢ້ຽມຢາມຄັ້ງທໍາ
ອິດໃນປະເທດທີ່ຢູ່ໂດດດ່ຽວແຫ່ງນັ້ນ ໂດຍລັດຖະມົນຕີການຕ່າງປະເທດສະຫະລັດໃນ
ຮອບຫລາຍກວ່າ 50 ປີຜ່ານມາ. ທ່ານໂອບາມາໄດ້ປະກາດເລື້ອງນີ້ໃຫ້ຮູ້ທີ່ເກາະບາຫລີ
ອິນໂດເນເຊຍໃນວັນສຸກວານນີ້ ໂດຍກ່າວວ່າ ສະຫະລັດຕອບສະໜອງຕໍ່ຄວາມຄືບໜ້າ
ທີ່ເກີດຂຶ້ນມາໃໝ່ໆຈາກລັດຖະບານມຽນມາ ຊຶ່ງໄດ້ຍຸດຕິການປົກຄອງໂດຍພວກທະຫານ
ມາເປັນເວລາ 5 ທົດສະວັດໃນເດືອນມີນາຜ່ານມາ ເວລາມຽນມາຈັດຕັ້ງລັດຖະສະພາພົນ
ລະເຮືອນຂຶ້ນມານັ້ນ.
ປະທານາທິບໍດີ ໂອບາມາ ກ່າວຕວ່າ ລັດຖະມົນຕີຕ່າງປະເທດສະຫະລັດຄລິນຕັນ ຈະສຶກ
ສາສໍາຫລວດເບິ່ງວ່າ ມີສິ່ງໃດແດ່ທີ່ສະຫະລັດສາມາດເຮັດໄດ້ ເພື່ອສະໜັບສະໜຸນຄວາມ
ກ້າວໜ້າທາງດ້ານການປະຕິຮູບທາງການເມືອງ, ດ້ານສິດທິມະນຸດ ແລະສ້າງຄວາມປອງ
ດອງຊາດນັ້ນ. ທ່ານນາງຄລິນຕັນ ຈະເດີນທາງໄປມຽນມາ ໃນວັນທີ 1-2 ທັນວາ ໂດຍຈະ
ແວ່ຢ້ຽມຢາມ ທີ່ຢ່າງກຸ້ງ ແລະນະຄອນຫລວງເນປີອີຕໍ.
ເບິ່ງລາຍງານຂ່າວພາສາອັງກິດ ກ່ຽວກັບທ່ານໂອບາມາປະກາດ ຈະສົ່ງທ່ານນາງ
ຮິລແລຣີ ຄລິນຕັນ ໄປຍັງມຽນມາ ໃນວັນທີ 1 ເດືອນທັນວານີ້: