ບັນດາຜູ້ເຈລະຈາ ຈາກອາຟຣິກາຕາເວັນຕົກ ໄດ້ປະກາດແຜນ ການສະບັບນຶ່ງ ໃນວັນອາທິດວານນີ້ ເພື່ອຢຸດຕິວິກິດການໃນ
ເບີກີນາຟາໂຊ ບ່ອນທີ່ທະຫານໄດ້ກໍ່ລັດຖະປະ ຫານ ໂຄ່ນລົ້ມ ລັດຖະບານພົນລະເຮືອນ ໄລຍະຂ້າມຜ່ານເມື່ອອາທິດແລ້ວນີ້.
ຂໍ້ສະເໜີ ຈະຈັດຕັ້ງຄືນອຳນາດການປົກຄອງໂດຍພົນລະເຮືອ ແຕ່ສະເໜີໃຫ້ການນິລະໂທດກຳ ແກ່ບັນດາຜູ້ນຳ ການກໍ່ລັດຖະປະຫານ.
ການເລືອກຕັ້ງປະທານາທິບໍດີ ແລະ ສະມາຊິກສະພາ ທີ່ກຳນົດໃສ່ວັນທີ 1 ຕຸລາ ນັ້ນຈະໄດ້ຖືກຈັດຂຶ້ນ ໃນເວລາໃດໜຶ່ງກ່ອນ ວັນທີ 22 ພະຈິກ. ບັນດາຜູ້ລົງສະໝັກເລືອກຕັ້ງ ທີ່ພັກດີຕໍ່ອະດີດ ປະທານາທິບໍດີ ທ່ານ Baise Campoare ຜູ້ທີ່ໄດ້ຖືກຍົກເວັ້ນຈາກການລົງແຂ່ງ ຂັນ ນເດືອນຕຸລາ ບັດນີ້ ໄດ້ຮັບອະນຸຍາດໃຫ້ລົງແຂ່ງຂັນໄດ້.
ແຜນການດັ່ງກ່າວ ຈະນຳໄປມອບໃຫ້ແກ່ ກອງປະຊຸມສຸດຢອດ ສະຫະພາບອາຟຣິກາ ເພື່ອໃຫ້ຮັບຮອງເອົາໃນວັນອັງຄານມື້ອື່ນນີ້.
ນາຍພົນ Gilbert Diendere ຂອງໜ່ວຍອາລັກຂາປະທານາທິບໍດີ ໄດ້ນຳພາການກໍ່ລັດຖະ ປະຫານເມື່ອອາທິດແລ້ວນີ້. ທ່ານ ພໍໃຈກັບ ການທີ່ພວກສະໜັບສະໜູນທ່ານ Campoare ຈະຖືກກີດກັນບໍ່ໃຫ້ເຂົ້າຮ່ວມໃນການເລືອກຕັ້ງຄັ້ງໃໝ່.
ສະມາຊິກຂອງໜ່ວຍອາລັກຂາ ໄດ້ຈັບກຸມ ຜູ້ວ່າການປະທານາທິບໍດີ ຊົ່ວຄາວ ທ່ານ Michel Kafando ພ້ອມດ້ວຍນາຍົກລັດຖະມົນຕີຂອງທ່ານ ແລະ ບັນດາລັດຖະມົນຕີຄົນອື່ນໆອີກ ໄວ້ເປັນໂຕປະກັນ ໄລຍະສັ້ນໆ.
ການປະທ້ວງ ຕໍ່ຕ້ານການກໍ່ລັດຖະປະຫານ ໄດ້ກາຍເປັນຄວາມຮຸນແຮງຂຶ້ນ ເຮັດໃຫ້ມີຢ່າງນ້ອຍ 10 ຄົນເສຍຊີວິດ ແລະ ອີກຫຼາຍກວ່າ 100 ຄົນ ໄດ້ຮັບບາດເຈັບ.
ທ່ານ Campoare ປົກຄອງເບີກີນາ ຟາໂຊ ມາໄດ້ 27 ປີ ກ່ອນທີ່ຈະຖືກໂຄ່ນລົ້ມ ໂດຍການລຸຸກຮືຂຶ້ນຂອງປະຊາຊົນ ເມື່ອປີແລ້ວນີ້ ໃນເວລາທີ່ທ່ານພະຍາຍາມ ປ່ຽນແປງລັດຖະທຳມະນູນ ເພື່ອເລືອນການດຳລົງຕຳແໜ່ງປະທານາທິບໍດີຂອງທ່ານອອກໄປ.
Your browser doesn’t support HTML5
Burkina Faso Coup